ꞌLuuka 6:22 - ꞌBuuk cĩ Thõõth cĩ Nyekuci

²² Aggatatteeu niig hatĩ aaburreekuung eeta, nẽ ibiꞌthuunga nẽ odoomtuung nẽ utuburruung aaut hĩ eeta ꞌcĩg abaꞌthu, hĩnĩngĩtĩ Ngeertĩ Eeto.

ꞌLuuka 6:22 ပူးပေါင်းရင်းမြစ်များ

Maatteeo 10:18

Aꞌnyakiaannu hatĩ lokihooa hĩ ꞌgaala ꞌcĩg obbitig hĩ habuẽẽta, hĩnĩngĩtĩ iiginnu nuyyiook cĩgannĩg. Ĩĩn hatĩ ciee kõr ꞌcĩ aduhaaku makayyiook hĩ eet ꞌcĩg hõllõngaa ĩĩn ꞌJudeei nyeemuut caannĩ.

Maatteeo 10:22

Aaburreekuung hatĩ eeta vẽlẽk, hĩnĩngĩtĩ nganĩĩta. Nẽ ẽẽtĩ ꞌcĩ aꞌthũũnnĩ lemiinit cĩnnĩ ĩꞌthõng dtuurnanĩt cĩ lootu, eelliaa hatĩ nẽẽnĩ.

Maatteeo 10:39

Ẽẽtĩ ꞌcĩ adiim aꞌthũũnnĩ rũgẽt cĩnnĩ loota nĩnga, adhuheek hatĩ rũgẽt cĩnnĩ ho tuu. Nẽ ẽẽtĩ ꞌcĩ adhuheek rũgẽt cĩnnĩ tuu, hĩnĩngĩtĩ nganĩĩta, aalla hatĩ rũgẽtĩ cĩnnĩ ũdũt.

ꞌLuuka 20:15

Nĩngĩtĩ õõĩ ĩnõõnnõ tẽrẽtẽraa cĩ mana cĩ viinoo nẽ uruhit hadaak. “Ma ammuku niig, occa õkõ adahĩ baattĩ manu bekiook iccig ne?

ꞌLuuka 21:17

Aaburreekuung hatĩ eeta vẽlẽk, hĩnĩngĩtĩ nganĩĩta.

ꞌLuuka 6:21

Aggatatteeu niig ꞌcĩg adakuung magĩthĩ ꞌyioko ho, auunnu hatĩ aꞌnyarru. Aggatatteeu niig ꞌcĩg aluyyu ꞌyioko ho, au hatĩ accamanoothiku uruta.

Yõaannẽ 12:42

Nẽẽthĩ, kõr niccia noho, baa mẽẽlĩg makayyiooha cĩg ꞌJudeei ꞌcĩg ẽlẽmĩ Yeesu. Nẽẽthĩ hinnia, baa hõllõngaa ẽdẽẽnya nẽẽg lemiinit cĩnĩĩng, hĩnĩngĩtĩ iꞌngolli Variꞌtheei ꞌcĩg occa iiggiawaak ĩhõõggõ battaala ꞌCieethaa cĩ Laiitto.

Yõaannẽ 16:2

Iiggiaeekuung hatĩ eeta ngagiit ꞌCieethaa cĩ Laiitto battaala. Nẽ dĩdĩ, aku hatĩ kõrra ꞌcĩ arukuung ẽẽtĩ umwaa ngagiita nẽ ummuk ĩĩ hadticanoothihi Nyekuc.

Yõaannẽ 17:14

Baa huduhaaha naa ĩhõõggõ thõõth cunni, aaburreek hinnia eeta cĩg looc nicci ĩhõõggõ thõng, hĩnĩngĩtĩ iittiõõ nẽẽg hõllõngaa ĩĩn eet cĩg looc nicci tarĩ hĩ naana.

Yõaannẽ 7:7

Aitiõõ hõllõngaa aaburreekuung eeta cĩg looc nicci ngagiita, aaburreeka nẽẽg nganĩĩt, hĩnĩngĩtĩ hĩbbõõrahi naa ĩhõõggõ thooꞌthiok ꞌcĩg abathĩ ꞌcĩg adĩman nẽẽgĩ.

Yõaannẽ 9:34

Ẽdẽcĩ makayyiooha anneek, “Ĩĩnĩ baa nii ꞌthẽccannioohit nganĩngĩtĩ arrittiaanĩ! Occa ꞌyioko allimanneet nii ngagĩĩta?” Nĩngĩtĩ iiggiaẽẽkĩ ĩnõõnnõ battaala.

Dtiicanĩ cĩg ꞌThooyyiahu 22:22

Baa athĩknĩ lothippiti ĩꞌthõng hẽdẽcaak Paaulo thõõth icci. Ma ho, iꞌthiattaaĩ awacahit ĩĩtõ, “Ammanyattõõĩ eet icci! Hõllõngaa ꞌthẽk occa arũgĩ!”

Dtiicanĩ cĩg ꞌThooyyiahu 24:5

“Hummuddiaawa eet icci haĩ Paaulo ho, ngaatĩ ĩĩnnĩ eet ꞌcĩ abathĩ gẽrrẽẽt ũdũt, akannẽẽkĩ eeta cĩg ꞌJudeei looc hũtũrũũr hurukto. Ĩĩn nẽẽ makayyioohit cĩ lothippit cĩ eet ꞌcĩg anũ Yeesu cĩ Naaꞌtharẽtĩ,

Dtiicanĩ cĩg ꞌThooyyiahu 9:16

Nganĩĩt hatĩ ꞌcĩ heterꞌtheehi ĩnõõnnõ ꞌgõõl ꞌcĩ accananiini, hĩnĩngĩtĩ ꞌthaar cĩgannĩg.”

ꞌJeemith 1:12

Aggatan Nyekuci eet ꞌcĩg aꞌnyaman ꞌtĩmman, hĩnĩngĩtĩ má ĩllõõanit nẽẽg ꞌtĩmman tĩho, ammũda hatĩ nẽẽg dũman cĩ rũgẽtõ, baa aduhaak Nyekuci eet ꞌcĩg ammĩnan ĩnõõnnõ.

1 Pẽẽtũrũ 3:14

Nẽẽthĩ, má occa accananiinnu niig, hĩnĩngĩtĩ adĩmannu thõõth ꞌcĩ abũnnaa, adũmannuung hatĩ Nyekuci, hĩnĩngĩtĩ thõõth tĩho. “Ma hapuppuddu hode hiꞌngollinnu thooꞌthiok ꞌcĩg occa adĩmaneekuung nẽẽg ngagiita.”