ꞌLuuka 6:35 - ꞌBuuk cĩ Thõõth cĩ Nyekuci

³⁵ Nẽẽthĩ, ĩmmĩnanit mĩrõk cugguung nẽ ĩdĩmatteehu thooꞌthiok ꞌcĩg abũnnaa. Nẽ má aaꞌnyiku ĩhõõggõ ꞌgiimwa, ma hadiimmu hoboddiaakuung tarĩ. Ĩnõõ ꞌcĩ hatĩ ammũdaannu ꞌbaaninit ꞌcĩ maka gẽrrẽẽt nẽ iittu lõhõlĩ cĩg Nyekuc ꞌcĩ ĩllõõan vẽlẽk. Hĩnĩngĩtĩ tarbal nẽẽ hĩ eet ꞌcĩg ĩĩn ꞌthẽccanniook hĩ ꞌcĩg hõllõngaa atalĩ ĩnõõnnõ buúk.

ꞌLuuka 6:35 ပူးပေါင်းရင်းမြစ်များ

Maatteeo 5:9

ꞌGattan hĩ eet ꞌcĩg aꞌnyaha ganõn, aũ hatĩ eeta ĩhõõggõ anneek, lõhõlĩ cĩg Nyekuci!

Maarko 5:7

nẽ okoleek ulwa ĩĩ, “Yeesu Ngeertĩ Nyekuc ꞌcĩ aaĩ hẽẽtahujjieen, atabi nii hĩ nganĩĩt neegi? Halayyi ꞌthĩnĩta ꞌthaarĩĩ cĩg Nyekuc ꞌcĩ ĩllõõan vẽlẽk, ma huukaanĩ!”

ꞌLuuka 1:32

Aku hatĩ ĩĩn nẽẽ eet cobbi gẽrrẽẽt ꞌcĩ hatĩ haĩ, Ngeertĩ Nyekuc ꞌcĩ ĩllõõan vẽlẽk. Aaꞌnyĩk hatĩ Makayyioohiti Nyekuci ĩnõõnnõ hĩĩ habu, hĩ baa maaꞌnyia Daavide.

ꞌLuuka 6:36

Atamaattik ꞌgoonogu hĩcĩ ammaannikuung ngagiit Baangẽẽtĩ cunuung.”

Yõaannẽ 13:35

Má ammĩnanoonnu niiga, aga hatĩ eeta vẽlẽk aĩ, iiginnu niig nuyyiook cĩgannĩg.”

Yõaannẽ 15:8

Ĩĩn thõõth ciee bulẽẽnĩt hĩ Baaba ngaatĩ hatĩ oddongottu jurrung nẽ etereꞌthiaau eleeti cugguung, ngaatĩ iiginnu nuyyiook cĩgannĩg.

Dtiicanĩ cĩg ꞌThooyyiahu 14:17

Nẽẽthĩ, ẽtẽrꞌtha Nyekuci ẽllaa cĩnnĩ, ngaatĩ adĩmanĩ hẽlẽggĩ ꞌcĩg abũnnaa. Ĩꞌthõõa nẽẽ tammu hẽẽtahujjieen nẽ aaꞌnyĩk manẽẽn cugguung hitiliꞌthia. Ĩbbaannuung nẽẽ ngagiit ꞌgẽẽn nẽ aaꞌnyĩk ꞌthinneeti cugguung haccamattoothĩk.”

2 Korinthia 8:9

Agayyu niig bũnnai cĩ Makayyioohit cĩnaac Yeesu Krĩstõ, ngaatĩ ũũnnĩkĩ baliinit cĩnnĩ hẽẽtahujjieen nẽ ikia ĩĩ hullahaac, hátĩ habalithuung ngagiita.

2 Timotteeo 3:2

Ammĩnan hatĩ eeta eleeti cĩggĩĩng ẽmmẽn nẽ ĩmmĩnanit ꞌrabbẽẽt, athĩngõõnyan nẽ uduulito eleeti, odoommi tahatak nẽ iittiõõ hõllõngaa athĩhĩ maajihi nẽ hõllõngaa anneek eet ĩlaallẽ nẽ ũtũbũrĩt ngaatĩ anũĩ thõõth cĩ Nyekuci.