ꞌLuuka 6:14 - ꞌBuuk cĩ Thõõth cĩ Nyekuci

¹⁴ Baa ẽbẽra nẽẽ ꞌThimõõnẽ (nẽ akateek ꞌthaar ꞌcĩg haĩ Pẽẽtũrũ) nẽ tarĩ ẽbẽra ꞌgõtõnĩ Pẽẽtũrũ ꞌcĩ haĩ Andrea hĩ ꞌJeemith hĩ Yõaannẽ, hĩ Pilippo hĩ Bartolomeeo,

ꞌLuuka 6:14 ပူးပေါင်းရင်းမြစ်များ

Maatteeo 10:2

ꞌThaarriok cĩg ꞌthooyyiak ꞌcĩg ĩĩn õmmõtõ hĩ ꞌramma ho cieegi: Hõdẽĩ ꞌThimõõnẽ ꞌcĩ haĩ ꞌthaar ũgĩ Pẽẽtũrũ, hĩ ꞌgõtõnĩ ꞌcĩ haĩ Andrea, hĩ ꞌJeemith ngeertĩ ꞌThebedeeo, hĩ ꞌgõtõnĩ ꞌcĩ haĩ Yõaannẽ.

Maatteeo 10:3

Pilippo hĩ Bartolomeeo, Tomaaꞌthio hĩ Maatteeo baa ĩĩn eet ꞌcĩg alũt occoro, ꞌJeemith ngeertĩ Aliveo, hĩ Tadeeo;

Maatteeo 4:18

Kõr umwa, baa õvvõ Yeesu dẽmẽtaa cĩ Bũlũc cĩ ꞌGalileea. Ma ho, ĩcĩn ꞌgõtõn ꞌramma ꞌcĩg adhuheek nyelelewwa bũlũcatõõ, hĩnĩngĩtĩ baa ĩĩn nẽẽg eet ꞌcĩg aggam ulugo. Baa haĩ umwa ꞌThimõõnẽ nẽ hĩĩtõ umwa Andrea. Haĩ ꞌThimõõnẽ ꞌthaar ũgĩ Pẽẽtũrũ.

Maatteeo 4:21

Ma baa nga õvvõ Yeesu nĩngaata, ikia ĩcĩn ꞌgõtõn ꞌramma tarĩ, ꞌJeemith hĩ Yõaannẽ ꞌcĩg baag akũmaneek nyelelewwaꞌnya cĩggĩĩng haahũlatõõ, hĩ maaꞌnyĩ cĩnĩĩng ꞌThebedeeo. Nĩngĩtĩ avvaanĩ Yeesu ĩhõõggõ buúk.

Maarko 1:19

Ma baa ũũk Yeesu ĩĩcĩ oou hĩdĩhĩdĩĩc, udtuuha nẽẽ ꞌJeemith hĩ Yõaannẽ lõhõlĩ cĩg ꞌThebedeeo, ꞌcĩg baag aattĩg haahũlaa cĩnĩĩng alũũlũ nyelelewwaꞌnya cĩggĩĩng.

Maarko 1:29

Ma baa uduhutta Yeesu hĩ nuyyiook cĩgĩnnĩg hĩ ꞌJeemith hĩ Yõaannẽ ꞌCieethaa cĩ Laiitto, iita õõt nẽẽg ĩĩcĩ õlõ cĩ ꞌThimõõnẽ hĩ Andrea.

Maarko 14:33

Baa õõkõr Yeesu hĩ Pẽẽtũrũ hĩ ꞌJeemith hĩ Yõaannẽ. Ma ho, ulubaak ĩnõõnnõ tẽẽlꞌthĩtĩ hĩ mothiinit ꞌcĩ maka gẽrrẽẽt.

Maarko 3:16

Eet õmmõtõ hĩ ꞌramma ꞌcĩg ẽbẽra nẽẽ ho cieegi. ꞌThimõõnẽ ꞌcĩ akanneek Yeesu ꞌthaar ꞌcĩg haĩ Pẽẽtũrũ,

Maarko 5:37

Baa hõllõngaa ẽlẽmĩ Yeesu eet umwa hũnũ ĩnõõnnõ, baa ẽlẽmaakĩ nẽẽ Pẽẽtũrũ hĩ ꞌJeemith hĩ Yõaannẽ ꞌgõtõnĩ ꞌJeemithi diooni hũnnẽẽcõ ĩnõõnnõ.

Maarko 9:2

Ma baa urutaa cĩ waathinniook tõrkõnõn, ikia ũũhĩ Yeesu Pẽẽtũrũ hĩ ꞌJeemith hĩ Yõaannẽ, õõkõr õõ muuraa ꞌcĩ uuni ĩĩcĩ õõ aattiyyi ẽmmẽn aitiõõ eeta tõõ. Ma nĩngaata, ũtũhũĩ Yeesu hẽbẽrẽẽnnĩĩ cĩggĩĩng,

ꞌLuuka 5:10

Nẽ ubulan ꞌgõõnõgĩ ꞌcĩg haĩ ꞌJeemith hĩ Yõaannẽ buúk gẽrrẽẽt. Baa ĩĩn cieeg lõhõlĩ cĩg eet ꞌcĩ haĩ ꞌThebedeeo. Ma nĩngaata, uduhaak Yeesu ꞌThimõõnẽ ĩĩnnĩk, “Ma hiꞌngolli ꞌgii umwa, iꞌthianaanĩ kõr nicci, ulutu hatĩ gõõng nii eet hiita hĩthĩhĩt thõõth cĩ Nyekuci hĩgõõng aggami ulugo.”

ꞌLuuka 5:8

Ma baa acĩn ꞌThimõõnẽ ꞌcĩ haĩ ꞌthaar ũgĩ Pẽẽtũrũ thõõth icci ho, akat huruꞌnyia muumaa cĩ Yeesu nẽ ĩĩ, “Makayyioohit, ma hakuu hõbõktõ hĩ nganĩĩta, hĩnĩngĩtĩ hĩĩnĩ naa ꞌthẽccannioohit.”

ꞌLuuka 6:13

Ma baa ĩĩ lõõcĩ wataak, ũtũvva nẽẽ nuyyiook cĩgĩnnĩg vẽlẽk nẽ ẽbẽra õmmõtõ hĩ ꞌramma nẽ aaꞌnyĩk hĩĩtõ ꞌthooyyiak cĩgĩnnĩg.

ꞌLuuka 6:15

hĩ Maatteeo hĩ Tomaaꞌthio, hĩ ꞌJeemith ngeertĩ Aliveo hĩ ꞌThimõõnẽ ꞌcĩ baa haĩ ꞌThilot,

Yõaannẽ 1:45

Nĩngĩtĩ ammũdaanĩ Pilippo Nathaniele nẽ uduhaak ĩĩnnĩk, “Hummuddiaawa eet baa ẽhẽẽd Mũũꞌtha nyattaala nẽ eteheedito põrõvẽtaaꞌnya buúk ĩĩtõ, Yeesu cĩ Naaꞌtharẽtĩ ngeertĩ Yothebo.”

Yõaannẽ 14:8

Ẽdẽcĩ Pilippo Yeesu anneek, “Makayyioohit, teretheet Baangeet, thõõth ꞌcĩ hadiimma niccia diooni.”

Yõaannẽ 6:5

Ma baa acĩn Yeesu au eeta ĩĩcĩ aayyi nẽẽ ho, ijin nẽẽ Pilippo ĩĩnnĩk, “Ẽlẽ Pilippo, hammũda occa hatĩ ũbũnẽẽt ꞌcĩg haaꞌnyĩk lothippit ꞌcĩ ĩĩn noho vẽlẽk ko ĩĩna?”

Yõaannẽ 6:8

Ma nĩngaata, ẽdẽc nuyyioohiti cĩnnĩ umwaa ꞌcĩ haĩ Andrea ꞌgõtõnĩ ꞌThimõõnẽ Pẽẽtũrũ ĩĩ,

Dtiicanĩ cĩg ꞌThooyyiahu 1:13

Ma baa õdõlanit nẽẽg ꞌtaaũn, õõt otodit ꞌcieetha lokora ngaatĩ baa aattiyyi. ꞌThooyyiak ꞌcĩg baag aattĩg nĩngaata ho cieegi: Pẽẽtũrũ, Yõaannẽ, ꞌJeemith hĩ Andrea, Pilippo hĩ Tomaaꞌthio, Bartolomeeo hĩ Maatteeo, ꞌJeemith ngeertĩ Aliveo, ꞌThimõõnẽ ꞌThilot, ꞌJuuda ngeertĩ ꞌJeemithi.

Dtiicanĩ cĩg ꞌThooyyiahu 12:2

Baa aduhaak nẽẽ athegereeꞌnya hetteeddia õõ cĩ ꞌJeemithi ꞌgõtõnĩ Yõaannẽ.

2 Pẽẽtũrũ 1:1

Aku waraga ciee hĩ nganĩĩt ꞌThimõõnẽ Pẽẽtũrũ dticciannioohit hĩ ꞌthooyyiahit cĩ Yeesu Krĩstõ. Hẽhẽẽdakuung naa waraga icci ngagiit eet ꞌcĩg hõthõl lemiinit ꞌcĩ haꞌnyak naag ko. Baa aaꞌnyĩhoothĩkeet lemiiniti ciee ngagĩĩt, hĩnĩngĩtĩ bũnnai cĩ Yeesu Krĩstõ, ꞌcĩ ĩĩn Nyekuc nẽ ĩĩ Ellioohit cĩnaac.