ꞌLuuka 7:37 - ꞌBuuk cĩ Thõõth cĩ Nyekuci

³⁷ Ma baa athĩhĩ ngaa umwaa ꞌcĩ baa gõõng ĩĩn ꞌthẽccannioohit ꞌtaaũnaa tĩho aĩ, aduhi Yeesu ꞌcieethaa cĩ Variꞌtheetto nĩngaata ho, aꞌnyaha ngõõrrõ cĩ udẽẽttõ ꞌcĩ aꞌnyak muyuuk ꞌcĩ ẽmmẽdĩ gẽrrẽẽt deera,

ꞌLuuka 7:37 ပူးပေါင်းရင်းမြစ်များ

Maatteeo 21:31

“Ma ammuku niig, occa buulenit iina ꞌcĩ athĩhĩ thõõth ꞌcĩ aduhaak maaꞌnyia ho?” Ẽdẽcĩ paadĩrꞌnya ꞌcĩg obbitig hĩ makayyiook cĩg eetuk aĩ, “Buulenit ꞌcĩ oou.” Nĩngĩtĩ aduhaakĩ Yeesu ĩhõõggõ annẽẽkĩ, “Haduhaakuung naa ngagiit thõõth dĩdĩ, aduhun hatĩ eeta ꞌcĩg alũt occoro hĩ ꞌwaaꞌngiak habuccieet cĩ Nyekuci ĩĩcĩ oou hĩ ngagiita!

ꞌLuuka 18:13

“Baa hinnia abĩllaa luttioohiti cĩ occoro ho ꞌrẽẽna, akannĩ hẽbẽrĩ looc, hĩnĩngĩtĩ aga ngaatĩ ĩĩnĩ ꞌthẽccannioohit ꞌcĩ hõllõngaa occa ũũppan ngaatĩ acĩnõõꞌthĩ hẽẽtkujjieen. Nĩngĩtĩ ĩddaaĩ ĩyyõ nẽ alaõ ĩĩ, ‘Nyekuc, tamaatĩhaa nganĩĩt ꞌthẽccannioohit.’ ”

ꞌLuuka 19:7

Ma acĩn eeta vẽlẽk ꞌcĩg baag aattĩg nĩngaata, ngaatĩ ĩꞌthaaõnĩ Yeesu hĩ ꞌThakeeo ho, adahit ngunungunu ĩĩtõ, “Õkõ bẽrẽ Yeesu õlõõ cĩ ꞌthẽccanniookto.”

ꞌLuuka 5:30

Ongoongoeek hinnia Variꞌtheei hĩ ꞌlimmanniook cĩg nyattaalak nuyyiook cĩg Yeesu nẽ ijinit ĩĩttĩk, “Aduheennu gõõng hĩ eet ꞌcĩg alũt occoro hĩ ꞌthẽccanniook hõdẽĩ inni?”

ꞌLuuka 5:32

Baa hõllõngaa hakuu naa, hĩnĩngĩtĩ eet ꞌcĩg abũnnaa. Hakuu naa hikia hẽẽla ꞌthẽccanniook hũtũngteek ꞌthẽccanẽẽt cĩggĩĩng.”

ꞌLuuka 7:34

Ma baa aku Ngeertĩ Eeto aduhi nẽ ũhũd viino ho, akanneeku hinnia lõbõlõbẽẽꞌthĩt hĩ dũũtĩth nẽ iittihu, ꞌgõõnĩ luttiook cĩg occoro hĩ cĩ ‘ꞌthẽccannioohu.’

ꞌLuuka 7:36

Ma ho, ũtũvva Variꞌtheeniti umwaa Yeesu hũũk duhẽẽtta õlõõ cĩnnĩ. Nĩngĩtĩ õkõõĩ Yeesu hũũk hẽrẽẽõ dtaabawa.

Yõaannẽ 11:2

Maria ciee õmmõõrĩ ꞌgotonnia Laaꞌtharõ ho, ĩnõõnnõ baa uud ꞌthoo cĩg Makayyiooktak ngõõrraa ꞌcĩ õꞌngõlĩ ẽmmẽdĩ nẽ upuppuucan ĩmaa cĩgĩnnĩg.

Yõaannẽ 9:24

Ma nĩngaata, utuvuyyia makayyiooha cĩg ꞌJudeei eet nicci tarĩ nẽ ĩĩttĩk, “Bũtan Nyekuc duha thõõth ꞌcĩ ĩĩn dĩdĩ! Hagayya naag ngaatĩ ĩĩnnĩ Yeesu ꞌthẽccannioohit.”

Yõaannẽ 9:31

Hagayya naag hõllõngaa athĩhĩ Nyekuci ꞌthẽccanniook. Athĩhĩ nẽẽ eet ꞌcĩ aꞌthũũnnĩ thõõth cĩnnĩ nẽ ĩdĩman tabiinit cĩnnĩ.

ꞌRooma 5:8

Nẽẽthĩ eteretheeheet Nyekuci ngagĩĩt mĩnnan cĩnnĩ ꞌgõõlaa ĩĩcĩ, baa nga hĩĩgĩn naag ꞌthẽccanniook, ikia adaak Krĩstõ, hĩnĩngĩtĩ ngagĩĩta.

1 Timotteeo 1:15

Ĩĩn thõõth ciee thõõth dĩdĩ ꞌcĩ occa hẽlẽmĩ dĩdĩ. Baa aku Yeesu Krĩstõ loota nĩnga, hátĩ hẽẽla ꞌthẽccanniook nẽ ꞌthẽccannioohit umwa naa buúk ꞌcĩ baa habathi gẽrrẽẽt.

1 Timotteeo 1:9

Nẽ haaga naag tarĩ haĩ, hõllõngaa ẽhẽnytaa nyattalĩ hĩĩ cĩ eet ꞌcĩg abũnnaa, ẽhẽnytaa hĩĩ cĩ eet ꞌcĩg abũrĩ nyattal hĩ eet ꞌcĩg ĩĩn ꞌloorriak hĩ eet ꞌcĩg hõllõngaa aga Nyekuc nẽ ẽꞌthẽcan thooꞌthiok, aruk eet tahatak, tananga maajihi hode ngaaggi.

1 Pẽẽtũrũ 4:18

Eheeddi ꞌBuuhaa cĩ Nyekuci aĩ nẽẽ, “Má õkõmĩ hĩ eet ꞌcĩg abũnnaa ngaatĩ eellianĩ, aaĩ occa hinnia hatĩ hutuno hĩ eet ꞌcĩg hõllõngaa iꞌngolli Nyekuc hĩ ꞌthẽccanniook?”