ꞌLuuka 6:26 - ꞌBuuk cĩ Thõõth cĩ Nyekuci

²⁶ Pĩĩrnanĩt hĩ ngagiit eet ꞌcĩg athithannuung eeta vẽlẽk aĩ adĩmannu thooꞌthiok ꞌcĩg abũnnaa, baa ꞌthẽk ꞌgõõl ꞌcĩ athithanĩ maajiha põrõvẽtaaꞌnya baag ĩĩn oloꞌngiaak niccia.

ꞌLuuka 6:26 ပူးပေါင်းရင်းမြစ်များ

Maatteeo 7:15

“Ĩcĩnĩt põrõvẽtaaꞌnya ꞌcĩg ĩĩn oloꞌngiaak jurrung! Hĩnĩngĩtĩ au nẽẽg hĩ ngagiit tarbalĩg haauto hĩ aꞌtha, nẽ ĩko ꞌthinneetinitõõ cĩggĩĩng, aattĩg hĩ huduumwaana ꞌcĩg au arukuung thõng.

ꞌLuuka 6:25

Pĩĩrnanĩt hĩ ngagiit eet ꞌcĩg aꞌnyaku ꞌgẽẽn ꞌcĩ maka ꞌyioko ho, ooyyu hatĩ niig magĩĩtha. Pĩĩrnanĩt hĩ ngagiit eet ꞌcĩg accamanoothiku ꞌyioko ho, au hatĩ arruuennu kõr umwa.

Yõaannẽ 15:19

Má baa ĩĩtõ niig eet cĩg looc nicci, occa ꞌyioko ammĩnannuung eeta cĩg looc nicci ngagiita. Nẽẽthĩ, iittiõõ niig hõllõngaa iiginnu eet cĩg looc nicci. Baa hẽbẽraauung naa ngagiit, hátĩ ũtũngteek thooꞌthiok cĩg looc nicci. Ĩnõõ ꞌyioko ꞌcĩ aaburreekuung eeta cĩg looc nicci ho.

Yõaannẽ 7:7

Aitiõõ hõllõngaa aaburreekuung eeta cĩg looc nicci ngagiita, aaburreeka nẽẽg nganĩĩt, hĩnĩngĩtĩ hĩbbõõrahi naa ĩhõõggõ thooꞌthiok ꞌcĩg abathĩ ꞌcĩg adĩman nẽẽgĩ.

ꞌRooma 16:18

Hĩnĩngĩtĩ eeta ꞌcĩg aattĩg noho, hõllõngaa adticanoothĩk Krĩstõ Makayyioohit cĩnaac, nẽẽthĩ hinnia, adticanoothĩk nẽẽg ꞌgii ꞌcĩ accamana nẽẽgĩ. Ĩggõõl nẽẽg eet ꞌcĩg aggiithi ooti thooꞌthiohĩĩ ꞌcĩg ẽmmẽdĩ.

ꞌJeemith 4:4

Niig eeta ꞌcĩg adĩmannu hẽlẽggĩ ꞌcĩg ĩĩn ꞌriiring ko, hõllõngaa agayyu niig ngaatĩ aaꞌnyuung ꞌgõnnaꞌthẽẽt cĩ lootu ĩĩtõ mĩrõk cĩg Nyekuci? Nẽ má eberriaau ngaatĩ iiginnu ꞌgõõnõgĩ lootu, iittu niig mĩrõk cĩg Nyekuci.