ꞌLuuka 6:21 - ꞌBuuk cĩ Thõõth cĩ Nyekuci

²¹ Aggatatteeu niig ꞌcĩg adakuung magĩthĩ ꞌyioko ho, auunnu hatĩ aꞌnyarru. Aggatatteeu niig ꞌcĩg aluyyu ꞌyioko ho, au hatĩ accamanoothiku uruta.

ꞌLuuka 6:21 ပူးပေါင်းရင်းမြစ်များ

ꞌThianaattõ 17:17

Ma nĩngaata, akatĩ Abũrahamĩ hẽbẽrĩ looc nẽ ikidan ĩĩ, “Ĩcca occa gõõng aꞌnyaki Thaara ngaa ꞌcĩ aꞌnyak irkiꞌnyia hẽẽn tũrkũwwec ko hutuno?” Nẽ ĩccaad tarĩ ĩĩ, “Nẽ tarĩ ꞌyioko, hatahaanya naa buúk haꞌnyaha irkiꞌnyia ꞌmiia hõdẽĩ, ĩcca occa ꞌthẽk hatĩ nga haꞌnyaka lõhõlĩ dĩdĩ?”

ꞌThianaattõ 21:6

Ma ho, õthõõth Thaara ĩĩ, “Aꞌnyahaaha Nyekuci taliinit hĩ tarari cobbi gẽrrẽẽt. Nẽ eeta vẽlẽk ꞌcĩg athĩhĩ thõõth icci, ararĩ hatĩ taliitta.

Maatteeo 5:4

ꞌGattan hĩ eet ꞌcĩg alu, amammaayanni hatĩ nẽẽgĩ!

Maatteeo 5:6

ꞌGattan hĩ eet ꞌcĩg adak magĩthĩ nẽ aam kõrra ꞌcĩ anũĩ thõõth ꞌcĩ aũlanĩ. Aaꞌnyĩhoothĩk hatĩ ĩhõõggõ ꞌgii ꞌcĩ adiim nẽẽgĩ!

ꞌLuuka 1:53

Aaꞌnyĩk nẽẽ eet ꞌcĩg adak magĩthĩ hẽlẽggĩ ꞌcĩg abũnnaa, nẽ itiggia eet ꞌcĩg aĩ hĩĩgĩnna balliook, hõõt athĩnĩĩ ꞌtẽl.

ꞌLuuka 6:20

Nĩngĩtĩ akannĩ Yeesu nuyyiook cĩgĩnnĩg hẽbẽrĩ nẽ ĩĩnnĩk, “Aggatatteeu niig ꞌcĩg iiginnu hullaha ho, ĩĩn habuccieet cĩ Nyekuci cunuung.

ꞌLuuka 6:22

Aggatatteeu niig hatĩ aaburreekuung eeta, nẽ ibiꞌthuunga nẽ odoomtuung nẽ utuburruung aaut hĩ eeta ꞌcĩg abaꞌthu, hĩnĩngĩtĩ Ngeertĩ Eeto.

ꞌLuuka 6:25

Pĩĩrnanĩt hĩ ngagiit eet ꞌcĩg aꞌnyaku ꞌgẽẽn ꞌcĩ maka ꞌyioko ho, ooyyu hatĩ niig magĩĩtha. Pĩĩrnanĩt hĩ ngagiit eet ꞌcĩg accamanoothiku ꞌyioko ho, au hatĩ arruuennu kõr umwa.

Yõaannẽ 11:35

Nĩngĩtĩ alui Yeesu.

Yõaannẽ 4:10

Ẽdẽcĩ Yeesu ĩnõõnnõ anneek, “Má gaa nii ꞌbaaninit ꞌcĩ occa aaꞌnyi Nyekuci nẽ agau eet iina ꞌcĩ alayyi nganiit maam ko, occa ꞌyioko alau ĩnõõnnõ haaꞌnyi maam ꞌcĩg rũgẽtaak.”

Yõaannẽ 6:35

Ma ho, ẽdẽc Yeesu ĩĩ, “Hĩĩnĩ naa ũbũnĩ cĩ rũgẽtõ! Ẽẽtĩ ꞌcĩ aku hĩ nganĩĩta, aitiõõ hatĩ hõllõngaa adak ĩnõõnnõ magĩthĩ nẽ ẽẽtĩ ꞌcĩ ẽlẽmma nganĩĩta, hõllõngaa hatĩ aam kõrra.

1 Korinthia 4:11

Hĩĩ noho, nga aalla adakeet magĩthĩ nẽ aammeet kõrra, hahimteenna ceremwaanĩĩ ꞌcĩg ꞌthaꞌtharĩg, adĩmanneet eeta ꞌbuth nẽ aitioonneet õlõ tõõ.

2 Korinthia 11:27

Baa hadticanii naa gẽrrẽẽt nẽ haꞌnyaha baalinniook ꞌcĩg mẽẽlĩg hiꞌthihi ũꞌnyaak nẽ haau uraa, aamma kõrra, hiꞌthihi ꞌgii ꞌcĩ hadahi. Ahũdda lajjõ hĩnĩngĩtĩ hiꞌthihi ceremwa ꞌcĩg habungẽẽnĩ jurrung, hatĩ alalĩ lõõcĩ.

2 Korinthia 12:10

Eei, haccamanoothihi naa ngaatĩ happĩĩrnanĩĩ, hĩ ngaatĩ hodoominii, hĩ ngaatĩ huukẽnĩĩ, hĩ ngaatĩ homothiini hĩ ngaatĩ haccananiini, hĩnĩngĩtĩ Krĩstõ. Ĩnõõ ꞌcĩ ma happĩĩrna, hattirani.

2 Korinthia 6:10

nẽ haccamanoothĩka ooo tananga korrioohĩĩ cĩg pĩĩrnattaak. Nẽ tananga hĩĩgĩnna naag hullaha, haanytĩha naag eet ꞌcĩg mẽẽlĩg gẽrrẽẽt baliinit, tananga hiꞌthihi ꞌgii ꞌcĩ haꞌnyaka naaga, ĩĩn hẽlẽggĩ vẽlẽk cĩggaang.

ꞌJeemith 1:12

Aggatan Nyekuci eet ꞌcĩg aꞌnyaman ꞌtĩmman, hĩnĩngĩtĩ má ĩllõõanit nẽẽg ꞌtĩmman tĩho, ammũda hatĩ nẽẽg dũman cĩ rũgẽtõ, baa aduhaak Nyekuci eet ꞌcĩg ammĩnan ĩnõõnnõ.

Terethiinit 21:3

Nẽ hĩthĩha molook ꞌcĩ ẽggẽrꞌnya dtaabawaa cĩ Nyekuci aĩ, “Nẽ ꞌyioko ĩꞌthõng ũdũt, ikia õlõ cĩ Nyekuci ũrũmtĩ hĩ eet cĩgĩnnĩg. Ĩĩn hatĩ eeta, eet cĩgĩnnĩg nẽ ĩĩ Nyekuci, Nyekuc cĩnĩĩng. Nẽ dĩdĩ aarĩk hatĩ Nyekuci õlõ cĩnnĩ hõrggẽẽnaa cĩ eet cĩgĩnnĩg.

Terethiinit 7:16

Iittiõõ hatĩ ĩhõõggõ hõllõngaa adak magĩthĩ tarĩ, hode aam kõrra tarĩ. Iittiõõ hatĩ kõrra ꞌcĩ nga atũũth ĩhõõggõ tarĩ tõõ.