12 Ma kõr umwa waathinnioohĩ nĩĩcag noho, ũũk õtõd Yeesu muur nẽ ũũk ala Nyekuc nĩĩca haal.
Ma baa acĩn Yeesu lothippit ngaatĩ alluttiaanĩ ho, ikia ũũk aau loota muura ũbũta. Nĩngĩtĩ aluttiaanĩ nuyyiooha cĩgĩnnĩg hiita hirriamatteek ĩnõõnnõ nẽ iꞌthianaaĩ illiman ĩhõõggõ.
Nẽẽthĩ, ma alayyi, duhun ꞌcieeth cunni nẽ uꞌnyuugu hattũũg, nẽẽthĩ alau Maaꞌnyu ꞌcĩ hõllõngaa edeeꞌnyia. Ĩnõõ ꞌcĩ hatĩ adũmanni Maaꞌnyu ꞌcĩ acĩn thõõth ꞌcĩ adĩmanni burkiitina.
Ma baa ngaalloohoth ngerrenita, ĩtĩnga Yeesu ũtũngeek õlõ nẽ ũũk aau ẽmmẽn ngadiiha nẽ alaõ nĩngaata.
Ma nĩngaata, ũũk aau Yeesu muuraa hujjieen nẽ ũtũvvũ eet baag adiim nẽẽ hiita hĩ ĩnõõnnõ.
Ma urutaa ꞌcĩ ũtũngẽẽhĩ nẽẽ nuyyiook, ikia õtõd horooma nẽ ũũk alaõ.
Nẽẽthĩ, baa gõõng õkõ Yeesu ꞌgoolliohĩĩ ũgẽẽgĩ ĩĩcĩg aayyi ẽmmẽn nẽ alaõ.
Alĩĩlĩ hinnia nẽẽg hodohohit heengti kak nẽ othoothito nyaagwaana ĩĩtõ, “Hadahĩ occa ꞌthẽk Yeesu neegi?”
Ma baa ulluuccia nẽẽg muura hujjieen, iita ĩbĩlĩt nuyyiooha hĩ Yeesu ngamwaanĩ unaahatõõ. Baa irriamaneek ĩnõõnnõ lothippiti cĩ nuyyiook cĩgĩnnĩg hĩ eet ꞌcĩg mẽẽlĩg gẽrrẽẽt ꞌcĩg allũnganniaa looccaa cĩ ꞌJudeea hĩ ꞌJeruꞌthalẽma, hĩ ũgĩ ꞌcĩg au ĩĩcĩ dẽmẽt cĩ ꞌTire hĩ ꞌThidõõnẽ.
Kõr umwa, baa õkõ Yeesu ĩĩcĩ burki nẽ ũũk alaõ. Ma nĩngaata, iita ummuddiaak nuyyiooha cĩgĩnnĩg ĩnõõnnõ, nĩngĩtĩ ajini nẽẽ ĩhõõggõ annẽẽkĩ, “Aĩ nõõ ꞌthẽk eeta dẽẽdẽ nganĩ naa?”
Ma urutaa cĩ waathinniook turkiyyio, ũtũvvũ nẽẽ Pẽẽtũrũ, hĩ Yõaannẽ, hĩ ꞌJeemith nẽ ũũhĩ ĩhõõggõ muuraa umwaanĩ ĩĩcĩ õõ alaiini.
Ma baa nga alayyi nẽẽnĩ, ũtũhũĩ muum cĩnnĩ hĩ ceremwa hattaalito hĩĩtõ õõppẽr.
Nĩngĩtĩ õtõdĩ Yeesu hĩ nuyyiook cĩgĩnnĩg muura lõmẽrra nẽ õõt aauto loota.
Ĩrrĩcatta laiinit, aaut dĩkĩĩm nẽ ĩĩttĩhu Nyekuc ĩlaallẽ.
Waathinnioohĩĩ ĩbaag aayyi Yeesu loota nĩnga, baa ala nẽẽ Nyekuc nẽ ĩĩnnĩk ĩlaallẽ nẽ utuluuik Nyekuc ꞌcĩ occa ẽẽla ĩnõõnnõ daahĩtha. Ma ho, ĩthĩk Nyekuci ĩnõõnnõ, hĩnĩngĩtĩ baa ẽlẽmĩ Yeesu thõõth ꞌcĩ aduhaak Maaꞌnyia.