ꞌLuuka 7:44 - ꞌBuuk cĩ Thõõth cĩ Nyekuci

⁴⁴ Nĩngĩtĩ ũũkõthõõthĩkĩ ngaa nicci nẽ ĩĩnnĩk ꞌThimõõnẽ, “Adtuuha nii ngaa icci? Nganĩngĩtĩ haduknaanĩ naa õlõ cunni ho, nga aꞌnyaa maam ꞌcĩg hacũũranĩĩ ꞌthoo. Nẽẽthĩ, ũtũũny ngaa ciee ꞌthoo cĩgannĩg tilaalõnĩ nẽ upuppuucan ĩmaa cĩgĩnnĩg.

ꞌLuuka 7:44 ပူးပေါင်းရင်းမြစ်များ

ꞌThianaattõ 18:4

Aꞌnyĩĩk nõõ haꞌnyaktaahuung eeta maam ꞌcĩg acũũrannu ꞌthoo nẽ iyyiomattu hẽẽta urutaa cĩ.

ꞌThianaattõ 19:2

nẽ othoothĩk ĩhõõggõ ĩĩnnĩk, “Makayyiook cĩgannĩg, iita baaĩ nuun hõõt õlõõ caannĩ, hátĩ hĩdĩmanaahuung ꞌgẽẽn ꞌcĩ abadtẽc. Õõt nuun ucuurria ꞌthoo nẽ atagguuꞌthu nẽ nuun hatĩ ĩcĩttu ꞌgõõl ꞌcĩ ooyyu lohotha.” Ẽdẽcĩ aajĩlẽẽta niccieeg ĩnõõnnõ anneek, “Aitiõõ, hooginna hatĩ naag battaala nga gõõng iyyiomanĩ eeta hata.”

ꞌThianaattõ 43:24

Ma ho, ũũhĩ dticciannioohiti nicciee ĩhõõggõ ꞌcieetõõ cĩ Yothebo, nĩngĩtĩ aaꞌnyĩkĩ maam ꞌcĩg ũũnyanĩ ꞌthoo nẽ tarĩ aꞌnyaktaak thigirẽẽt cĩggĩĩng buúk arteenit.

ꞌLuuka 7:38

nẽ ikia ũũk ĩbĩl ĩĩcĩ bahuc cĩnnĩ. Ma ho, utulu ĩꞌthõng hĩdtĩlattoothĩk tilaalõ ꞌthoo cĩg Yeesu nẽ upuppuucan ĩmanĩĩ cĩgĩnnĩg nẽ ũcũũcũ ꞌthoo cĩgĩnnĩg nẽ udduuttik ngõõrrõ.

ꞌLuuka 7:43

Ẽdẽcĩ ꞌThimõõnẽ aĩ, “Hammuhi occa eet baa acuhana ꞌrabbẽẽt ꞌcĩg mẽẽlĩg, ꞌcĩ occa atalĩ ĩnõõnnõ gẽrrẽẽt.” Nẽ ẽdẽc Yeesu ĩĩnnĩk, “Ẽbẽaneehi.”

Yõaannẽ 13:5

Ma nĩngaata, ĩcĩĩdĩk maam hẽddẽẽma nẽ iꞌthianaaĩ ũtũũny ꞌthoo cĩg nuyyiook cĩgĩnnĩg nẽ upuppuucan bithkiiraa nĩĩcĩ.

1 Timotteeo 5:10

Abũnnaa agayyi nẽẽ gẽrrẽẽt ngaatĩ adticanĩ thooꞌthiok ꞌcĩg abũnnaa, ꞌcĩg aattĩg hĩ ꞌcĩg iroktaanĩ lõhõlĩ cĩgĩnnĩg jurrung, hĩ ngaatĩ akũmanẽẽkĩ hẽẽrõn õlõõ cĩnnĩ, akũmaneek eet cĩg Nyekuci õlõõ cĩnnĩ jurrung, ẽẽl pĩĩrnattiaak nẽ ĩrrĩcana ngaatĩ adticanĩ thooꞌthiok vẽlẽk ꞌcĩg abũnnaa.

ꞌJeemith 2:6

Nẽẽthĩ, baa hinnia odoommu niig hullaha thõng. Hõllõngaa nooyyia balliook ꞌcĩg arratannuung ngagiita? Hõllõngaa noyyia ĩhõõggõ ꞌcĩg agurreekuung ngagiit lokihooa?