ꞌLuuka 7:13 - ꞌBuuk cĩ Thõõth cĩ Nyekuci

¹³ Ma baa adtuuha Yeesu Makayyioohiti ngaatĩbõyyĩ tĩho ho, atamaatĩk ĩnõõnnõ nẽ ĩĩnnĩk, “Ma halu.”

ꞌLuuka 7:13 ပူးပေါင်းရင်းမြစ်များ

Maarko 8:2

“Hammaannihi naa eet niccig gẽrrẽẽt, hĩnĩngĩtĩ hũrũmteea hĩ ĩhõõggõ waathinniook iyyio nẽ aitiõõ ꞌgẽẽn ꞌcĩ occa adak tõõ.

ꞌLuuka 10:1

Ma urutaa cĩnnĩ, ẽbẽra Yeesu Makayyioohiti nuyyiook hẽẽn tũkĩramma hĩ ꞌramma tarĩ nẽ ĩꞌthõ hĩ ꞌramma hĩ ꞌramma, hutuwattĩ hõõt ꞌtaaũnnioohĩ hĩ ꞌgoolliohĩ vẽlẽk ĩcĩg hatĩ õkõõĩ nẽẽnĩ.

ꞌLuuka 11:1

Baa alayyi Yeesu kõr umwa ngaamwaanĩ. Ma baa ẽdẽcaak nẽẽ laiinit ko, ikia ĩĩnnĩk nuyyioohiti umwaa cĩnnĩ ĩnõõnnõ, “Makayyioohit, ꞌlimmaneeheet ngagĩĩt buúk ꞌgõõl ꞌcĩ halaiinna hĩ baa alliman Yõaannẽ nuyyiook cĩgĩnnĩg.”

ꞌLuuka 11:39

Nĩngĩtĩ annẽẽkĩ Makayyioohiti ĩnõõnnõ, “Uuꞌnyu niig Variꞌtheei lohilihilit hĩ hẽddẽmĩ battaali dioo, nẽ ĩĩttõõ ĩĩgĩnnu eet ꞌcĩg abbĩꞌthĩĩ lõbõlõbẽẽꞌthĩt hĩ ꞌthẽccan dioo.

ꞌLuuka 12:42

Ẽdẽcĩ Makayyioohiti Pẽẽtũrũ anneek, “Dticciannioohit thĩ iina ꞌcĩ ẽggẽẽnyĩth nẽ idtican dtiic cĩ makayyioohit cĩnnĩ jurrung, ꞌcĩ aarĩk makayyioohiti hẽbẽk ꞌgõõnõgĩ nẽ aaꞌnyĩk ĩhõõggõ ꞌgẽẽn ꞌthaawaa ꞌcĩ aũlanĩ?

ꞌLuuka 13:15

Ẽdẽcĩ hinnia Makayyioohiti ĩnõõnnõ anneek, “Niig oloꞌngiaaha! Aitiõõ nooyyia niig hõllõngaa ooggu olĩꞌnya cĩg kanniittak, hode thigirẽẽt cugguung Kõrraa cĩ ꞌYiommaanõ hõõt huhuddi?

ꞌLuuka 17:5

Nĩngĩtĩ alaĩ ꞌthooyyiaha Yeesu annẽẽkĩ, “Makayyioohit, ꞌtõõr baaĩ nuun lemiinit cĩnaang hĩĩ maka!”

ꞌLuuka 17:6

Ẽdẽcĩ Yeesu ĩhõõggõ anneek, “ꞌYioko ꞌthẽk hĩĩ ꞌcĩ aꞌnyaku lemiinit ꞌcĩ hidici ꞌcĩ ĩĩkĩ hinyomooc ꞌcĩ mĩllĩꞌnyĩ, occa ꞌthẽk uuluyyu ngaatĩ anneeku ꞌmũũnĩc nicci, ‘ꞌButtannia bĩĩt tiboolanĩ bũlũcatõõ.’ Occa ꞌthẽk athiknuunga.”

ꞌLuuka 18:6

Nĩngĩtĩ annẽẽkĩ Makayyioohiti nuyyiook cĩgĩnnĩg, “Ĩthĩhĩt thĩ dako nõõ thõõth ꞌcĩ aduha ꞌgaadĩ ꞌcĩ ĩĩn ꞌloorriahit ko.

ꞌLuuka 19:8

Ma urutaa cĩnnĩ, ĩtĩnga ꞌThakeeo ĩĩnnĩk Yeesu, “Makayyioohit, kõr nicci, hẽꞌngẽraahi hatĩ naa hullaha ijjio cĩgannĩg hõrggẽẽna nẽ má baa hõmmõdanaa eet umwa ꞌrabbẽẽta, hadũmani hatĩ ĩnõõnnõ tabattĩ ꞌwec.”

ꞌLuuka 22:61

Ma ho, ubbuudi Makayyioohiti nẽ ẽdẽẽnyõthĩ Pẽẽtũrũ, nĩngĩtĩ ammuhunõõꞌthĩ Pẽẽtũrũ thõõth baa aduhaak Yeesu ĩnõõnnõ anneek, “Õõa ꞌcĩ nga hõrõhĩ tũhũlũc lohotha ngerrenita, ẽppẽhannaa hatĩ nii nganĩĩt tabattĩ iyyio.”

ꞌLuuka 24:3

ma aduhun ĩĩttõõ ho, ammũdoothĩk hinnia iꞌnginõõthĩ ẽlẽ cĩ Makayyioohit Yeesu.

ꞌLuuka 24:34

nẽ ĩĩttĩk ĩhõõggõ, “Ũrũga Makayyioohiti dĩdĩ, iyyia ommottio hĩ ꞌThimõõnẽ.”

ꞌLuuka 7:12

Ma baa õbõktõ nẽẽ hĩ hattũũg cobbi cĩ ꞌtaaũnõõ, irrionganaak hinnia eeta buulenit umwa ꞌcĩ adaahĩ battaali. Baa odoyyii buuleniti ciee adaahĩ ho nẽ ĩĩn ngaannia ngaatĩbõyyĩ. Nẽ baa õõkõr lothippiti cĩ ꞌtaaũnõõ hĩ ĩnõõnnõ.

ꞌLuuka 7:14

Ma ho, ĩbĩlĩt eeta ꞌcĩg irriongan buulenit ko, nĩngĩtĩ õkõ ahumi Yeesu ĩnõõnnõ nẽ othoothĩk ĩĩnnĩk, “Buulenit, hanneekii tĩnga ꞌjieena.”

ꞌLuuka 7:19

nẽ ĩꞌthõ hõõt hijinit Makayyioohit Yeesu hĩĩttĩk, “Nganiit baa aĩ occa hatĩ akuuni? Hode occa nga hẽrẽẽyya eet umwa?”

ꞌLuuka 8:52

Ma baa okoleek eeta luulu nĩngaata ho, ikia irrioonĩk Yeesu ĩhõõggõ ĩĩnnĩk, “Ma haluyyu, nga hadaak loholeeca, õhõda ũꞌnyaaha haaga.”

Yõaannẽ 11:2

Maria ciee õmmõõrĩ ꞌgotonnia Laaꞌtharõ ho, ĩnõõnnõ baa uud ꞌthoo cĩg Makayyiooktak ngõõrraa ꞌcĩ õꞌngõlĩ ẽmmẽdĩ nẽ upuppuucan ĩmaa cĩgĩnnĩg.

Yõaannẽ 11:3

Nĩngĩtĩ ĩꞌthõõĩkĩ ngoonoggia Yeesu nyeemuut annẽẽkĩ, “Makayyioohit, õmmõõrĩ ꞌgoonu gõõng ammĩnani.”

Yõaannẽ 20:13

Nĩngĩtĩ ajini aajĩlẽẽta Maria annẽẽkĩ, “Alu inni?” Ẽdẽcĩ nẽẽ anneek, “Halu hĩnĩngĩtĩ ootti eeta ẽlẽ cĩ Makayyioohit caannĩ nẽ hõllõngaa haga õõ aarĩk ĩĩna?”

Yõaannẽ 20:15

Ma ho, ijin Yeesu ĩnõõnnõ ĩĩnnĩk, “Alu inni? Nganĩ ꞌcĩ adiimi nii ho?” Baa hinnia ammuk Maria aĩ, baattĩ manu ꞌcĩ ajin ĩnõõnnõ ho, nĩngĩtĩ annẽẽkĩ, “Ẽẽtĩ ciee, má ĩĩn nganiit ꞌcĩ õkõõĩ ẽlẽ cĩ Makayyiookto ho, duhaahaa baaĩ nuun, hátĩ hũũk haꞌnyaha.”

Yõaannẽ 4:1

Baa athĩhĩ Variꞌtheei aĩ, mẽẽlĩg nuyyiooha cĩg Yeesu ꞌcĩg aggameek nẽẽ baattithimo hĩllõõanit cĩg Yõaannẽ.

Yõaannẽ 6:23

Baa au haahũlĩta ũgẽẽgĩ ĩĩcĩ ꞌtaaũn cĩ Tiberia hiita hõdõlanit nĩngĩtĩ õbõhõõ hĩ nĩngĩ baa aggatanĩ Makayyioohiti ũbũnẽẽt nẽ udukto eeta.

1 Korinthia 7:30

aꞌnyĩĩk eet ꞌcĩg alu, haauto hĩcĩ hõllõngaa alu, aꞌnyĩĩk eet cĩg accamanoothĩk, haauto hĩcĩ hõllõngaa accamanoothĩk buúk, aꞌnyĩĩk eet ꞌcĩg ũũt ijjio, haauto hĩcĩ hõllõngaa ũũtĩ;

1 Tẽꞌthaloonika 4:13

ꞌGotoonoga hĩ ngoonoga, aitiõõ hõllõngaa hadiimmuung naag ngagiit ĩĩtõ eet ꞌcĩg hõllõngaa agayyu thõõth cĩ ꞌgoonogu baag adaahito ẽlẽk, hátĩ hiittiõõ hõllõngaa arruennu gẽrrẽẽt, hĩ eeta ꞌcĩg hõllõngaa aꞌnyak muhẽẽnĩt.

Ebereei 2:17

Nẽẽthĩ hoti ho, baa ikia aau nẽẽ hĩ ꞌgotoonoggia hĩ ngõõnõgĩ ꞌgoolliohĩ vẽlẽk, hátĩ hikia hĩĩ nẽẽ tamaattiohit nẽ ũꞌthũũtĩ thõõth hĩ paadĩrĩ cobbi dtiicaa cĩ Nyekuci, hátĩ hĩbbõõr ꞌgaarrieenit ꞌcĩ ũũnnõthõõthĩkĩ ꞌthẽccanẽẽta cĩg eetuk.

Ebereei 4:15

Aga paadĩrĩ cobbi pĩĩrnanĩt cĩnaac vẽlẽk, hĩnĩngĩtĩ baa ĩttĩmanĩ nẽẽ pĩĩrnatta ꞌgoolliohĩ vẽlẽk hĩ naaga, nẽẽthĩ aitiõõ ĩnõõnnõ ꞌthẽccanĩ tõõ!