ꞌLuuka 5:35 - ꞌBuuk cĩ Thõõth cĩ Nyekuci

³⁵ Nẽẽthĩ, aku hatĩ kõrra ꞌcĩ aggamiaanĩ nyattaraan hĩ ĩhõõggõ, waathinniook tĩko thĩ ꞌcĩg hatĩ ẽdẽtaanĩ nẽẽg eleeti.”

ꞌLuuka 5:35 ပူးပေါင်းရင်းမြစ်များ

Maatteeo 9:15

Ẽdẽcĩ Yeesu ĩhõõggõ anneek, “Occa gõõng ẽdẽta heerinniooha cĩg nyattaraanak eleeti ꞌgẽẽna, hatĩ nga arũmĩ hĩ ĩhõõggõ hutuno? Aku hatĩ kõrra ꞌcĩ aggammaanĩ lõõcĩ ĩhõõggõ nyattaraan, nẽẽthĩ hatĩ edettia nẽẽg eleeti ꞌgẽẽna.

Maarko 2:20

Nẽẽthĩ, aaĩ hatĩ kõrra umwaa ꞌcĩ ũũnnĩkĩ nyattaraan ĩhõõggõ nẽ hatĩ edettia nẽẽg eleeti kõr niccia.

ꞌLuuka 17:22

Nĩngĩtĩ aduhaakĩ Yeesu nuyyiook annẽẽkĩ, “Au hatĩ waathinniooha ꞌcĩg adiim acinnu Ngeertĩ Eeto, nẽẽthĩ hinnia, aitiõõ hatĩ hõllõngaa acinnu.

ꞌLuuka 5:34

Ẽdẽcĩ Yeesu anneek, “ꞌYioko niig occa aaꞌnyiku heerinniook cĩg nyattaraanak hedettia eleeti hatĩ nga arũmĩ nẽẽg hĩ nyattaraan?

ꞌLuuka 5:36

Nĩngĩtĩ aduhaakĩ nẽẽ ĩhõõggõ thõõth ꞌcĩ awantoothĩk ko anneek, “Aitiõõ ẽẽtĩ ꞌcĩ occa attiha cẽrẽm ꞌcĩ ĩĩn ngeju nẽ uhubeek ĩcĩ ũnũũk tõõ. Nẽ má ĩdĩman noho, occa hinnia ẽrrẽẽc nẽẽ cẽrẽm ꞌcĩ ĩĩn ngeju ho. Nẽ aitiõõ haburkẽcĩ ꞌcĩ ĩĩn ngeju ho hõllõngaa õõkõrõõ hĩ ꞌcĩ ũnũuk ko.

Yõaannẽ 12:8

Arũmeennu hatĩ niig hõdõõkõthĩ hĩ eet ꞌcĩg appĩĩrna, nẽẽthĩ, aitiõõ hatĩ hõllõngaa harũmĩ hĩ nganĩĩt ũdũt.”

Yõaannẽ 13:33

“Lõhõlĩ cĩgannĩg, harũmĩ hatĩ naag hĩ ngagiit ꞌthaa ꞌcĩ abadtẽc haaga. Adiimmaangu hatĩ niig nganĩĩta, hĩ baa haduhaahi naa eet cĩg ꞌJudeei, nẽẽthĩ ꞌyioko, haduhaakuung ngagiit buúk. Ĩĩcĩ hõkõõĩ naa ho, hõllõngaa occa auunnu niig buúk.

Yõaannẽ 16:28

Baa hakuu naa hĩ Baaba hikia looccaa nĩĩcĩ nẽ ꞌyioko hũtũngeeha naa looc nicci, hobodootha hĩ Baaba.”

Dtiicanĩ cĩg ꞌThooyyiahu 1:9

Ma baa uduha Yeesu thõõth icci ẽlẽk, õdõngĩ nẽẽ ũũk hẽẽtahujjieen acĩn ꞌthooyyiaha vẽlẽk, nĩngĩtĩ ammanyaniini nẽẽ diithatõõ.

Dtiicanĩ cĩg ꞌThooyyiahu 14:23

Ma nĩngaata, eberria Paaulo hĩ Baarnaba makayyiook cĩg lothippiꞌnya cĩg lemmioohu cũũmõ cũũmõ. Ma ho, edettia eleeti ꞌgẽẽna nẽ alaacõ Makayyioohit, hátĩ gõõng hũꞌthũũtĩ makayyiook iccig.

Dtiicanĩ cĩg ꞌThooyyiahu 3:21

Nẽẽthĩ, adiim aalla Yeesu hẽẽtahujjieen ĩꞌthõng hikia kõrra ꞌcĩ aaꞌnyĩkĩ Nyekuci hẽlẽggĩ vẽlẽk hĩĩtõ ngeju, hĩ baa aduha põrõvẽtaaꞌnya baag ẽllẽẽmĩth baarkit.

1 Korinthia 7:5

Ma haburru ngaatĩ attihoonnu, horoong thĩ hatĩ elemoonnu ngaatĩ abillu ꞌtihõõnĩt hĩdĩhĩdĩĩc, hátĩ alayyio nõõ thõng. Nẽẽthĩ hátĩ iittiõõ ꞌThĩttaanĩ hõllõngaa attĩmannuunga, hĩnĩngĩtĩ hõllõngaa uullu ngaatĩ aggammu eleeti cugguung jurrung.

2 Korinthia 11:27

Baa hadticanii naa gẽrrẽẽt nẽ haꞌnyaha baalinniook ꞌcĩg mẽẽlĩg hiꞌthihi ũꞌnyaak nẽ haau uraa, aamma kõrra, hiꞌthihi ꞌgii ꞌcĩ hadahi. Ahũdda lajjõ hĩnĩngĩtĩ hiꞌthihi ceremwa ꞌcĩg habungẽẽnĩ jurrung, hatĩ alalĩ lõõcĩ.