ꞌLuuka 6:7 - ꞌBuuk cĩ Thõõth cĩ Nyekuci

⁷ Baa arrĩĩppan Variꞌtheei hĩ ꞌlimmanniook cĩg nyattaalak, ꞌgõõl ꞌcĩ occa adtuuhanĩ Yeesu ngaatĩ adĩmanĩ thõõth ꞌcĩ abathĩ, hátĩ hõhõppõõcanit ĩnõõnnõ haggamĩ. Nĩngĩtĩ akannĩ nẽẽg ĩnõõnnõ hẽbẽrĩ jurrung, hudtuukta hatĩ má occa ẽẽla eet Kõrraa cĩ ꞌYiommaanõ ho.

ꞌLuuka 6:7 ပူးပေါင်းရင်းမြစ်များ

Maatteeo 5:39

Nẽẽthĩ, haduhaakuung hanneekuung, ma haburru eet ꞌcĩ adĩmannuung ngagiit ꞌbuth. Má atabaaꞌngi eet umwaa mũũcĩc cĩ aꞌthiit cobbi, aꞌnyĩĩk hatabaang cĩ aꞌthiit ꞌcĩ hidici buúk.

Maarko 3:2

Baa adiim Variꞌtheei ũgẽẽgĩ ammũda ꞌgõõl ꞌcĩ õhõppõõcanẽẽkĩ Yeesu thõõth ꞌcĩ abathĩ nẽ ebehit ĩnõõnnõ gẽrrẽẽt, hátĩ hĩcĩnĩt má aaꞌnyĩk nẽẽ eet nicci õmmõõrĩ ho hũbũna Kõrraa cĩ ꞌYiommaanõ ho dĩdĩ.

ꞌLuuka 13:14

Ma adtuuha makayyioohiti cĩ ꞌCieeth cĩ Laiitto ngaatĩ adĩmanĩ Yeesu thõõth icci Kõrraa cĩ ꞌYiommaanõ ho, ikia ĩlĩĩlĩ gẽrrẽẽt, nĩngĩtĩ annẽẽkĩ lothippit, “Ĩĩn waathinniooha hõdõõkõthĩ tõrkõnõn cĩg dtiicak. Iita eellia eleeti waathinnioohĩĩ cĩg, hõllõngaa Kõrraa cĩ ꞌYiommaanõ.”

ꞌLuuka 20:20

Ma ho, iita akatti ꞌlimmanniooha cĩg nyattaalak hĩ makayyiook cĩg paadĩrꞌnyaannu Yeesu hẽbẽrĩ nẽ itikta eet ꞌcĩg ĩĩn ꞌrootti hotogollioothĩk Yeesu hĩ eeta ꞌcĩg abũnnaa. Baa ẽdẽt nẽẽg Yeesu hatĩ aduha thõõth ꞌcĩ occa aaꞌnyĩk ĩhõõggõ haggamit ĩnõõnnõ nẽ ootti hĩ ꞌgaalac cobbi ꞌcĩ aꞌnyak makaaꞌthĩt hĩ ꞌtirrian ꞌcĩ ẽcẽbĩ eeta.

Yõaannẽ 9:16

Nĩngĩtĩ aĩnnĩ Variꞌtheei ũgẽẽgĩ, “Aitiõõ ẽẽtĩ ciee hõllõngaa aku hĩ Nyekuc, hĩnĩngĩtĩ hõllõngaa aꞌthũũnnĩ nẽẽ Kõr cĩ ꞌYiommaanõ.” Baa hinnia õthõõth Variꞌtheei ũgẽẽgĩ aĩ, “Aga gõõng ẽẽtĩ ꞌcĩ ĩĩn ꞌthẽccannioohit ngaatĩ adĩmanĩ thooꞌthiok ꞌcĩg ĩnaat eeta hutuno?” Nĩngĩtĩ eꞌngeriini lothippiti cĩ Variꞌtheei.