ꞌLuuka 5:29 - ꞌBuuk cĩ Thõõth cĩ Nyekuci

²⁹ Nẽ baa ũũk aarĩhĩ ꞌLeevi Yeesu karrama cobbi gẽrrẽẽt õlõõ cĩnnĩ. Nĩngĩtĩ õõ aduhẽẽnĩ eeta ꞌcĩg alũt occoro hĩ eet ũgĩ buúk hĩ ĩhõõggõ.

ꞌLuuka 5:29 ပူးပေါင်းရင်းမြစ်များ

Maatteeo 11:19

Ma baa aku Ngeertĩ Eeto aduhi nẽ ũhũdĩ, ainnu, ‘Ĩĩn ẽẽtĩ ciee lobolobbiaahit nẽ ĩĩ duuttiahit, ꞌgõõnĩ eet ꞌcĩg alũt occoro hĩ ꞌthẽccanniook.’ Nẽẽthĩ hinnianĩ, edeeꞌnyia ꞌgẽẽnyĩthĩ ꞌcĩ ĩĩn dĩdĩ, thooꞌthiohĩĩ vẽlẽk ĩcĩg adtican nẽẽnĩ.”

Maatteeo 5:46

Má ammĩnannu niig eet ꞌcĩg ammĩnannuung ngagiit diooni, adũmannuung occa hatĩ Nyekuci hĩnĩngĩtĩ thõõth niccia? Ammĩnan eeta ꞌcĩg alũt occoro buúk ꞌgõõnõgĩ.

Maatteeo 9:10

Ma baa nga aduhi Yeesu ꞌcieethaa cĩ Maatteeo hĩ nuyyiook cĩgĩnnĩg, iita eeta ꞌcĩg mẽẽlĩg ꞌcĩg alũt occoro hĩ ꞌthẽccanniook vẽlẽk hiita hadahit ꞌgẽẽn hĩ ĩnõõnnõ.

Maatteeo 9:9

Ma baa ĩtĩnga Yeesu nĩngaata ũũha, ikia ẽdẽẽnyõthĩ eet umwa ꞌcĩ haĩ Maatteeo iccioloongan ngaatĩ aayyi ẽẽtĩ ꞌcĩ alũt occoro. Ma ho, ũtũvvũ ĩnõõnnõ ĩĩnnĩk “Ijjia nũaa nganĩĩta.” Nĩngĩtĩ ĩꞌngaannĩ Maatteeo nĩĩcĩ noho nẽ ũnũ ĩnõõnnõ.

Maarko 2:15

Ma baa uruta, iita udukto Yeesu hĩ eet ꞌcĩg mẽẽlĩg ꞌcĩg alũt occoro hĩ ꞌthẽccanniook, hĩ nuyyiook cĩgĩnnĩg õlõõ cĩ ꞌLeevi. Baa mẽẽlĩg eeta gẽrrẽẽt ꞌcĩg anũ ĩnõõnnõ.

ꞌLuuka 15:1

Kõr umwa, baa alũtoothĩk eeta ꞌcĩg alũt occoro hĩ ꞌthẽccanniook Yeesu, hátĩ hĩthĩhĩt ꞌlimman cĩnnĩ.

Yõaannẽ 12:2

Ma nĩngaata, ikia aaꞌnyĩhoothĩk ꞌgẽẽn Yeesu bulẽẽttaa baa arũgthaanĩ nẽẽ Laaꞌtharõ. Baa Maarta ꞌcĩ ẽꞌngẽr ꞌgẽẽn baa aauto eeta vẽlẽk loota hĩ Laaꞌtharõ.

1 Korinthia 10:27

Má avvaanni ẽẽtĩ umwaa ꞌcĩ hõllõngaa ĩĩn lemmioohit ꞌgẽẽna nẽ idiim uuhu, bĩĩt nẽẽ nii daak ꞌgẽẽn vẽlẽk ꞌcĩ aaꞌnyĩhoothĩkiina nẽ ma haallahi jinẽẽnĩt umwa ꞌcĩ aku ꞌthĩnĩtaa cunni.