ꞌLuuka 6:6 - ꞌBuuk cĩ Thõõth cĩ Nyekuci

⁶ Ma Kõr umwa tarĩ cĩ ꞌYiommaanõ, ũũk Yeesu ꞌCieethaa cĩ Laiitto nẽ illimanõõ. Ammũdeek baa aaĩ ẽẽtĩ umwaa ꞌcĩ adaakna ĩba cĩ aꞌthiit cobbi tõõ nĩngaata.

ꞌLuuka 6:6 ပူးပေါင်းရင်းမြစ်များ

Maatteeo 4:23

Baa õvvõõĩ Yeesu looc cĩ ꞌGalileea vẽlẽk alliman eet ꞌCieethinii cĩg Laiittak nẽ irrioon nyeemuut ꞌcĩ abũnnaa cĩ habuccieet cĩ Nyekuci nẽ tarĩ aaꞌnyĩk eet ꞌcĩg õmmõõrĩ mooriꞌthiook cũũmõ cũũmõ hũbũttaathõ.

ꞌLuuka 13:10

Ma Kõr umwa cĩ ꞌYiommaanõ ĩĩcĩ baa allimanĩ Yeesu eet ꞌCieethaa cĩ Laiitto,

ꞌLuuka 14:3

Nĩngĩtĩ ajini Yeesu Variꞌtheei hĩ ꞌlimmanniook ꞌcĩg aga nyattal gẽrrẽẽt annẽẽkĩ, “Aũlan nyattaala ngaatĩ occa aaꞌnyĩhõõthĩkĩ ẽẽtĩ ꞌcĩ õmmõõrĩ hũbũna Kõrraa cĩ ꞌYiommaanõ?”

ꞌLuuka 4:16

Ma baa õdõlan Yeesu Naaꞌtharẽt ꞌtaaũnaa ĩbaa alĩꞌthaanĩ nẽẽ ho, ũũk illiman eet ꞌCieethaa cĩ Laiitto hĩgõõng hõdõõkõthĩ Kõrraa cĩ ꞌYiommaanõ. Ma ho, ikia ĩtĩnga nẽẽ ũũk itigiil ꞌBuuk cĩ Nyekuci.

ꞌLuuka 4:31

Nĩngĩtĩ allũũcẽnĩ Yeesu õkõõĩ Kapernauma, ꞌtaaũn ꞌcĩ aaĩ looccaa cĩ ꞌGalileea, nẽ ũũk illiman eet Kõrraa cĩ ꞌYiommaanõ.

ꞌLuuka 6:1

Kõr umwa cĩ ꞌYiommaanõ, baa ẽꞌngẽrkẽẽthan Yeesu hĩ nuyyiook cĩgĩnnĩg hõrggẽẽnaa cĩ mana cĩ ꞌgẽẽmẽ, nĩngĩtĩ ẽttẽẽdanĩ nuyyiooha cĩgĩnnĩg ko ꞌgẽẽmẽ nẽ ĩꞌngĩnyta adahita.

ꞌLuuka 6:5

Nẽ ĩttoorĩk Yeesu ĩĩnnĩk, “Ĩĩn Ngeertĩ Eeto Makayyioohit cĩ Kõr cĩ ꞌYiommaanõ.”

Yõaannẽ 5:3

Tuggu ꞌcĩ baa gõõng iyyiomanĩ tuhulliaha hĩ rubenniaak hĩ eet ꞌcĩg alalliaa eleeti.

Yõaannẽ 9:16

Nĩngĩtĩ aĩnnĩ Variꞌtheei ũgẽẽgĩ, “Aitiõõ ẽẽtĩ ciee hõllõngaa aku hĩ Nyekuc, hĩnĩngĩtĩ hõllõngaa aꞌthũũnnĩ nẽẽ Kõr cĩ ꞌYiommaanõ.” Baa hinnia õthõõth Variꞌtheei ũgẽẽgĩ aĩ, “Aga gõõng ẽẽtĩ ꞌcĩ ĩĩn ꞌthẽccannioohit ngaatĩ adĩmanĩ thooꞌthiok ꞌcĩg ĩnaat eeta hutuno?” Nĩngĩtĩ eꞌngeriini lothippiti cĩ Variꞌtheei.