ꞌLuuka 6:27 - ꞌBuuk cĩ Thõõth cĩ Nyekuci

²⁷ “Nẽẽthĩ, haduhaakuung ngagiit ꞌcĩg athĩknaangu nganĩĩt ko hanneekuung, ĩmmĩnanit mĩrõk cugguung. Ĩdĩmanit eet ꞌcĩg aaburreekuung ngagiit jurrung.

ꞌLuuka 6:27 ပူးပေါင်းရင်းမြစ်များ

Maarko 4:24

Nẽ uduhaak Yeesu ĩhõõggõ tarĩ ĩĩnnĩk, “Uꞌthuutti thooꞌthiok ꞌcĩg athiknu niig ko jurrung. ꞌGii ꞌcĩ adĩmaneeku niig eet umwa, adĩmaneekuung hatĩ Nyekuci ngagiit buúk ꞌgõõlaa tĩho dioo, komiitta ꞌcĩ ĩllõõan gẽrrẽẽt.

ꞌLuuka 23:34

Ma nĩngaata, õthõõth Yeesu ĩĩ, “Baaba, tamaatĩk ĩhõõggõ, hĩnĩngĩtĩ hõllõngaa aga nẽẽg thõõth ꞌcĩ adĩman ko.” Ma ho, eꞌngerit nẽẽg ceremwa cĩgĩnnĩg ꞌgõõlẽẽ ꞌcĩ attĩmanĩ tooto.

ꞌLuuka 6:22

Aggatatteeu niig hatĩ aaburreekuung eeta, nẽ ibiꞌthuunga nẽ odoomtuung nẽ utuburruung aaut hĩ eeta ꞌcĩg abaꞌthu, hĩnĩngĩtĩ Ngeertĩ Eeto.

ꞌLuuka 6:35

Nẽẽthĩ, ĩmmĩnanit mĩrõk cugguung nẽ ĩdĩmatteehu thooꞌthiok ꞌcĩg abũnnaa. Nẽ má aaꞌnyiku ĩhõõggõ ꞌgiimwa, ma hadiimmu hoboddiaakuung tarĩ. Ĩnõõ ꞌcĩ hatĩ ammũdaannu ꞌbaaninit ꞌcĩ maka gẽrrẽẽt nẽ iittu lõhõlĩ cĩg Nyekuc ꞌcĩ ĩllõõan vẽlẽk. Hĩnĩngĩtĩ tarbal nẽẽ hĩ eet ꞌcĩg ĩĩn ꞌthẽccanniook hĩ ꞌcĩg hõllõngaa atalĩ ĩnõõnnõ buúk.

ꞌLuuka 8:15

Nẽẽthĩ, hinyomona ꞌcĩg ĩꞌthanothoothĩk ꞌthẽẽmĩĩ ꞌcĩg abũnnaa ho, ĩthakꞌthoothĩk eet ꞌcĩg tarbalĩg ꞌcĩg õõrĩg ꞌthinneeti. Eet ꞌcĩg athĩhĩ thõõth nẽ uꞌthuutti jurrung hĩ haala ꞌcĩg alĩꞌtha ĩꞌthõng hibbiirito nẽ ajatta.

ꞌLuuka 8:18

Nẽẽthĩ, agaac authet ꞌcĩ athĩkneennu jurrung. Ẽẽtĩ ꞌcĩ aꞌnyak ꞌgiimwa, aaꞌnyĩhoothĩk hatĩ ꞌcĩ maka, nẽ ẽẽtĩ ꞌcĩ hiꞌthihi ꞌgiimwa ũdũt, aggammiaa hatĩ ꞌgii ꞌcĩ abadtẽc ꞌcĩ ammuk nẽẽ aĩ haꞌnyahi haau athĩnĩĩ ꞌtẽl.”

ꞌLuuka 8:8

Nẽ baa ĩꞌthaattothoothĩk hinyomona ũgẽẽgĩ ꞌthẽẽmĩĩ ꞌcĩg abũnnaa. Ma baa abũtha ho, iita ibbiirito jurrung hĩllõõanit baag athacci ĩĩcĩ oou tabattĩ ꞌmiia hõdẽĩ.” Ma baa uduha Yeesu thooꞌthiok iccig ẽlẽk, irrioon ĩĩ, “Aꞌnyĩĩk eet ꞌcĩ aꞌnyak ĩtat hĩthĩhõ!”

Dtiicanĩ cĩg ꞌThooyyiahu 10:38

ꞌgõõl ꞌcĩ aaꞌnyĩkĩ Nyekuci Yeesu cĩ Naaꞌtharẽtĩ Lori ꞌcĩ Ẽllẽẽmĩth hĩ ꞌtirrian hĩ ꞌgõõl ꞌcĩ õvvõõĩ looc vẽlẽk, adticanĩ thooꞌthiok ꞌcĩg abũnnaa, hĩ ngaatĩ ẽẽlanĩ eet ꞌcĩg aggam habuui cĩ loriẽẽt ꞌcĩg abathĩ, hĩnĩngĩtĩ baa aaĩ Nyekuci hĩ ĩnõõnnõ.

Dtiicanĩ cĩg ꞌThooyyiahu 16:28

Tõjõhõ heggerenyeek Paaulo ꞌgaalac cĩ baabuutho ho hĩĩnnĩk, “Ẽlẽ ma haruhi ẽlẽ cunni haaga! Aitiõõ ẽẽtĩ ꞌcĩ avvir ngaati thõng tõõ.”

Dtiicanĩ cĩg ꞌThooyyiahu 7:60

Nĩngĩtĩ akannĩ huruꞌnyia nẽ urruuo ĩĩ, “Makayyioohit, ma haaꞌnyihi ĩhõõggõ heteheelito ꞌthẽccan icci.” Baa aduha nẽẽ thõõth icci noho, nĩngĩtĩ adaaknĩ.

ꞌGalaaꞌthia 6:10

Nẽẽthĩ, hĩdĩmanit eet vẽlẽk jurrung, hatĩ hummuddia ꞌrõtĩ ꞌcĩ hadĩmanĩ ĩhõõggõ jurrung, ettebehini hatĩ ĩĩn nẽẽg eet ꞌcĩg ẽlẽmĩ Makayyioohit Yeesu.

1 Tẽꞌthaloonika 5:15

Ĩcĩnĩt jurrung, ma haruhaannu oolo, ĩĩtõ tarbalĩg hĩ lemmiook hõdõõkõthĩ hĩ eet vẽlẽk.

3 Yõaannẽ 1:11

ꞌGõõna cĩ ꞌthĩnĩtõ, ma hĩthakꞌtha thooꞌthiok ꞌcĩg abathĩ ꞌcĩg adĩman eeta ũgẽẽgĩ! Nũũ terethiinit cĩ eet ꞌcĩg adĩman thooꞌthiok ꞌcĩg abũnnaa diooni. Gaooth ĩĩ, eeta ꞌcĩg adĩman dtiicanĩ ꞌcĩg abũnnaa, ẽtẽrꞌtha nẽẽg ngaatĩ ĩĩnnĩ lõhõlĩ cĩg Nyekuci. Nẽ eeta ꞌcĩg adĩman thooꞌthiok ꞌcĩg abathĩ, ẽtẽrꞌtha nẽẽg ngaatĩ nga hagayyi nẽẽg Nyekuc.