ꞌLuuka 7:29 - ꞌBuuk cĩ Thõõth cĩ Nyekuci

²⁹ Ma baa athĩhĩ eeta vẽlẽk hĩ eet ꞌcĩg alũt occoro buúk thõõth cĩ Yeesu ho, iita elemit nẽẽg ngaatĩ aũlanĩ thõõth cĩ Nyekuci, hĩnĩngĩtĩ baa aggameek Yõaannẽ ĩhõõggõ baattithimo.

ꞌLuuka 7:29 ပူးပေါင်းရင်းမြစ်များ

Maatteeo 5:46

Má ammĩnannu niig eet ꞌcĩg ammĩnannuung ngagiit diooni, adũmannuung occa hatĩ Nyekuci hĩnĩngĩtĩ thõõth niccia? Ammĩnan eeta ꞌcĩg alũt occoro buúk ꞌgõõnõgĩ.

ꞌLuuka 20:6

Nẽ tarĩ má hĩĩttĩk, ‘Aku hĩ eeta,’ atturreet hatĩ eeta cieeg vẽlẽk biyyiẽẽnĩ, hĩnĩngĩtĩ elemit nẽẽg ngaatĩ ĩĩnnĩ Yõaannẽ põrõvẽtaac.”

ꞌLuuka 3:12

Baa au aggam eeta ꞌcĩg alũt occoro buúk baattithimo nẽ ijinit Yõaannẽ ĩĩttĩk, “Ma naag hĩdĩmatta hutuno ꞌlimmannioohit?”

ꞌLuuka 7:28

Haduhaakuung dĩdĩ, aitiõõ ẽẽtĩ umwaa ꞌcĩ arrita ngaaĩ cĩg irkiꞌnyia iccig ꞌcĩ ĩllõõan Yõaannẽ tõõ. Nẽẽthĩ, ẽẽtĩ ꞌcĩ adtuurna habuccieetaa cĩ Nyekuci, ĩllõõan nẽẽ Yõaannẽ.”

ꞌLuuka 7:35

Nẽẽthĩ, ẽtẽrꞌthaa ꞌgẽẽnyĩthĩ hĩĩ dĩdĩ eetinii ꞌcĩg ẽlẽmĩ thõõth cĩnnĩ.”

Dtiicanĩ cĩg ꞌThooyyiahu 18:25

Baa allimanoothĩk ĩnõõnnõ thõõth cĩ ꞌgõõl cĩ Makayyiookto nẽ baa õthõõth nẽẽ komiitta nẽ illiman thõõth cĩ Yeesu jurrung, tananga aga nẽẽ baattithimo cĩ Yõaannẽ diooni.

Dtiicanĩ cĩg ꞌThooyyiahu 19:3

Nĩngĩtĩ ajini Paaulo ĩhõõggõ annẽẽkĩ, “Baattithimo ꞌcĩ baa aaĩ hutuno ꞌcĩ aggamu niig ko?” Ẽdẽcĩ nẽẽg aĩ “Baattithimo cĩ Yõaannẽ.”

ꞌRooma 10:3

Hĩnĩngĩtĩ hõllõngaa aga eeta cĩg Ĩꞌthĩraẽlĩ ꞌgõõl cĩ bũnnai ꞌcĩ aku hĩ Nyekuc nẽ idiimito ngaatĩ ammũdaanĩ ꞌgõõl ꞌcĩ bũnnai cĩnĩĩng ẽmmẽn nẽ ũtũbũrĩt bũnnai cĩ Nyekuci.

Terethiinit 15:3

Nẽ ebenit tẽgẽl cĩ Mũũꞌtha baa ĩĩn dticciannioohit cĩ Nyekuci nẽ ebenit tẽgẽl cĩ Mĩꞌnyõõnak buúk ĩĩtõ, “Makayyioohit Nyekuc ꞌTirriannioohit ꞌcĩ ĩllõõani vẽlẽk, abulanneet thooꞌthioha ꞌcĩg adticani nii ꞌcĩg ĩĩn dĩdĩ. Aggami nii eet vẽlẽk jurrung, nii Habuui cĩ irkiꞌnyia vẽlẽk ko.

Terethiinit 16:5

Ma ngaati, hĩthĩha aajĩlõ umwa ꞌcĩ aggam maam vẽlẽk õthõõth ĩĩ, “Iini nii Nyekuc ꞌcĩ etteedi thooꞌthiok jurrung nganĩngĩtĩ baarkit nẽ aalla elleemi noho, hĩnĩngĩtĩ etteedi nii thooꞌthiok jurrung ꞌgõõlaa ꞌcĩ aũlanĩ.