ꞌLuuka 5:24 - ꞌBuuk cĩ Thõõth cĩ Nyekuci

²⁴ Nẽẽthĩ ꞌyioko, hatabi heterꞌtheekuung agaac ngaatĩ haꞌnyahĩ naa Ngeertĩ Eeto ꞌtirrian ꞌcĩ hammaannĩkĩĩ eet, hĩnĩngĩtĩ ꞌthẽccanẽẽt cĩggĩĩng loota nĩnga.” Nĩngĩtĩ annẽẽkĩ eet ꞌcĩ alalliaa ẽlẽ ho, “Tĩnga bĩtõ. Thõhõt lotoonu cunni ho buúk.”

ꞌLuuka 5:24 ပူးပေါင်းရင်းမြစ်များ

Maatteeo 16:13

Ma baa õbõktĩ Yeesu hĩ nuyyiook cĩgĩnnĩg õdõlanit ꞌtaaũn cĩ Caetharea Pilippi, ikia ijin nẽẽ ĩhõõggõ ĩĩnnĩk, “Aĩ ꞌthẽk eeta Ngeertĩ Eeto nganĩ?”

Maatteeo 25:31

“Nẽ kõr ꞌcĩ hatĩ akuuni Ngeertĩ Eeto bulẽẽttaa cĩnnĩ hĩ aajĩlẽẽt cĩgĩnnĩg vẽlẽk, iccioloongan hatĩ nẽẽ dtaabawaa cobbi bulẽẽttaa cĩ hẽẽtkujjieen.

Maatteeo 26:64

Ẽdẽcĩ Yeesu aĩ, “Eei, aaĩ hĩcĩ aduha nii ho. Nẽẽthĩ, haduhaakuung ngagiit vẽlẽk, horumwa acinnu hatĩ niig Ngeertĩ Eeto iccioloongan attiaa cobbi ĩcĩ Nyekuc Gayyioohit vẽlẽk nẽ ulluuccia diiꞌthiohĩ hẽẽtahujjieen.”

Maatteeo 28:18

Ma nĩngaata, ikia uppwaannak Yeesu ĩhõõggõ nẽ ĩĩnnĩk, “Baa aaꞌnyĩhoothĩhaa nganĩĩt makaaꞌthĩt cĩ hẽẽtkujjieen hĩ cĩ lootu vẽlẽk.

Maatteeo 4:24

Nĩngĩtĩ aku allũnganĩ nyeemuut cĩnnĩ looc cĩ Thiiria vẽlẽk nẽ aꞌnyaktaak eeta ĩnõõnnõ moorriak ꞌcĩg õmmõõrĩ mooriꞌthiook cũũmõ cũũmõ. Baa aꞌnyakiaa eeta ꞌcĩg aꞌnyak mooriꞌthiook ꞌcĩg mẽẽlĩg, hĩ ꞌcĩg aꞌnyak loriẽẽt ꞌcĩg abathĩ hĩ ꞌcĩg õhõda namakarĩ hĩ ꞌcĩg alalliaa ꞌthoona, nĩngĩtĩ ẽẽlanĩ Yeesu ĩhõõggõ vẽlẽk hũbũttaathõ.

Maatteeo 9:6

Nẽẽthĩ, heterꞌtheekuung naa ngaatĩ aꞌnyahĩ Ngeertĩ Eeto makaaꞌthĩt ꞌcĩ ammaannĩkĩ eet ꞌthẽccanẽẽt, loota nĩnga.” Nĩngĩtĩ annẽẽkĩ Yeesu eet ꞌcĩ alalliaa ẽlẽ ho, “Tĩnga! Dũhan lotoonu bĩĩt ĩĩcĩ olu.”

ꞌLuuka 5:13

Nĩngĩtĩ ahumi Yeesu ĩnõõnnõ nẽ ĩĩnnĩk, “Hatabbii, bũna!” Ma hĩdĩĩkoothong, iꞌnginõõthĩ helleggeri.

ꞌLuuka 5:18

Ma ho, uppwaatta eeta ũgẽẽgĩ ꞌcĩg irriongana eet ꞌcĩ alalliaa ẽlẽ lotoonwa nẽ ĩttĩmanit ngaatĩ adiim õõĩ ĩnõõnnõ ꞌcieetõõ hõõt haarrik ngaatĩ aayyi Yeesu.

ꞌLuuka 5:23

Ĩꞌnya da hijinuunga, ammũjĩ thõõth inoo, ꞌcĩ hannẽẽkĩ eet, ‘Ũtũngtoothĩk ꞌthẽccanẽẽta cugunnẽẽgĩ,’ hode ngaatĩ hannẽẽkĩ, ‘Tĩnga bĩtõ?’

ꞌLuuka 7:14

Ma ho, ĩbĩlĩt eeta ꞌcĩg irriongan buulenit ko, nĩngĩtĩ õkõ ahumi Yeesu ĩnõõnnõ nẽ othoothĩk ĩĩnnĩk, “Buulenit, hanneekii tĩnga ꞌjieena.”

ꞌLuuka 8:54

Ma ho, aggam Yeesu loholeec aꞌthiit nẽ ĩĩnnĩk, “Loholeec caannĩ ho, tĩnga!”

Yõaannẽ 11:43

Ma baa uduha Yeesu thõõth icci ẽlẽk, ikia ũtũvvõ nẽẽ moloohaa cobbi ĩĩ, “Laaꞌtharõ, duhuna battaala!”

Yõaannẽ 17:2

Hĩnĩngĩtĩ baa aaꞌnyĩhuu nii ĩnõõnnõ makaaꞌthĩt ꞌcĩ aggamĩ eet vẽlẽk, hátĩ haaꞌnyĩk rũgẽt ꞌcĩ aalla ũdũt, eet baag aaꞌnyihi nii ĩnõõnnõ.

Yõaannẽ 3:13

Nga hõdõlan ẽẽtĩ umwaa õlõ cĩ Nyekuci hẽẽtahujjieen, nganĩĩt dioo Ngeertĩ Eeto, ꞌcĩ baa halluuccia hakuu loota nĩnga, ꞌcĩ hõdõlana õlõ cĩ Nyekuci.

Yõaannẽ 5:27

Nẽ aaꞌnyĩk Maaꞌnyia ĩnõõnnõ makaaꞌthĩt ꞌcĩ ẽttẽẽdĩ thooꞌthiok cĩg eet vẽlẽk, hĩnĩngĩtĩ ĩĩn nẽẽ Ngeertĩ Eeto.

Dtiicanĩ cĩg ꞌThooyyiahu 14:10

ma ho, uduhaak Paaulo ĩnõõnnõ moloohaa cobbi ĩĩnnĩk, “Tĩnga bĩĩl ꞌjieena!” Ma hĩdĩĩkoothong, ĩꞌngõth tuhuulliahiti nicciee hĩbĩl ꞌjieena nẽ iꞌthianaaĩ õtõ.

Dtiicanĩ cĩg ꞌThooyyiahu 5:31

Õdõng Nyekuci ĩnõõnnõ nẽ aarĩk attiaa cĩnnĩ ĩcobbi, hĩĩ habu hĩ Ellioohit hẽlẽmaahĩ eet cĩg Ĩꞌthĩraẽlĩ hũtũngteek ꞌthẽccanẽẽt hatamaatĩk Nyekuci ĩhõõggõ.

Dtiicanĩ cĩg ꞌThooyyiahu 9:34

Ma ho, ĩĩnnĩk Pẽẽtũrũ ĩnõõnnõ, “Enea, aaꞌnyi Yeesu Krĩstõ nganiit bũna. Tĩnga kũmmaneek nangẽrẽb cunni.” Ma hĩdĩĩkoothong, ĩtĩnga Enea nĩĩcĩ noho.

Dtiicanĩ cĩg ꞌThooyyiahu 9:40

Ma nĩngaata, ikia uduhaak Pẽẽtũrũ ĩhõõggõ vẽlẽk hõõt nõõ battaala, nĩngĩtĩ akannĩ huruꞌnyia nẽ alaõ. Ma ho, ũtũhũoothĩk ngaa ꞌcĩ adaahĩ ho nẽ ĩĩnnĩk, “Tabitha, tĩnga ꞌjieena.” Nĩngĩtĩ acĩnẽẽnĩ Tabitha hudtuuha Pẽẽtũrũ nẽ aau ꞌjieena.

Terethiinit 1:13

Nẽ hõrggẽẽnaa cĩ ꞌthĩĩk tũkĩramma ꞌcĩg aꞌnyak ꞌlõõmẽẽt niccig ko, abĩlĩ eet umwaa ꞌcĩ aaĩ hĩ Ngeertĩ Eeto ahimit cẽrẽm ꞌcĩ uuni õkõ ꞌthoo nẽ ammarũũk cẽrẽm ꞌcĩ ĩĩn ꞌdaab ĩyyõõaa cĩnnĩ.