ꞌLuuka 6:30 - ꞌBuuk cĩ Thõõth cĩ Nyekuci

³⁰ Ẽẽl eet ꞌcĩg alayyi nganiita nẽ má ũũhĩ ẽẽtĩ umwaa ꞌgii cunni, ma hadiimi hõbõdaakiina.

ꞌLuuka 6:30 ပူးပေါင်းရင်းမြစ်များ

Maatteeo 18:35

“ꞌGõõl ꞌcĩ hatĩ adĩmannuung Baaba ꞌcĩ aaĩ hẽẽtahujjieen ngagiit cieeni, hatĩ hõllõngaa ammaanniku niig ꞌgoonogu ꞌthinneetinii cugguung.”

Maatteeo 5:39

Nẽẽthĩ, haduhaakuung hanneekuung, ma haburru eet ꞌcĩ adĩmannuung ngagiit ꞌbuth. Má atabaaꞌngi eet umwaa mũũcĩc cĩ aꞌthiit cobbi, aꞌnyĩĩk hatabaang cĩ aꞌthiit ꞌcĩ hidici buúk.

Maatteeo 6:12

Tamaatĩheet ngagĩĩt, hĩnĩngĩtĩ ꞌthẽccanẽẽt cĩggaang, hĩcĩ hammaannĩka naag eet ꞌcĩg adĩmanneet ngagĩĩt ꞌbuth.

ꞌLuuka 11:41

Nẽẽthĩ, aanytĩk eet ꞌcĩg appĩĩrna ꞌgii ꞌcĩ aaĩ hẽddẽẽmatõõ, hátĩ ĩĩtõ tẽllĩg.

ꞌLuuka 12:33

Utuuyyiõĩ ijjio cugguung nẽ aanytĩhu ꞌrabbẽẽt pĩĩrnattiaak. Aꞌnyĩĩk baliinit cunuung hitiangĩthĩ hẽẽtahujjieen ngaatĩ occa hõllõngaa igorꞌthiini nẽ iittiõõ ꞌthõrõhõnyĩta ꞌcĩg adak tõõ.

ꞌLuuka 18:22

Ma baa athĩhĩ Yeesu thõõth icci ho, ikia uduhaak ĩnõõnnõ ĩĩnnĩk, “Nga thĩ aitioonni nganiit ꞌgii hõdẽẽthõng tõõ, bĩĩt tũũõĩ ꞌgii vẽlẽk ꞌcĩ aꞌnyahi nẽ eꞌngereehu hullaha ꞌrabbẽẽta, nẽẽthĩ, ikia ũnũaa nganĩĩta nẽ hatĩ aꞌnyahu baliinit hẽẽtahujjieen.”

ꞌLuuka 6:29

Má atabaaꞌngi ẽẽtĩ umwaa mũũcĩc, aꞌnyĩĩk hatabaang ꞌcĩ gõlla buúk. Má adiim õkõõĩ ẽẽtĩ umwaa cẽrẽm cunni hõdẽĩ, aꞌnyĩĩk hũũhĩ umwa tarĩ.

ꞌLuuka 6:31

Ĩdĩmatteek ꞌgoonogu thooꞌthiok ꞌcĩg occa adiimmu niig ĩhõõggõ hĩdĩmatteehuung ngagiita.

ꞌLuuka 6:38

Aanytĩk ꞌgoonogu ꞌbaaninit nẽẽthĩ hatĩ aaꞌnyĩhoothĩhuung ngagiit buúk. Má adĩmannu noho, au hatĩ ammũdaannu niig buúk ꞌbaaninit ꞌcĩ maka gẽrrẽẽt, ꞌcĩ abatan hĩ haala ꞌcĩg acĩĩdothoothĩk lohod hĩbbĩt hudduutti loota, hĩllõõan baa aaꞌnyiku niig ꞌgoonogu.”

Dtiicanĩ cĩg ꞌThooyyiahu 20:35

Hẽlẽggẽẽnnĩ vẽlẽk ĩcĩg hadticani naana, heterethuung naa ngagiit idticattõ gẽrrẽẽt, hátĩ eelit eet ꞌcĩg appĩĩrna. Ummuhuttooth thooꞌthiok baag aduha Makayyioohiti Yeesu aĩ, ‘Aku ꞌgattanĩ ꞌcĩ maka hatĩ haaꞌnyĩk naag eet umwa eliinit, hĩllõõan ngaatĩ aaꞌnyĩhoothĩkeet ngagĩĩta.’ ”

2 Korinthia 8:9

Agayyu niig bũnnai cĩ Makayyioohit cĩnaac Yeesu Krĩstõ, ngaatĩ ũũnnĩkĩ baliinit cĩnnĩ hẽẽtahujjieen nẽ ikia ĩĩ hullahaac, hátĩ habalithuung ngagiita.

Eevvetho 4:28

Ẽẽtĩ ꞌcĩ baa gõõng ĩgõrꞌthĩ, aꞌnyĩĩk hũtũngeek ĩgõr, adiim ꞌthẽk adtican ẽẽtĩ dtiic ꞌcĩ occa ẽẽl ĩnõõnnõ athĩnĩĩ cĩgĩnnĩg ẽmmẽn, hátĩ hũmmũda ꞌgii ꞌcĩ occa õthõl hĩ pĩĩrnatttiaak.