ꞌLuuka 6:13 - ꞌBuuk cĩ Thõõth cĩ Nyekuci

¹³ Ma baa ĩĩ lõõcĩ wataak, ũtũvva nẽẽ nuyyiook cĩgĩnnĩg vẽlẽk nẽ ẽbẽra õmmõtõ hĩ ꞌramma nẽ aaꞌnyĩk hĩĩtõ ꞌthooyyiak cĩgĩnnĩg.

ꞌLuuka 6:13 ပူးပေါင်းရင်းမြစ်များ

Maatteeo 10:2

ꞌThaarriok cĩg ꞌthooyyiak ꞌcĩg ĩĩn õmmõtõ hĩ ꞌramma ho cieegi: Hõdẽĩ ꞌThimõõnẽ ꞌcĩ haĩ ꞌthaar ũgĩ Pẽẽtũrũ, hĩ ꞌgõtõnĩ ꞌcĩ haĩ Andrea, hĩ ꞌJeemith ngeertĩ ꞌThebedeeo, hĩ ꞌgõtõnĩ ꞌcĩ haĩ Yõaannẽ.

Maatteeo 19:28

Ẽdẽcĩ Yeesu ĩnõõnnõ anneek, “Eei, iittu niig vẽlẽk nuyyiook cĩgannĩg nẽ haduhaakuung dĩdĩ, ma iccioloongan Ngeertĩ Eeto dtaabawaa cĩnnĩ ĩĩcĩ bulẽẽttõ, iccioloongannu hatĩ niig buúk dtaabĩtĩĩ ꞌcĩg ĩĩn õmmõtõ hĩ ꞌramma nẽ etteeddu thooꞌthiok cĩg habuccieeꞌnya õmmõtõ hĩ ꞌramma cĩg Ĩꞌthĩraẽlĩ.

Maatteeo 9:36

Ma baa acĩn nẽẽ lothippiꞌnya ho, ikia atamaatĩk ĩhõõggõ, hĩnĩngĩtĩ baa atalmaanyanni nẽẽg nẽ ippiirria gẽrrẽẽt haauto hĩ aꞌtha ꞌcĩg aitiõõ tũhayyioohiti tõõ.

Maarko 6:30

Ma baa oboddia ꞌthooyyiaha hĩ Yeesu, iita uduktaak ĩnõõnnõ thooꞌthiok vẽlẽk ꞌcĩg baag õõ adtican nẽẽg, hĩ thooꞌthiok vẽlẽk baag õõ allimaneek nẽẽg eeta.

Maarko 6:7

Ma nĩngaata, ikia ũtũvvũ nẽẽ ꞌthooyyiak cĩgĩnnĩg õmmõtõ hĩ ꞌramma nẽ ĩꞌthõ ĩhõõggõ hõõt hĩ ꞌramma hĩ ꞌramma nẽ aaꞌnyĩk ꞌtirriani ꞌcĩ õõ iiggiaĩ loriẽẽt ꞌcĩg abathĩ.

ꞌLuuka 11:49

Nẽẽthĩ, hĩnĩngĩtĩ thooꞌthiok iccig vẽlẽk, aduha Nyekuci ꞌgẽẽnyĩthaa cĩnnĩ aĩ, ‘Hĩꞌthõõakuung hatĩ põrõvẽtaaꞌnya hĩ ꞌthooyyiak, aruku hatĩ ũgĩ nẽ õhõggõõrattu ũgĩ thõng.’

ꞌLuuka 22:30

hátĩ iita udukto nẽ uhuddieeu tẽrẽmẽẽjawa habuccieetaa caannĩ nẽ aauttu dtaabĩtĩĩ ꞌcĩg etteeddiku thõõth hattũũgẽt õmmõtõ hĩ ꞌramma cĩg Ĩꞌthĩraẽlĩ.”

ꞌLuuka 6:14

Baa ẽbẽra nẽẽ ꞌThimõõnẽ (nẽ akateek ꞌthaar ꞌcĩg haĩ Pẽẽtũrũ) nẽ tarĩ ẽbẽra ꞌgõtõnĩ Pẽẽtũrũ ꞌcĩ haĩ Andrea hĩ ꞌJeemith hĩ Yõaannẽ, hĩ Pilippo hĩ Bartolomeeo,

Yõaannẽ 4:33

Ma nĩngaata, iꞌthiattaaĩ nuyyiooha ijitto ẽmmẽn ĩĩtõ, “Aꞌnyahaak occa hatĩ eet umwaa ĩnõõnnõ ꞌgẽẽn ꞌcĩ adahĩ?”

Dtiicanĩ cĩg ꞌThooyyiahu 1:13

Ma baa õdõlanit nẽẽg ꞌtaaũn, õõt otodit ꞌcieetha lokora ngaatĩ baa aattiyyi. ꞌThooyyiak ꞌcĩg baag aattĩg nĩngaata ho cieegi: Pẽẽtũrũ, Yõaannẽ, ꞌJeemith hĩ Andrea, Pilippo hĩ Tomaaꞌthio, Bartolomeeo hĩ Maatteeo, ꞌJeemith ngeertĩ Aliveo, ꞌThimõõnẽ ꞌThilot, ꞌJuuda ngeertĩ ꞌJeemithi.

Eevvetho 2:20

hõdẽĩ, hĩthakthoothĩk naag ꞌcieeth cĩnnĩ ꞌcĩ ẽhẽnytĩ nẽ aauto ꞌthooyyiaha hĩ põrõvẽtaaꞌnya hĩ õkõlakꞌnya nẽ aau Yeesu Krĩstõ hĩ miirihi.

Eevvetho 4:11

Baa ĩnõõnnõ ꞌcĩ ẽbẽra eet ũgĩ hĩĩtõ ꞌthooyyiak nẽ ẽbẽra ũgĩ hĩĩtõ põrõvẽtaaꞌnya nẽ ẽbẽra ũgĩ hĩĩtõ eet ꞌcĩg allimaneek eet thõõth cĩ Nyekuci nẽ ẽbẽra ũgĩ hĩĩtõ paadĩrꞌnya hĩ ꞌlimmanniook,

Ebereei 3:1

Niig ꞌgotoonoga hĩ ngoonoga cieegi, ẽbẽraauung Nyekuci ngagiit ĩĩtõ eet cĩgĩnnĩg ꞌcĩg ẽllẽẽmĩthĩ. Nẽẽthĩ, ummuhit Yeesu ꞌcĩ hanneek naag ꞌthooyyiahit cĩ Nyekuci nẽ ĩĩ paadĩr cobbi ꞌcĩ hẽlẽmĩ naag ko.

2 Pẽẽtũrũ 3:2

Hadiimmuung naa ngagiit ummuhuttooth thooꞌthiok baag aduha põrõvẽtaaꞌnya baag ẽllẽẽmĩth baag baarkit, hĩ tilooinit cĩ Makayyioohit Ellioohit cĩnaac baa allimaneekuung ꞌthooyyiaha cugguung.

Terethiinit 12:1

Ma ho, hudtuuha ꞌgiimwa ꞌcĩ ĩnaat eeta ꞌcĩ edeeꞌnyia hẽẽtahujjieen. Ĩĩn ngaa umwa ꞌcĩ ahimit ceremwa ꞌcĩg ĩĩn kõr, abĩlĩ nyĩlõõha nẽ itihim temedek ꞌcĩ aꞌnyak mũnyũny õmmõtõ hĩ ꞌramma.

Terethiinit 18:20

Accamattoothĩk niig eeta cĩg Nyekuci hẽẽtahujjieen hĩ ꞌthooyyiak hĩ põrõvẽtaaꞌnya cĩgĩnnĩg vẽlẽk, hĩnĩngĩtĩ uuk Nyekuci ꞌtaaũn nicci hakattio hĩ ꞌgõõl baa adĩmannuung nẽẽ ngagiit buúk.’ ”

Terethiinit 21:14

Baa ẽhẽnytĩ dilat cĩ araanõ biyyiẽẽnĩĩ ꞌcĩg ĩĩn õmmõtõ hĩ ꞌramma. Nẽ baa eheedothoothĩk ꞌthaara cĩg ꞌthooyyiak cĩg Mĩꞌnyõõnak biyyiẽẽnĩĩ cĩg hõdẽĩ hõdẽĩ.