ꞌLuuka 6:47 - ꞌBuuk cĩ Thõõth cĩ Nyekuci

⁴⁷ Ĩꞌnya huduhaahuung eet ꞌcĩ aaĩ hutuno ꞌcĩ occa aku athĩhĩ thooꞌthiok cĩgannĩg nẽ idticanõõĩ.

ꞌLuuka 6:47 ပူးပေါင်းရင်းမြစ်များ

Maatteeo 12:50

Hĩnĩngĩtĩ ẽẽtĩ ꞌcĩ adĩman thõõth cĩ Baaba caannĩ cĩ hẽẽtkujjieen, ĩĩn morwahit caannĩ hĩ ꞌgõtõna hĩ ngõõna caannĩ.”

Maatteeo 17:5

Ma baa nga õthõõth nẽẽnĩ, ikia ũmmũt ĩhõõggõ diith umwaa ꞌcĩ õõppẽr nẽ õthõõtha mõlõõhĩ umwaa diithatõõ ĩĩ, “Loholeec caannĩ ꞌcĩ hamĩna cieeni, haccamanoothihi naa gẽrrẽẽt, hĩnĩngĩtĩ ĩnõõnnõ. Ĩthĩhĩt ĩnõõnnõ!”

ꞌLuuka 11:28

Ẽdẽcĩ hinnia Yeesu anneek, “Aꞌnyĩĩk haggatattĩ eeta ꞌcĩg athĩhĩ thõõth cĩ Nyekuci nẽ elemita.”

ꞌLuuka 14:26

“Ẽẽtĩ ꞌcĩ aku hĩ nganĩĩt nẽ nga hataarõthĩ maaꞌnyĩ hĩ aatĩnnĩ hĩ ngaa cĩnnĩ hĩ lõhõlĩ cĩgĩnnĩg hĩ ꞌgõtõõnõgĩ hĩ ngõõnõgĩ, hode rũgẽt cĩnnĩ dẽẽdẽ, hõllõngaa occa ũũppan ngaatĩ ĩĩnnĩ nuyyioohit caannĩ.

ꞌLuuka 6:48

Aaĩ nẽẽ hĩ ẽẽtĩ ꞌcĩ ma ẽhẽnyĩt ꞌcieeth, ada nõõ ꞌlõõhĩt huuꞌthĩk jurrung nẽ ẽtẽhẽnya loota biyyiẽẽnĩ nẽ ꞌyioko hikia tawanĩ cĩ tammu cobbi buúk, hõllõngaa hatĩ arribanni ꞌcieeth cĩnnĩ ho, hĩnĩngĩtĩ ẽhẽnytĩ jurrung.

ꞌLuuka 8:13

Nẽ hinyomona ꞌcĩg ĩꞌthanothoothĩk ꞌthẽhẽhĩ ho, ĩthakꞌthoothĩk eet ꞌcĩg athĩhĩ thõõth cĩ Nyekuci taliitta nẽ itiwiillik ĩĩcĩ deeccwaanu. Ẽlẽmĩ nẽẽg Nyekuc ꞌthaa ꞌcĩ huturi haaga, ma aku ꞌtĩmmanĩ ho, ataarriothĩ thõõth cĩnnĩ.

ꞌLuuka 8:8

Nẽ baa ĩꞌthaattothoothĩk hinyomona ũgẽẽgĩ ꞌthẽẽmĩĩ ꞌcĩg abũnnaa. Ma baa abũtha ho, iita ibbiirito jurrung hĩllõõanit baag athacci ĩĩcĩ oou tabattĩ ꞌmiia hõdẽĩ.” Ma baa uduha Yeesu thooꞌthiok iccig ẽlẽk, irrioon ĩĩ, “Aꞌnyĩĩk eet ꞌcĩ aꞌnyak ĩtat hĩthĩhõ!”

Yõaannẽ 10:27

Athĩhĩ aꞌtha cĩgannĩg molook caannĩ nẽ hagawa naa ĩhõõggõ nẽ unuyyia nẽẽg nganĩĩta.

Yõaannẽ 13:17

Iita ꞌyioko agayyu niig thooꞌthiok iccig nẽ aggatannuung hatĩ Nyekuci hatĩ adticannu ĩhõõggõ.

Yõaannẽ 14:15

Baa aduhaak Yeesu nuyyiook cĩgĩnnĩg anneek, “Má ammĩnannaangu niig nganĩĩta, aꞌthuunnu hatĩ thõõth ꞌcĩ haduhaakuung naana.

Yõaannẽ 5:40

nẽẽthĩ, aburru hinnia niig ngaatĩ auunnu hĩ nganĩĩt, hátĩ ummuddia rũgẽt ꞌcĩ aalla ooo.

Yõaannẽ 6:35

Ma ho, ẽdẽc Yeesu ĩĩ, “Hĩĩnĩ naa ũbũnĩ cĩ rũgẽtõ! Ẽẽtĩ ꞌcĩ aku hĩ nganĩĩta, aitiõõ hatĩ hõllõngaa adak ĩnõõnnõ magĩthĩ nẽ ẽẽtĩ ꞌcĩ ẽlẽmma nganĩĩta, hõllõngaa hatĩ aam kõrra.

Yõaannẽ 6:37

Eeta vẽlẽk ꞌcĩg aaꞌnya nganĩĩt Baaba, au hatĩ hĩ nganĩĩta nẽ ẽẽtĩ ꞌcĩ aku hĩ nganĩĩta, hõllõngaa hatĩ hiiggiaeehi tuu.

Yõaannẽ 8:52

Ma ngaati, ĩĩtõ eeta cĩg ꞌJudeei, “Hagayyia aattĩ dĩdĩ, ngaatĩ aꞌnyahĩ nii lori ꞌcĩ abathĩ! Baa adaahito Abũrahamĩ hĩ põrõvẽtaaꞌnya vẽlẽk nẽẽthĩ hinnia, aini nii, má aꞌthũũnnĩ ẽẽtĩ umwaa thõõth cunni, hõllõngaa occa adaahĩ ũdũt!

Ebereei 5:9

Nẽ ꞌgõõlaa cĩ, ikia aaꞌnyĩk ꞌcannani Yeesu hũbũna, nẽẽ aga ngaatĩ ẽẽlĩ eet vẽlẽk cĩg athĩhĩ ĩnõõnnõ ooo.

ꞌJeemith 4:17

Nẽẽthĩ, ẽẽtĩ ꞌcĩ aga thõõth ꞌcĩ abũnnaa ꞌcĩ occa adĩman nẽ hõllõngaa adĩmanĩ, ĩĩn ꞌthẽccannioohit.

1 Pẽẽtũrũ 2:4

Iita hĩ Yeesu Krĩstõ. Ĩĩn nẽẽ Makayyioohit ꞌcĩ aaĩ hĩ bẽẽ ꞌcĩ arũgĩ, ꞌcĩ baa abũrĩ eeta baag ẽbẽra Nyekuci nẽ aaddi hĩ ĩnõõnnõ gẽrrẽẽt.

2 Pẽẽtũrũ 1:10

Nẽẽthĩ ꞌyioko ꞌgotoonoga hĩ ngoonoga, ĩttĩmanit gẽrrẽẽt ngaatĩ ẽtẽrꞌthaannu aĩ aattiyyu niig hõrggẽẽnaa cĩ eet baag avvaa nẽ ẽbẽra Nyekuci. Má aallannu adĩmannu thõõth icci, aitiõõ hatĩ hõllõngaa ũũnnĩku lemiinit cunuung.

1 Yõaannẽ 2:29

Hĩcĩ haga naag haĩ, adĩman Krĩstõ thõõth ꞌcĩ aũlanĩ, haga naag buúk haĩ ĩĩn eeta vẽlẽk ꞌcĩg adĩman thõõth ꞌcĩ aũlan, lõhõlĩ cĩg Nyekuci.

1 Yõaannẽ 3:7

Niig lohollia, ma haaꞌnyiku eet umwa higgooluung thõõthaa cĩ. Ma adĩman eeta thõõth ꞌcĩ aũlanĩ, ẽtẽrꞌtha thõõth tĩho aĩ, ĩĩn nẽẽg eet ꞌcĩg abũnnaa, hĩcĩ abũnnaa Krĩstõ.

Terethiinit 22:14

“Aꞌnyĩĩk haggatan Nyekuci eet vẽlẽk ꞌcĩg ũũny ceremwa cĩggĩĩng biyyiẽẽtĩĩ cĩg Yeesu. Ẽlẽmaakĩ hatĩ nẽẽ ĩhõõggõ huduhunit hattũũgẽt cĩg ꞌtaaũn cobbi nẽ aaꞌnyĩk huduhit hẽẽt ꞌcĩ abbiiri cĩ rũgẽt ꞌcĩ aalla ooo.