ꞌLuuka 5:32 - ꞌBuuk cĩ Thõõth cĩ Nyekuci

³² Baa hõllõngaa hakuu naa, hĩnĩngĩtĩ eet ꞌcĩg abũnnaa. Hakuu naa hikia hẽẽla ꞌthẽccanniook hũtũngteek ꞌthẽccanẽẽt cĩggĩĩng.”

ꞌLuuka 5:32 ပူးပေါင်းရင်းမြစ်များ

Maatteeo 18:10

Ma nĩngaata, õthõõth Yeesu ĩĩ, “Ma hararru lõhõlĩ ꞌcĩg kidicig ꞌcĩg aattĩg hĩ cieegi. Hĩnĩngĩtĩ haduhaakuung dĩdĩ, acĩn aajĩlẽẽta cĩggĩĩng hẽẽtahujjieen hõdõõkõthĩ muum cĩ Baaba.

Maatteeo 9:13

Õõt da nõõ umuddia thõõth baa aduha ꞌBuuhi cĩ Nyekuci aĩ, ‘Haccamanaa naa tamaati, hõllõngaa haccamanaa ꞌgaarrieenit,’ hadiimmuung naa ngagiit atamaatĩk ꞌgoonogu. Baa hõllõngaa hakuu naa hikia hũtũvva eet ꞌcĩg abũnnaa. Hakuu naa havva ꞌthẽccanniook.”

Maarko 15:10

Ajin Pĩlaatõ thõõth icci lohoroor, hĩnĩngĩtĩ aga nẽẽ jurrung ngaatĩ aꞌnyahaakĩ makayyiooha cĩg paadĩrꞌnyaannu Yeesu ĩnõõnnõ, hĩnĩngĩtĩ aꞌnyaheek nẽẽg Yeesu mẽdẽr.

Maarko 15:7

Nẽ kõr niccia, baa aaĩ eet umwaa ꞌcĩ haĩ Barabbath baabuuthatõõ hĩ eet ꞌcĩg baag ĩkõõtha jore nẽ uruhit eet ũgĩ joratõõ tĩho.

Maarko 2:17

Ma baa athĩhĩ Yeesu thõõth icci ho, ẽdẽc ĩhõõggõ ĩĩnnĩk, “Aitiõõ hõllõngaa eet ꞌcĩg abũnnaa ꞌcĩg adiim akĩĩm, ĩĩn eet ꞌcĩg õmmõõrĩ diooni ꞌcĩg adiim ĩnõõnnõ. Baa hõllõngaa hakuu naa, hĩnĩngĩtĩ eet ꞌcĩg abũnnaa, hakuu naa, hĩnĩngĩtĩ ꞌthẽccanniook.”

ꞌLuuka 15:10

Haduhaakuunga, ꞌgõõlaa ꞌcĩ aaĩ hoti, atalĩ hatĩ aajĩlẽẽta cĩg Nyekuci, hĩnĩngĩtĩ ꞌthẽccannioohit hõdẽẽthõng ꞌcĩ ũtũngeek ꞌgõõl cĩ ꞌthẽccaneetu.”

ꞌLuuka 15:7

“Haduhaakuunga, ꞌgõõlaa ꞌcĩ aaĩ hoti, aaĩ hatĩ taliiniti cobbi gẽrrẽẽt hẽẽtahujjieen, hĩnĩngĩtĩ ꞌthẽccannioohit hõdẽẽthõng ꞌcĩ ũtũngeek ꞌthẽccan cĩnnĩ, hĩllõõan eet hẽẽn tũrkũwwec hĩ tũrkũwwec ꞌcĩg abũnnaa ꞌcĩg iittiõõ hõllõngaa adiim tũngẽẽnĩt cĩ ꞌthẽccaneetu.”

ꞌLuuka 19:10

Baa hakuu naa Ngeertĩ Eeto hikia hidiima nẽ hẽẽla eet ꞌcĩg iꞌngittõõthĩ.”

ꞌLuuka 24:47

nẽ irrioonni hatĩ thõõth cĩ ũũnnõthõõthĩkĩ ꞌthẽccanẽẽta hĩ thõõth ꞌcĩ ammaannothoothĩkĩ eeta loonyini vẽlẽk ꞌthaarĩĩ cĩgĩnnĩg, iꞌthianaanĩ ꞌJeruꞌthalẽma.

ꞌLuuka 5:31

Nẽ ẽdẽc Yeesu ĩhõõggõ ĩĩnnĩk, “Hõllõngaa eet ꞌcĩ abũnnaa ꞌcĩ adiim akĩĩm, nẽẽthĩ, eet ꞌcĩ õmmõõrĩ ꞌcĩ adiim ĩnõõnnõ.

ꞌLuuka 5:33

Nẽ ijinit nẽẽg Yeesu tarĩ ĩĩttĩk, “Hacĩnna naag nuyyiook cĩg Yõaannẽ hõdõõkõthĩ ẽdẽta eleeti ꞌgẽẽna nẽ alayyio gẽrrẽẽt. Hacĩnna cĩg Variꞌtheei buúk adĩman noho nẽ aalla aduhi cugunnig nẽ uhuddi hõdõõkõthĩ noho inni?”

Dtiicanĩ cĩg ꞌThooyyiahu 17:30

Baarkit, baa ũtũngeek Nyekuci ꞌgiithẽnĩt ꞌcĩ alaĩ eeta nyekuꞌnya ꞌcĩg hõllõngaa ĩĩn dĩdĩ, hĩnĩngĩtĩ baa hõllõngaa aga eeta thooꞌthiok ꞌcĩg baag adĩman nẽẽgĩ. Nẽẽthĩ ꞌyioko, uduhaak Nyekuci eet loonyini vẽlẽk hũtũngteek ꞌthẽccanẽẽt cĩggĩĩng.

Dtiicanĩ cĩg ꞌThooyyiahu 2:38

Ẽdẽcĩ Pẽẽtũrũ anneek, “Ũtũngteek niig vẽlẽk hõdẽĩ hõdẽĩ ꞌthẽccanẽẽt cugguung nẽ aggamtu baattithimo ꞌthaarĩĩ cĩg Yeesu Krĩstõ, hátĩ hũtũngtoothĩk ꞌthẽccanẽẽta cugguung. Nẽẽthĩ hatĩ aaꞌnyĩhoothĩhuung ꞌbaaniniti cĩ Lori ꞌcĩ Ẽllẽẽmĩthĩ.

Dtiicanĩ cĩg ꞌThooyyiahu 20:21

Baa hilooti naa eet cĩg ꞌJudeei hĩ ꞌGirik helemit Nyekuc nẽ ũtũngteek ꞌthẽccan nẽ elemit Makayyioohit cĩnaac Yeesu.

Dtiicanĩ cĩg ꞌThooyyiahu 3:19

Ũtũngteek ꞌthẽccanẽẽt nẽ elemtu Nyekuc, hátĩ hũtũngtoothĩk ꞌthẽccanẽẽta, hátĩ haaꞌnyuung Makayyioohiti ꞌyiomman,

Dtiicanĩ cĩg ꞌThooyyiahu 3:26

Ma baa ũrũgũtha Nyekuci dticciannioohit cĩnnĩ, baa nõõ ĩꞌthõõa nẽẽ ĩnõõnnõ hikia haggatanuung ngagiit hõdẽĩ hõdẽĩ ũtũngteek ꞌthẽccanẽẽta.”

Dtiicanĩ cĩg ꞌThooyyiahu 5:31

Õdõng Nyekuci ĩnõõnnõ nẽ aarĩk attiaa cĩnnĩ ĩcobbi, hĩĩ habu hĩ Ellioohit hẽlẽmaahĩ eet cĩg Ĩꞌthĩraẽlĩ hũtũngteek ꞌthẽccanẽẽt hatamaatĩk Nyekuci ĩhõõggõ.

2 Pẽẽtũrũ 3:9

Hõllõngaa iidoceek Makayyioohiti ngaatĩ adĩmanĩ thõõth baa aduha nẽẽnĩ, hĩcĩ ammuk eeta ũgẽẽgĩ. Maka ꞌthĩnĩt cĩ Makayyiookto hĩ ngagiita, ngaatĩ hõllõngaa adiimi eet umwa hadaak, adiim nẽẽ eet vẽlẽk hũtũngteek ꞌthẽccanẽẽt cĩggĩĩng.