ꞌLuuka 7:16 - ꞌBuuk cĩ Thõõth cĩ Nyekuci

¹⁶ Ma nĩngaata, ubulan thõõth ciee eet vẽlẽk ꞌcĩg aattĩg nĩngaata, nĩngĩtĩ au adĩkꞌthĩ Nyekuc gẽrrẽẽt aĩnnĩ, “Uppwaannaheet aattĩ põrõvẽtaacĩ cobbi gẽrrẽẽt. Ikia ẽla Nyekuci eet cĩgĩnnĩg.”

ꞌLuuka 7:16 ပူးပေါင်းရင်းမြစ်များ

Luugithõõ 4:31

nĩngĩtĩ au elemiini eeta. Ma baa athĩhĩ nẽẽg ngaatĩ ammuhi Makayyioohiti ĩhõõggõ nẽ ĩcĩn pĩĩrnanĩt cĩnĩĩng ko, iita akatit huruꞌnyia nẽ alayyio.

Maatteeo 15:31

Ma nĩngaata, iita atalit eeta hõdẽĩ hõdẽĩ, hĩnĩngĩtĩ ꞌgii ꞌcĩ adtuuha hĩ ꞌcĩ athĩhĩ nẽẽgĩ. Iita othoothito eeta baag hõllõngaa õthõõthĩ. Iita õtõõcõ ꞌngoolliaha nẽ ĩcĩttĩ eeta baag rubettẽẽgĩ nẽ ĩdĩhĩthĩt eeta Nyekuc cĩ Ĩꞌthĩraẽlĩ.

Maatteeo 21:11

Ẽdẽcĩ lothippiti aĩ, “Yeesu põrõvẽtaac ꞌcĩ aku Naaꞌtharẽta looccaa cĩ ꞌGalileea.”

Maatteeo 28:8

Nĩngĩtĩ aꞌthũkcĩ ngaaĩ niccieeg ũũnnĩkĩ ꞌlook hõõt huduktaak nuyyiook cĩgĩnnĩg, tananga itieelli, baa accamanoothĩk pee.

Maatteeo 9:8

Ma baa acĩn lothippiti thõõth icci ho, iita aꞌngalilli nẽẽg gẽrrẽẽt ũdũt nẽ ĩdĩhĩthĩt Nyekuc ꞌcĩ aaꞌnyĩk eet makaaꞌthĩt ꞌcĩ aaĩ noho ho.

ꞌLuuka 1:65

Baa adhirriaangan thõõth ciee eet ꞌcĩg õbõhõõ hĩ õlõ cĩnnĩ gẽrrẽẽt nẽ baa athithan eeta thõõth icci looccaa cĩ ꞌJudeea hũtũrũũr.

ꞌLuuka 1:68

“Aꞌnyĩĩk hĩdĩhĩthĩ Makayyioohiti Nyekuci cĩ Ĩꞌthĩraẽlĩ, hĩnĩngĩtĩ ikia ũrũgũtha nẽẽ eet cĩgĩnnĩg.

ꞌLuuka 19:44

Õrrõyõõhaneekuung hatĩ nẽẽg ngagiit looc, hõdẽĩ hĩ lõhõlĩ cugguung vẽlẽk. Hĩnĩngĩtĩ hõllõngaa hatĩ ũũnnĩk mĩrõha cugguung bẽẽ umwa hataadĩ ꞌgoonnia, hĩnĩngĩtĩ hõllõngaa elemmu niig kõr cĩ elliaanĩt cunuung.”

ꞌLuuka 2:20

Nĩngĩtĩ õbõdõõꞌthĩ tũhayyiooha ĩĩcĩ horggu adĩkthoothi nẽ ubuluꞌthiõõthĩ Nyekuc ꞌgõõla, hĩnĩngĩtĩ thooꞌthiok ꞌcĩg athĩhĩ nẽẽg nẽ ĩcĩnĩt hẽbẽrẽẽnnĩĩ cĩggĩĩng ko. Baa acĩn nẽẽg aaĩ thõõth ciee hĩ baa aduhaak aajĩlõ ĩhõõggõ dẽẽdẽ.

ꞌLuuka 24:19

Ẽdẽcĩ Yeesu anneek, “Neegi baallĩ?” Ẽdẽcĩ nẽẽg aĩ, “Thõõth cĩ Yeesu cĩ Naaꞌtharẽtĩ, baa ĩĩn põrõvẽtaac ꞌcĩ attiran gẽrrẽẽt thooꞌthiohĩĩ ꞌcĩg õthõõthĩ nẽ idtican hẽbẽrẽẽnnĩĩ cĩg Nyekuci hĩ ĩcĩg eet vẽlẽk.

ꞌLuuka 5:26

Baa nẽ ubulan thõõth ciee lothippit niccia hũtũrũũr nẽ ĩdĩhĩthĩt Nyekuc ĩĩtõ, “Hĩcĩtta aattĩ kõr nicci ꞌgii ꞌcĩ gõõng nga hĩcĩtta hõdõõkõthĩ.”

ꞌLuuka 5:8

Ma baa acĩn ꞌThimõõnẽ ꞌcĩ haĩ ꞌthaar ũgĩ Pẽẽtũrũ thõõth icci ho, akat huruꞌnyia muumaa cĩ Yeesu nẽ ĩĩ, “Makayyioohit, ma hakuu hõbõktõ hĩ nganĩĩta, hĩnĩngĩtĩ hĩĩnĩ naa ꞌthẽccannioohit.”

ꞌLuuka 7:15

Nĩngĩtĩ ĩꞌngaanĩ buuleniti aa adaak ko noho cahũkũr haau ꞌjieena nẽ iꞌthianaaĩ õthõõth lõꞌngõõc. Nĩngĩtĩ õbõdẽẽkĩ Yeesu ĩnõõnnõ aattĩnnĩ.

ꞌLuuka 7:39

Ma baa acĩn Variꞌtheeniti baa avvĩ Yeesu thõõth icci ho, ummuk ꞌthĩnĩtatõõ ĩĩ, “ꞌYioko hĩĩ ẽẽtĩ ciee põrõvẽtaac dĩdĩ, occa ꞌyioko aga ngaatĩ ĩĩnnĩ ngaa ꞌcĩ ahum ĩnõõnnõ ho ꞌthẽccannioohit.”

ꞌLuuka 8:37

Nĩngĩtĩ aduhaakĩ eeta cĩg ꞌGerathẽnĩ Yeesu hũtũngeek looc cĩnĩĩng, hĩnĩngĩtĩ baa ikia aggam ĩhõõggõ tẽẽlꞌthĩtĩ cobbi gẽrrẽẽt. Nĩngĩtĩ õtõdĩ Yeesu haahũl õkõõĩ.

ꞌLuuka 9:19

Ẽdẽcĩ nẽẽg anneek, “Aĩ eeta ũgẽẽgĩ ĩĩnĩ nii Yõaannẽ Batitta, nẽ ĩĩtõ ũgẽẽgĩ ĩĩnĩ nii Eliijja nẽ tarĩ ĩĩtõ ũgẽẽgĩ, iini moho nii põrõvẽtaac umwa cĩ baarkit ꞌcĩ ũrũga thõng.”

Yõaannẽ 1:21

Nẽ ijinit tarĩ paadĩrꞌnya hĩ eet cĩg hattũũg cĩ ꞌLeevi ĩnõõnnõ ĩĩttĩk, “Eet iina thĩ nii, Eliijja?” Ẽdẽcĩ nẽẽ ĩhõõggõ anneek, “Aitiõõ naa hõllõngaa hĩĩnĩ Eliijja.” Nĩngĩtĩ ajini nẽẽg Yõaannẽ tarĩ annẽẽkĩ, “Ĩĩnĩ thĩ nii põrõvẽtaac?” Ẽdẽcĩ nẽẽ aĩ, “Aitiõõ tõõ.”

Yõaannẽ 1:25

nẽ õõt ijinit ĩnõõnnõ ĩĩttĩk, “Aggameehi nii eet baattithimo inni, hatĩ hõllõngaa ĩĩnĩ nii Krĩstõ hode Eliijja hode põrõvẽtaac?”

Yõaannẽ 4:19

Ẽdẽcĩ ngaa nicciee aĩ, “Ẽẽtĩ cieeni, ĩko iini nii põrõvẽtaac.

Yõaannẽ 6:14

Ma baa ĩcĩnĩt eeta Yeesu ngaatĩ adĩmanĩ thõõth icci ĩnaat eeta ho, iita othoothito nẽẽg ĩĩtõ, “Dĩdĩ ĩko ĩĩn ẽẽtĩ ciee põrõvẽtaac ꞌcĩ hatĩ aku loota nĩnga!”

Yõaannẽ 9:17

Ma ho, utuhuyyioothĩk nẽẽg rubenniaahit tarĩ nẽ ĩĩttĩk, “Aini ꞌyioko nii thõõth cĩ eet tĩho ne? Baa hẽbẽrĩ cugunnig ꞌcĩg aaꞌnyĩk nẽẽ hũbũttaathõ ho.” Ẽdẽcĩ ẽẽtĩ nicciee anneek, “Ĩĩn nẽẽ põrõvẽtaac.”

Dtiicanĩ cĩg ꞌThooyyiahu 5:5

Ma baa athĩhĩ Anania thõõth icci ho, ẽttẽẽd looc noho ꞌlir, nĩngĩtĩ adaaknĩ. Ma ho, aggam tẽẽlꞌthĩtĩ eet vẽlẽk ꞌcĩg baag athĩhĩ thõõth icci gẽrrẽẽt.

Dtiicanĩ cĩg ꞌThooyyiahu 7:37

“Mũũꞌtha ꞌcĩ aduhaak eet cĩg Ĩꞌthĩraẽlĩ anneek, ‘Ĩꞌthõõakuung hatĩ Nyekuci ngagiit põrõvẽtaac ꞌcĩ haduhoonna hĩ nganĩĩt eetinii cugguung.’

ꞌGalaaꞌthia 1:24

Nĩngĩtĩ au adĩkꞌthĩ nẽẽg Nyekuc, hĩnĩngĩtĩ nganĩĩta.