ꞌLuuka 7:47 - ꞌBuuk cĩ Thõõth cĩ Nyekuci

⁴⁷ Haduhaakii naa nganiita, atamaattiothoothĩk ꞌthẽccanẽẽta cĩgĩnnĩg ꞌcĩg mẽẽlĩg ko, hĩnĩngĩtĩ mĩnnan cĩnnĩ ꞌcĩ maka. Ẽẽtĩ ꞌcĩ ũũnnothoothĩk ꞌthẽccanẽẽta ꞌcĩg hidicig haaga, ẽtẽrꞌtha nẽẽ buúk mĩnnan ꞌcĩ hidici.”

ꞌLuuka 7:47 ပူးပေါင်းရင်းမြစ်များ

Maatteeo 10:37

“Ẽẽtĩ ꞌcĩ ammĩnan maaꞌnyĩ hode aattĩnnĩ hĩllõõan ngaatĩ ammĩnanna nganĩĩta, hõllõngaa ĩĩn caannĩ. Nẽ ẽẽtĩ ꞌcĩ ammĩnan ngeerĩnĩ hode bũhaanyĩnĩ hĩllõõan ngaatĩ occa ammĩnanna nganĩĩta, hõllõngaa ĩĩn nẽẽ buúk eet caannĩ,

ꞌLuuka 7:39

Ma baa acĩn Variꞌtheeniti baa avvĩ Yeesu thõõth icci ho, ummuk ꞌthĩnĩtatõõ ĩĩ, “ꞌYioko hĩĩ ẽẽtĩ ciee põrõvẽtaac dĩdĩ, occa ꞌyioko aga ngaatĩ ĩĩnnĩ ngaa ꞌcĩ ahum ĩnõõnnõ ho ꞌthẽccannioohit.”

ꞌLuuka 7:46

Nẽ nga ꞌduutika ngõõrrõ õõ caannĩ, nẽẽthĩ, udduutik ngaa ciee ngõõrrõ ꞌcĩ aꞌnyak muyuuk ꞌcĩ ẽmmẽdĩ gẽrrẽẽt ꞌthõõnĩĩ cĩgannĩg.

ꞌLuuka 7:48

Nẽ uduhaak Yeesu ngaa nicci ĩĩnnĩk, “Atamaattiothoothĩk ꞌthẽccanẽẽta cugunnẽẽgĩ.”

Dtiicanĩ cĩg ꞌThooyyiahu 5:31

Õdõng Nyekuci ĩnõõnnõ nẽ aarĩk attiaa cĩnnĩ ĩcobbi, hĩĩ habu hĩ Ellioohit hẽlẽmaahĩ eet cĩg Ĩꞌthĩraẽlĩ hũtũngteek ꞌthẽccanẽẽt hatamaatĩk Nyekuci ĩhõõggõ.

ꞌRooma 5:20

Baa aku nyattalĩ, hátĩ hedeeꞌnyia ꞌtirriani cĩ ꞌthẽccaanõ. Nẽẽthĩ, ngaatĩ attiranĩ ꞌthẽccanĩ, ikia ittiran tarbalꞌthẽẽt cĩ Nyekuci hĩllõõan.

2 Korinthia 5:14

Aggammeet ngagĩĩt mĩnnanĩ cĩ Krĩstõ. Haga naag haĩ baa adaahĩ Krĩstõ, hĩnĩngĩtĩ eet vẽlẽk, ẽtẽrꞌtha thõõth ciee aĩ, õthõl eeta vẽlẽk daahĩth cĩnnĩ.

ꞌGalaaꞌthia 5:6

Aitiõõ Yeesu Krĩstõ hõllõngaa aꞌnyak thõõth umwa hĩ eet ꞌcĩ ẽttẽẽdĩ ẽlẽ, hode nga hẽttẽẽdĩ ẽlẽ. Aaddi lemiiniti dioo ꞌcĩ hammĩnanõõnĩ naaga.

Eevvetho 6:24

Aꞌnyĩĩk Nyekuc hĩĩ tarbal hĩ eet vẽlẽk ꞌcĩg aalla ammĩnan Makayyioohit cĩnaac Yeesu Krĩstõ.

Pilippi 1:9

Halayyi naa, hátĩ haala hĩtĩlĩth mĩnnanĩ cunuung hũũk ĩĩcĩ oou nẽ agayyu nẽ tarĩ ĩthĩktu jurrung.

1 Timotteeo 1:14

Baa tarbal Makayyioohiti cĩnaac Yeesu Krĩstõ hĩ nganĩĩta. Baa aggatan nẽẽ rũgẽt caannĩ lemiitta, hĩ mĩnnaanaa haau hĩ loholeec cĩnnẽẽnĩ.

1 Yõaannẽ 1:7

Má haattĩg naag lanyita hĩcĩ aaĩ Nyekuci, hõthõl naag rũgẽt hĩ ꞌgoonogeet thõng. Nẽ ũtũũnyĩtõ biyyieeta cĩg Yeesu ꞌthẽccanẽẽt cĩggaac vẽlẽk.

1 Yõaannẽ 3:18

Niig lohollia, hõllõngaa occa hammĩnan naag eleeti cĩggaac thõõthaa ꞌcĩ hõthõõth ũtũũga haaga, hĩmmĩnattõ dtiicanẽẽnnĩ hĩ thõõthaa ꞌcĩ ĩĩn dĩdĩ.

1 Yõaannẽ 4:19

Hammĩnanõõ naag, hĩnĩngĩtĩ baa itiman Nyekuci ngaatĩ ammĩnanneet ngagĩĩt baa ĩĩcĩ oou.

1 Yõaannẽ 5:3

Heterꞌtheek naag Nyekuc mĩnnan cĩnaac ꞌgõõlaa ꞌcĩ hathĩknĩ tilooinit cĩnnĩ nẽ hõllõngaa õkõmĩ tilooiniti cĩnnĩ ho.