ꞌLuuka 7:21 - ꞌBuuk cĩ Thõõth cĩ Nyekuci

²¹ Nẽ kõr niccia, baa ammũdeek ẽẽla Yeesu eet ꞌcĩg õmmõõrĩ mooriꞌthiook ꞌcĩg mẽẽlĩg, hĩ ꞌcĩg aꞌnyak loriẽẽt ꞌcĩg abathĩ, hĩ ꞌcĩg rubettĩg vẽlẽk hũbũttaathõ.

ꞌLuuka 7:21 ပူးပေါင်းရင်းမြစ်များ

Maatteeo 4:23

Baa õvvõõĩ Yeesu looc cĩ ꞌGalileea vẽlẽk alliman eet ꞌCieethinii cĩg Laiittak nẽ irrioon nyeemuut ꞌcĩ abũnnaa cĩ habuccieet cĩ Nyekuci nẽ tarĩ aaꞌnyĩk eet ꞌcĩg õmmõõrĩ mooriꞌthiook cũũmõ cũũmõ hũbũttaathõ.

Maatteeo 4:24

Nĩngĩtĩ aku allũnganĩ nyeemuut cĩnnĩ looc cĩ Thiiria vẽlẽk nẽ aꞌnyaktaak eeta ĩnõõnnõ moorriak ꞌcĩg õmmõõrĩ mooriꞌthiook cũũmõ cũũmõ. Baa aꞌnyakiaa eeta ꞌcĩg aꞌnyak mooriꞌthiook ꞌcĩg mẽẽlĩg, hĩ ꞌcĩg aꞌnyak loriẽẽt ꞌcĩg abathĩ hĩ ꞌcĩg õhõda namakarĩ hĩ ꞌcĩg alalliaa ꞌthoona, nĩngĩtĩ ẽẽlanĩ Yeesu ĩhõõggõ vẽlẽk hũbũttaathõ.

Maarko 3:10

Ma baa aaꞌnyĩk nẽẽ eet ꞌcĩg mẽẽlĩg hũbũttaathõ ho, iita eeta vẽlẽk ꞌcĩg baag õmmõõrĩ, õꞌngõnytõõĩ ꞌgõõl ꞌcĩ aayyi nẽẽnĩ, aĩ hátĩ huhumta ĩnõõnnõ.

Maarko 5:29

Ma baa ahum nẽẽ cẽrẽm cĩ Yeesu ho, ikia ĩbĩl mõõrĩthĩ ꞌcĩ arihi ĩnõõnnõ ẽlẽ ho hĩdĩĩkoothong, nĩngĩtĩ agaõõꞌthĩ nẽẽ buúk aĩnnĩ, hũbũnawa.

Maarko 5:34

Ma nĩngaata, ĩĩnnĩk Yeesu ngaa nicci, “Aaꞌnyi lemiiniti cunni nganiit bũna, bĩĩt taliitta nẽ aau lõꞌngõõc pĩĩrnattaa baa nunni.”

ꞌLuuka 7:20

Ma baa õdõlanit nuyyiooha niccieeg Yeesu, uduktaak ĩĩttĩk, “Ĩꞌthõõanneet ngagĩĩt Yõaannẽ Batitta hiita hijitti hiittihii, ‘Nganiit baa aĩ occa hatĩ akuuni? Hode occa nga hẽrẽẽyya eet umwa?’ ”

Ebereei 12:6

Hĩnĩngĩtĩ iloot Makayyioohiti eet ꞌcĩg ammĩnan nẽẽnĩ, nẽ uuk eet vẽlẽk ꞌcĩg ẽlẽmĩ nẽẽ hĩ lohollia cĩgĩnnẽẽgĩ.”