ꞌLuuka 6:38 - ꞌBuuk cĩ Thõõth cĩ Nyekuci

³⁸ Aanytĩk ꞌgoonogu ꞌbaaninit nẽẽthĩ hatĩ aaꞌnyĩhoothĩhuung ngagiit buúk. Má adĩmannu noho, au hatĩ ammũdaannu niig buúk ꞌbaaninit ꞌcĩ maka gẽrrẽẽt, ꞌcĩ abatan hĩ haala ꞌcĩg acĩĩdothoothĩk lohod hĩbbĩt hudduutti loota, hĩllõõan baa aaꞌnyiku niig ꞌgoonogu.”

ꞌLuuka 6:38 ပူးပေါင်းရင်းမြစ်များ

Luugithõõ 21:24

hebeereec hĩ hebeereec, nyĩgĩtaat hĩ nyĩgĩtaat, aꞌthiit hĩ aꞌthiit, ꞌthooc hĩ ꞌthooc,

Maatteeo 10:42

Nẽ má aaꞌnyĩk eet umwaa tarballiook cĩgannĩg ko hooppo cĩ maam ꞌcĩg alalĩ, hĩnĩngĩtĩ ĩĩn eet tĩho nuyyioohit caannĩ, haduhaakuung dĩdĩ, ammũda hatĩ nẽẽ ꞌbaaninit.”

Maatteeo 7:2

Hĩnĩngĩtĩ etteedikuung hatĩ Nyekuci ngagiit buúk thõõth, ꞌgõõlaa ꞌcĩ gõõng etteediku niig ꞌgoonogu! Adĩmaneekuung hatĩ nẽẽ thõõth ꞌcĩ gõõng adĩmaneeku niig ꞌgoonogu.

Maarko 4:24

Nẽ uduhaak Yeesu ĩhõõggõ tarĩ ĩĩnnĩk, “Uꞌthuutti thooꞌthiok ꞌcĩg athiknu niig ko jurrung. ꞌGii ꞌcĩ adĩmaneeku niig eet umwa, adĩmaneekuung hatĩ Nyekuci ngagiit buúk ꞌgõõlaa tĩho dioo, komiitta ꞌcĩ ĩllõõan gẽrrẽẽt.

ꞌLuuka 6:30

Ẽẽl eet ꞌcĩg alayyi nganiita nẽ má ũũhĩ ẽẽtĩ umwaa ꞌgii cunni, ma hadiimi hõbõdaakiina.

ꞌJeemith 2:13

hĩnĩngĩtĩ aitiõõ hatĩ hõllõngaa ammaannothoothĩk ẽẽtĩ ꞌcĩ baa hõllõngaa ammaannĩk ꞌgõõnõgĩ. Nẽẽthĩ, má baa ammaannihi nii ꞌgoonogu, ammaannikii hatĩ Nyekuci nganiit kõr ꞌcĩ hatĩ ẽttẽẽdĩkĩ nẽẽ eet thooꞌthiok.