ꞌLuuka 7:6 - ꞌBuuk cĩ Thõõth cĩ Nyekuci

⁶ Nĩngĩtĩ ĩꞌngaannĩ Yeesu nẽ ookorit hĩ ĩhõõggõ. Baa hõllõngaa ꞌrẽẽn Yeesu hĩ ꞌcieeth ꞌcĩ ĩꞌthõõanĩ ꞌgaalacĩ nyakangaaꞌnya ho. Baa ĩꞌthõõa nẽẽ ĩhõõggõ hiita hĩĩttĩk Yeesu, “Makayyioohit, ma haccanani ẽlẽ cunni haaga, hĩnĩngĩtĩ haꞌngaaoni naa ngaatĩ occa aduknaanĩ nii halang caannĩ.

ꞌLuuka 7:6 ပူးပေါင်းရင်းမြစ်များ

ꞌThianaattõ 32:10

Hĩĩnĩ naa eet umwa haaga ꞌcĩ occa hõllõngaa hũũppani tarbalꞌthẽẽt cunni hĩ thõõth ꞌcĩ adĩmaneekaa nganĩĩt dticcannioohit cunni. Baa hĩĩnĩ hullahaac umwa ꞌcĩ haꞌnyahi hĩbahĩt haaga, baa habaakia hidioo cĩ ꞌJõrdanĩ. Nẽẽthĩ ꞌyioko, aaꞌnyaa nii nganĩĩt habalõ gẽrrẽẽt, haꞌnyak eet ꞌgoolliok ꞌramma.

Maatteeo 20:28

haau hĩ Ngeertĩ Eeto baa aku hikia hidticanoothĩk eet, hõllõngaa hidticattoothĩk eeta ĩnõõnnõ, baa aku ajalana nẽẽ rũgẽt cĩnnĩ hẽẽla eet ꞌcĩg mẽẽlĩg.”

Maatteeo 3:11

“Haggameekuung naa baattithimo cĩ tũngẽẽnĩt cĩ ꞌthẽccaneetu maamĩ haaga, nẽẽthĩ, aku hatĩ eet umwaa ꞌcĩ ĩllõõannaa nganĩĩta, eet ꞌcĩ aitiõõ naa hõllõngaa hũũppani ngaatĩ hĩĩnnĩ appahaca cĩnnĩ nẽ hitilola caawa cĩgĩnnĩg. Aggameekuung hatĩ nẽẽ ngagiit baattithimo Loriiaa ꞌcĩ Ẽllẽẽmĩthĩ hĩ ꞌgwoyyia.

Maarko 5:24

Nĩngĩtĩ õõkõrĩ Yeesu hĩ ĩnõõnnõ. Ma nĩngaata, ũnũõõthĩ lothippiti cobbi gẽrrẽẽt Yeesu nẽ õõt õꞌngõnytõõĩ eeta ĩnõõnnõ.

ꞌLuuka 5:8

Ma baa acĩn ꞌThimõõnẽ ꞌcĩ haĩ ꞌthaar ũgĩ Pẽẽtũrũ thõõth icci ho, akat huruꞌnyia muumaa cĩ Yeesu nẽ ĩĩ, “Makayyioohit, ma hakuu hõbõktõ hĩ nganĩĩta, hĩnĩngĩtĩ hĩĩnĩ naa ꞌthẽccannioohit.”

ꞌLuuka 7:4

Ma baa õdõlan nyakangaaꞌnya tĩko Yeesu ho, ĩĩlallieek ĩĩttĩk, “Adiimmi ꞌgaalacĩ umwaa cĩ ũũrũta nganiit bĩĩt ẽla dticciannioohit cĩnnĩ.

ꞌLuuka 7:5

Ĩĩn nẽẽ eet ꞌcĩ ammĩnan looc cĩnaac gẽrrẽẽt, ĩꞌthõng hetehenyeheet ꞌCieeth cĩ Laiitto.”

ꞌLuuka 7:7

Ĩnõõ ꞌcĩ adtuuhanĩ hõllõngaa hũũppanĩĩ ngaatĩ huppwaanaki naa dẽẽdẽ ho. Nẽẽthĩ ꞌyioko, duha nuun thõõth hõdẽẽthõng haaga, hátĩ hũbũna dticciannioohiti caannĩ ho.

ꞌLuuka 8:49

Ma baa nga õthõõth Yeesu, ikia uppwaanna eet umwaa ꞌcĩ aku aduhaak ꞌJairo makayyioohit cĩ ꞌCieeth cĩ Laiitto anneek, “Iittiõõ loholeec tõõ ẽlẽ, ma nga haccanani ꞌlimmannioohit.”

Dtiicanĩ cĩg ꞌThooyyiahu 10:38

ꞌgõõl ꞌcĩ aaꞌnyĩkĩ Nyekuci Yeesu cĩ Naaꞌtharẽtĩ Lori ꞌcĩ Ẽllẽẽmĩth hĩ ꞌtirrian hĩ ꞌgõõl ꞌcĩ õvvõõĩ looc vẽlẽk, adticanĩ thooꞌthiok ꞌcĩg abũnnaa, hĩ ngaatĩ ẽẽlanĩ eet ꞌcĩg aggam habuui cĩ loriẽẽt ꞌcĩg abathĩ, hĩnĩngĩtĩ baa aaĩ Nyekuci hĩ ĩnõõnnõ.

ꞌJeemith 4:10

Ma hathĩngõõnyannu muumaa cĩ Nyekuci, hátĩ hodonguung nẽẽ ĩĩtõ makatĩg.

ꞌJeemith 4:6

Nẽẽthĩ, aaꞌnyeet Nyekuci ngagĩĩt tarbalꞌthẽẽt cobbi. Ĩnõõ ꞌcĩ aĩnnĩ ꞌBuuhi cĩ Nyekuci, “Abũrĩ Nyekuci eet ꞌcĩg athĩngõõnyanĩ nẽẽthĩ, aaꞌnyĩk nẽẽ eet ꞌcĩg hõllõngaa athĩngõõnyan bũnnai.”