ꞌLuuka 6:45 - ꞌBuuk cĩ Thõõth cĩ Nyekuci

⁴⁵ Adĩman eeta ꞌcĩg abũnnaa thooꞌthiok ꞌcĩg abũnnaa, hĩnĩngĩtĩ bũnnai ꞌcĩ aaĩ ꞌthinneetinii cĩggĩĩng nẽ adĩman eeta ꞌcĩg abathĩ thooꞌthiok ꞌcĩg abathĩ, hĩnĩngĩtĩ bathi ꞌcĩ aꞌnyak nẽẽg ꞌthinneetinii cĩggĩĩng. Hĩnĩngĩtĩ ẽtẽrꞌtha thooꞌthioha ꞌcĩg aduha ẽẽtĩ ꞌgii ꞌcĩ aaĩ ꞌthĩnĩtatõõ cĩnnĩ.”

ꞌLuuka 6:45 ပူးပေါင်းရင်းမြစ်များ

Yõaannẽ 7:38

Ẽẽtĩ ꞌcĩ ẽlẽmma nganĩĩta, aꞌnyĩĩk hikia hũhũdĩ! Hĩnĩngĩtĩ aduha ꞌBuuhi cĩ Nyekuci aĩ, ‘Ariha hatĩ maama cĩg rũgẽtaak ꞌthĩnĩtaa cĩnnĩ.’ ”

Dtiicanĩ cĩg ꞌThooyyiahu 5:3

Ma ho, ĩĩ Pẽẽtũrũ, “Anania, alũllũmannii ꞌThĩttaanĩnganiit ꞌgõõl Lori ꞌcĩ Ẽllẽẽmĩth ngaatĩ itiangꞌthĩ ꞌrabbẽẽt aag aaꞌnyĩhoothikii, aa ũũtẽnĩ nii ijjio ho hutuno?

Eevvetho 3:8

Tananga hĩĩnĩ naa eet umwa haaga eetinii cĩg Nyekuci vẽlẽk, baa aaꞌnyĩhoothĩkaa nganĩĩt bũnnai ciee, hátĩ hillimaneek eet ꞌcĩg hõllõngaa ĩĩn ꞌJudeei baliinit cobbi gẽrrẽẽt ꞌcĩ aaĩ hĩ Krĩstõ.

Eevvetho 4:29

Ma hothooꞌthu thooꞌthiok ꞌcĩg abathĩ. Aanytĩk thooꞌthiok ꞌcĩg aduhaannu hĩĩ ꞌcĩg abũnnaa, hátĩ hẽẽl eet ꞌcĩg athiknuunga.

Eevvetho 5:19

Ma alũteennu hõdẽĩ laiitta, ebenit tegellwa cĩg laiittak nẽ idihiꞌthu Makayyioohit ꞌthinneetinii cugguung vẽlẽk.

Kolooꞌthe 3:16

Aanytĩk nyeemuut cĩ Krĩstõ haau hĩ ngagiit rũgẽtaa cunuung vẽlẽk, hĩcĩ adticaniinnu ꞌgẽẽnyĩth cunuung vẽlẽk ngaatĩ allimannu ꞌgoonogu. Ebenit tegellwa cĩg laiittak taliitta nẽ iittihu Nyekuc ĩlaallẽ.

Kolooꞌthe 4:6

Aanytĩk thõõth ꞌcĩ othooꞌthu niig hõdõõkõthĩ haaꞌnyĩk eet ꞌcĩg athiknuung ngagiit haccamattoothĩk, hátĩ agaac ngaatĩ occa attacannu eet vẽlẽk ꞌcĩg ajinnuung ngagiit ꞌgõõlaa ꞌcĩ abũnnaa.

Ebereei 8:10

Nẽẽthĩ, aduha Makayyioohit aĩ, lõhõt caannĩ ciee ꞌcĩ ĩĩn ngeju ꞌcĩ hatĩ hadaka naag hĩ eet ꞌcĩg Ĩꞌthĩraẽlĩ kõr tĩho. Haarihi hatĩ naa nyattal caannĩ ootinii cĩggĩĩng nẽ heteheedĩha ꞌthinneetinii cĩggĩĩng. Hĩĩnĩ hatĩ naa Nyekuc cĩnĩĩng, nẽ ĩĩtõ nẽẽg eet cĩgannĩg.

ꞌJuud 1:15

ꞌcĩg au ẽttẽẽd thooꞌthiok cĩg eet vẽlẽk. Uuk hatĩ Makayyioohiti ꞌthẽccanniook ꞌcĩg hõllõngaa ẽlẽmĩ ĩnõõnnõ, hĩnĩngĩtĩ ꞌthẽccanẽẽt ꞌcĩg baag adĩman nẽẽg hĩ ꞌcĩg õdõõmĩ Nyekuc.”