ꞌLuuka 6:49 - ꞌBuuk cĩ Thõõth cĩ Nyekuci

⁴⁹ Nẽẽthĩ, ẽẽtĩ ꞌcĩ athĩhĩ thõõth caannĩ nẽ hõllõngaa adticaniini, aaĩ nẽẽ hĩ ẽẽtĩ ꞌcĩ ẽhẽnyta ꞌcieeth hõllõngaa ada ꞌlõõhĩt huuꞌthĩk. Nẽ ma ikia tawanĩ cobbiẽẽnĩ, arriban hatĩ ꞌcieeth tĩho looc hĩ lõõcĩ ꞌthĩĩ.”

ꞌLuuka 6:49 ပူးပေါင်းရင်းမြစ်များ

Maatteeo 23:3

Ĩthĩhĩt ĩhõõggõ nẽ ĩdĩmattu thooꞌthiok vẽlẽk ꞌcĩg aduhaakuung nẽẽgĩ. Ma thĩ hinnia hadĩmannu thooꞌthiok ꞌcĩg adtican nẽẽgĩ, hĩnĩngĩtĩ hõllõngaa adtican nẽẽg thooꞌthiok ꞌcĩg alliman nẽẽgĩ.

Maatteeo 24:10

Waathinniook tĩko, mẽẽlĩg hatĩ eeta ꞌcĩg ũũnnĩk lemiinit, õhõppõõcanõõ nẽ aaburroo nyaagwaana.

Maarko 4:17

Nẽ hõllõngaa aduhun thõõth ꞌthinneetinii cĩggĩĩng jurrung nẽ hõllõngaa aalla ĩꞌthõng. Nẽ ma ikia ꞌcannani hode pĩĩrnanĩtĩ, hĩnĩngĩtĩ thõõth cĩ Nyekuci, iita ũtũngteek nẽẽg thõõth nĩĩcĩ noho ꞌcõm.

ꞌLuuka 12:47

“Uuki hatĩ dticciannioohiti ꞌcĩ aga dtiic ꞌcĩ atab makayyioohiti cĩnnĩ nẽ hõllõngaa akũmaneek hode hõllõngaa adtican dtiic ꞌcĩ adiim makayyioohiti ho gẽrrẽẽt.

ꞌLuuka 19:14

“Baa ammũdeek hinnia abũrĩ eeta ĩnõõnnõ ngaatĩ ĩĩnĩ habu, nĩngĩtĩ ĩꞌthõõĩ nyeemuut hũũk ĩĩcĩ oou anneek, ‘Hõllõngaa hadiimma naag eet icci hĩĩ habu cĩnaang.’

ꞌLuuka 19:27

Aꞌnyakta thĩ mĩrõk cĩgannĩg ꞌcĩg hõllõngaa adiimma hĩĩ habu haggam ĩhõõggõ ho ngaati nẽ uruktu hẽbẽrẽẽnnĩĩ cĩgannĩg.’ ”

ꞌLuuka 6:46

Nĩngĩtĩ annẽẽkĩ Yeesu ĩhõõggõ, “Inni niig utuvvuyyiaangu nganĩĩt ĩĩttĩhaangu, ‘Makayyioohit, Makayyioohit,’ nẽ iittiõõ hõllõngaa adĩmannu thõõth ꞌcĩ haduhaakuung naa ho?

ꞌLuuka 6:48

Aaĩ nẽẽ hĩ ẽẽtĩ ꞌcĩ ma ẽhẽnyĩt ꞌcieeth, ada nõõ ꞌlõõhĩt huuꞌthĩk jurrung nẽ ẽtẽhẽnya loota biyyiẽẽnĩ nẽ ꞌyioko hikia tawanĩ cĩ tammu cobbi buúk, hõllõngaa hatĩ arribanni ꞌcieeth cĩnnĩ ho, hĩnĩngĩtĩ ẽhẽnytĩ jurrung.

ꞌLuuka 7:1

Ma baa ẽdẽcaak Yeesu ngaatĩ allimanĩ eeta, ĩtĩnga ũũk Kapernauma.

Yõaannẽ 15:2

Eꞌngeddeek nẽẽ taba ꞌcĩg uwwatan ẽllaa caannĩ tuu nẽ ũkũman taba ꞌcĩg õddõngõt, hátĩ hoddongotit jurrung.

Dtiicanĩ cĩg ꞌThooyyiahu 20:29

Haga naa uruta caannĩ, au hatĩ ꞌlimmanniooha ꞌcĩg ĩĩn oloꞌngiaak, ꞌcĩg aattĩg hĩ huduumwaana ꞌcĩg au acũda nyalõmaar, hiita huruktuung ngagiita.

Dtiicanĩ cĩg ꞌThooyyiahu 26:11

Baa gõõng hõkõ naa korrioohĩĩ ꞌcĩg mẽẽlĩg ꞌCieethinii cĩg Laiittak, hũũk haaꞌnyĩk ĩhõõggõ huukti, nẽ hĩttĩmana ngaatĩ hattĩnganẽẽkĩ ĩhõõggõ hodoomito Krĩstõ. Nẽ baa haliillihi naa ĩhõõggõ nẽ hũũha ꞌtaaũnnioohĩĩ cĩg loonyin cĩrrĩĩng, hũũk haccanan ĩhõõggõ.

1 Tẽꞌthaloonika 3:5

Ĩnõõ ꞌcĩ hõllõngaa hẽmmẽẽꞌthĩ naa thõõth cĩ heeroni icci ho nẽ hĩꞌthõõa Timotteeo, haĩ hikia hũmmũda hatĩ nga aꞌthuunnu lemiinit cunuung hĩ Nyekuc. Baa hiꞌngolli haini, ikia mõnõ lũllũũmannioohiti ꞌThĩttaanĩ ũlũllũũmanuung ꞌgõõlaa umwaanĩ nẽ hatĩ ikia dtiici baa naang ko, ĩĩ olongit haaga.

2 Pẽẽtũrũ 2:20

Nẽ ma iliittia eeta bathi cĩ lootu ꞌgõõlaa ꞌcĩ agaĩ Makayyioohit Ellioohit cĩnaac Yeesu Krĩstõ nẽ ĩĩtõ appahacaaꞌnya cĩg ꞌthẽccaanak tarĩ, au hatĩ abathoothi nẽẽg hĩllõõanit authet cĩnĩĩng baa ĩĩcĩ oou.

1 Yõaannẽ 2:19

Baa ũtũngteek eeta cieeg lothippit cĩnaac, nẽẽthĩ hinnia, baa hõllõngaa ĩĩn nẽẽg eet cĩg lothippit cĩnaac dĩdĩ. Má baa hĩĩtõ nẽẽg eet cĩg lothippit cĩnaac, occa baa aalla nẽẽg lothippitaa cĩnaac. Nẽ hinnianĩ, baa ũtũngteeheet nẽẽg ngagĩĩta, ĩnõõ ꞌcĩ hau hagaĩ naag haĩnnĩ, hõllõngaa ĩĩn nẽẽg eet cĩg lothippit cĩnaac ko.