ꞌLuuka 7:2 - ꞌBuuk cĩ Thõõth cĩ Nyekuci

² Baa ammũdeek õmmõõrĩ dticciannioohiti umwaa ꞌcĩ amĩna ꞌgaalacĩ cĩ ũũrũta gẽrrẽẽt hõbõhĩ daahĩthĩ.

ꞌLuuka 7:2 ပူးပေါင်းရင်းမြစ်များ

ꞌThianaattõ 24:27

“Hatali Makayyioohit Nyekuc cĩ Abũrahamĩ gẽrrẽẽt, ngaatĩ ĩĩnnĩ tarbal nẽ ĩdĩmaneek makayyioohit caannĩ thõõth baa aduha. Aꞌnyahaawa Makayyioohiti Nyekuci ĩꞌthõng õlõ cĩ ittioonniok cĩg makayyioohit caannĩ Abũrahaamõ.”

ꞌThianaattõ 35:8

Ma urutaa cĩ thõõth icci, ikia adaak Debora dticciannioohiti cĩ Rẽbẽka nẽ ũũk adaĩ hẽẽtaa cobbi uruta Bẽẽthẽla ĩĩcĩ holooc. Nganĩngĩtĩ nohota, ũtũvvẽẽcõ eeta hẽẽt tĩho ĩĩttĩk Allon Bacuth.

Maatteeo 27:54

Ma baa acĩn ꞌgaalacĩ cĩ ũũrũta cĩg ꞌRooma hĩ eet ꞌcĩg baag arũmĩ hĩ ĩnõõnnõ ẽbẽk Yeesu, hirihidtik hĩ hẽlẽggĩ ꞌcĩg baag edeeꞌnyia vẽlẽk ko, iita abarritit nẽẽg gẽrrẽẽt nẽ ĩĩtõ, “Ĩko mĩĩ baa ĩĩn ẽẽtĩ ciee Ngeertĩ Nyekuci dĩdĩ!”

ꞌLuuka 23:47

Ma adtuuha ꞌgaalac cĩ ũũrũta thooꞌthiok iccig vẽlẽk ho, ĩdĩhĩth Nyekuc nẽ ĩĩ, “Occa ꞌthẽk baa ĩĩn ẽẽtĩ ciee eet ꞌcĩ abũnnaa.”

ꞌLuuka 7:1

Ma baa ẽdẽcaak Yeesu ngaatĩ allimanĩ eeta, ĩtĩnga ũũk Kapernauma.

ꞌLuuka 7:3

Ma baa athĩhĩ ꞌgaalacĩ Yeesu nĩngaata ho, ikia ĩꞌthõ makayyiook ũgĩ cĩg eet cĩg ꞌJudeei hõõt hĩĩlallieek Yeesu hikia hẽẽla dticciannioohit cĩnnĩ ho.

ꞌLuuka 8:42

Baa adĩman nẽẽ hoti, hĩnĩngĩtĩ õbõhĩ adaak loholeec cĩnnĩ ꞌcĩ ngayyi ꞌcĩ ĩĩn irkiꞌnyia õmmõtõ hĩ ꞌramma. Loholeec cĩnnĩ ꞌcĩ ngayyi dioo tĩho. Ma baa nga õvvõ Yeesu ꞌgõõla, baa atũllũngõõnĩ lothippiti ĩnõõnnõ hĩcĩ aĩ haathoꞌtha ꞌthõõnĩ.

Dtiicanĩ cĩg ꞌThooyyiahu 10:1

ꞌTaaũnaa cĩ Caetharea, baa aaĩ eet umwaa ꞌcĩ haĩ ꞌthaar Korneellio. Baa ĩĩn Korneellio ꞌgaalac cĩ ũũrũta ꞌcĩ aggam athegereeꞌnya ꞌmiia hõdẽĩ, baa agayyi athegereeꞌnya tĩko haĩ athegereeꞌnya cĩg Itali.

Dtiicanĩ cĩg ꞌThooyyiahu 10:7

Ma baa õbõdõõthĩ aajĩlõ ꞌcĩ õthõõthõõ hĩ Korneellio ho, ikia ũtũvvũ nẽẽ dticcianniook cĩgĩnnĩg ꞌramma hĩ athegereec cĩnnĩ ꞌcĩ gõõng alayyi gẽrrẽẽt.

Dtiicanĩ cĩg ꞌThooyyiahu 22:26

Ma baa athĩhĩ ꞌgaalacĩ thõõth icci ho, ũũk hĩ ꞌgaalac cobbi cĩnĩĩng nẽ ijin ĩnõõnnõ ĩĩnnĩk, “Ne ꞌcĩ adĩmani nii hoti ho? Ma ꞌcĩ ĩĩn ẽẽtĩ caa eet cĩ ꞌRooma ho!”

Dtiicanĩ cĩg ꞌThooyyiahu 23:17

Ma ho, ũtũvva Paaulo ꞌgaalac umwa cĩ ũũrũta ĩĩnnĩk, “Ẽlẽ bĩtĩ nyahaappan icci hĩ ꞌgaalac cobbi, hĩnĩngĩtĩ aꞌnyak thõõth umwa ꞌcĩ atab aduhaak ĩnõõnnõ.”

Dtiicanĩ cĩg ꞌThooyyiahu 27:1

Ma baa udukia thõõth ꞌcĩ hooyyia Itali, ũũk aaꞌnyĩhoothĩk Paaulo hĩ baabuuthnya ũgĩ, ꞌgaalac cĩ ũũrũta ꞌcĩ haĩ Jullio. Baa ĩĩn Jullio eet cĩ aggam ũũrũta ꞌcĩg mẽẽlĩg cĩg habu cobbi cĩ ꞌRooma.

Dtiicanĩ cĩg ꞌThooyyiahu 27:3

Ma loohoth cĩnnĩ, hiita hõdõlatta ꞌtaaũn cĩ ꞌThidõõnẽ, ma nĩngaata ikia atamaatĩk Jullio Paaulo, nĩngĩtĩ ẽlẽmaakĩ ĩnõõnnõ hũũk hĩcĩn ꞌgõõnõgĩ, hõõt haanytĩk ĩnõõnnõ hẽlẽggĩ ꞌcĩg adiim nẽẽnĩ.

Dtiicanĩ cĩg ꞌThooyyiahu 27:43

Nẽẽthĩ, baa adiim ꞌgaalacĩ cĩ ũũrũta ẽẽla Paaulo hũrũg, nĩngĩtĩ aduhaakĩ eet ꞌcĩg ũũrũta hiittiõõ hõllõngaa adĩman thõõth ꞌcĩ ammuk nẽẽg ko. Ma nĩngaata, uduhaak eet ꞌcĩg aganeek maam, hudhuktoothĩk maamĩtõõ habaaktĩ hõõt ngaatĩ õdõhõhĩĩ.

Kolooꞌthe 3:22

Niig appahacaaꞌnya, ĩthĩhĩt thooꞌthiok vẽlẽk ꞌcĩg aduhaakuung makayyiooha cugguung cĩg looc nicci, hõllõngaa hĩnĩngĩtĩ ebekuung nẽẽg ngagiit thõng, hode hatĩ accamanaannuung ngagiit thõng diooni, ĩthĩhĩt ĩhõõggõ ꞌthinneetini dĩdĩ hĩ tẽẽlꞌthĩtaa cĩ Makayyiookto.