ꞌLuuka 7:22 - ꞌBuuk cĩ Thõõth cĩ Nyekuci

²² Nĩngĩtĩ ẽdẽcĩ Yeesu nuyyiook cĩg Yõaannẽ ho annẽẽkĩ, “Oboddiooth õõt uduktaak Yõaannẽ thooꞌthiok ꞌcĩg acinnu nẽ ĩthĩktu ho. Õõt ĩĩttĩk, ĩcĩttĩ eeta ꞌcĩg rubettẽẽgĩ, õtõõcõ ꞌcĩg ahuuli, ũbũttaathõ ꞌcĩg adak helleggeri, ĩthĩktõ ꞌcĩg adĩĩtĩ ĩĩna, ũrũgta daakiaha nẽ illimanoothĩk nyeemuut ꞌcĩ abũnnaa eet ꞌcĩg ĩĩn hullaha buúk.

ꞌLuuka 7:22 ပူးပေါင်းရင်းမြစ်များ

Maatteeo 11:5

Ĩcĩttĩ rubenniaaha, õtõõcõ ꞌngoolliaha, ũbũttaathõ eeta ꞌcĩg adak helleggeri, ĩthĩktõ eeta ꞌcĩg adĩĩtĩ ĩĩna, ũrũgta daakiaha nẽ illimanoothĩk nyeemuut ꞌcĩ abũnnaa eet ꞌcĩg appĩĩrna.

Maatteeo 21:14

Ma nĩngaata, iita eeta ꞌcĩg rubettĩg hĩ ꞌcĩg ĩĩn ꞌngoolliak hĩ Yeesu ꞌCieethaa cĩ Nyekuci, nĩngĩtĩ aaꞌnyĩkĩ nẽẽ ĩhõõggõ vẽlẽk hũbũttaathõ.

ꞌLuuka 4:18

“Aaꞌnyĩhoothĩhaa nganĩĩt Lorii cĩ Makayyiookto, hĩnĩngĩtĩ ẽbẽraawa nẽẽ nganĩĩt hillimaneek eet ꞌcĩg ĩĩn hullaha, nyeemuut cĩnnĩ ꞌcĩ abũnnaa. Ĩꞌthõõannaa nẽẽ hikia huduhaak baabuuthnya nyeemuut ꞌcĩ ooggianĩ nẽẽgĩ, hĩ nyeemuut cĩ acĩnẽẽnĩ rubenniaaha, nẽ hikia hẽẽla eet ꞌcĩg arratan ꞌgoonoggia,

ꞌLuuka 7:21

Nẽ kõr niccia, baa ammũdeek ẽẽla Yeesu eet ꞌcĩg õmmõõrĩ mooriꞌthiook ꞌcĩg mẽẽlĩg, hĩ ꞌcĩg aꞌnyak loriẽẽt ꞌcĩg abathĩ, hĩ ꞌcĩg rubettĩg vẽlẽk hũbũttaathõ.

ꞌLuuka 7:23

Aggatan hatĩ Nyekuci eet ꞌcĩ ẽlẽmma nganĩĩt, hĩnĩngĩtĩ thooꞌthiok ꞌcĩg hadticani naa ho.”

Yõaannẽ 1:46

Nĩngĩtĩ ajini Nathaniele ĩnõõnnõ annẽẽkĩ, “Occa ꞌthẽk aku ꞌgiimwa ꞌcĩ abũnnaa Naaꞌtharẽta?” Ẽdẽcĩ Pilippo ĩnõõnnõ anneek, “Ijjia thĩ da cĩnõ.”

Dtiicanĩ cĩg ꞌThooyyiahu 26:18

hadiimmii naa nganiit bĩĩt ꞌbuuk ĩhõõggõ hẽbẽrĩ cĩggĩĩng, hátĩ hũtũngteek muguur, hõõt hĩ lanyit nẽ tarĩ, hũtũngteek ꞌtirrian cĩ ꞌThĩttaanõ, hõõt ꞌtirrianaa cĩ Nyekuci. Hátĩ hũtũngtoothĩk ꞌthẽccanẽẽta cĩggĩĩng nẽ lemiittaa cĩnĩĩng hĩ nganĩĩta, iita ĩĩtõ nẽẽg buúk dhoorit cĩg eet ꞌcĩg ẽllẽẽmĩth cĩg Nyekuci.’

Dtiicanĩ cĩg ꞌThooyyiahu 8:7

Nĩngĩtĩ au abũnnayyĩ eeta ꞌcĩg mẽẽlĩg ꞌcĩg aꞌnyak loriẽẽt ꞌcĩg abathĩ, hĩ eet ꞌcĩg ahuuli vẽlẽk. Baa adukna loriẽẽta ꞌcĩg abathĩ ho eleetinii cĩg eetuk, ẽggẽrꞌnya ꞌjieena.

ꞌJeemith 2:5

ꞌGotoonoga hĩ ngoonoga ĩthĩktõ. Ẽbẽra Nyekuci hullaha nẽ aaꞌnyĩk ĩhõõggõ lemiinit ꞌcĩ maka loota nĩnga. Nẽ uduhaak ĩhõõggõ buúk thõõth ꞌcĩ hatĩ õthõlĩ nẽẽg hĩ ĩnõõnnõ habuccieet cĩnnĩ, ꞌcĩ hatĩ aaꞌnyĩk nẽẽ eet vẽlẽk ꞌcĩg ammĩnan ĩnõõnnõ.