ꞌLuuka 5:22 - ꞌBuuk cĩ Thõõth cĩ Nyekuci

²² Baa aga Yeesu muhẽẽnĩt cĩnĩĩng ko, nĩngĩtĩ ẽdẽcõõthĩkĩ ĩhõõggõ annẽẽkĩ, “Inni aꞌnyahit niig muhẽẽnĩt ꞌcĩ abathĩ ꞌthinneetinitõõ cugguung ko?

ꞌLuuka 5:22 ပူးပေါင်းရင်းမြစ်များ

Maatteeo 12:15

Baa aga Yeesu thõõth ꞌcĩ atuhan nẽẽg ko, nĩngĩtĩ aku ũũnnĩkĩ nĩngĩtĩho. Nẽ baa maka lothippiti ꞌcĩ anũ ĩnõõnnõ gẽrrẽẽt, nĩngĩtĩ aaꞌnyĩkĩ eet cĩggĩĩng ꞌcĩg õmmõõrĩ vẽlẽk hũbũttaathõ,

Maatteeo 12:25

Baa aga Yeesu muhẽẽnĩt cĩnĩĩng nẽ ĩĩnnĩk ĩhõõggõ, “Habuccieet ꞌcĩ ẽꞌngẽr ẽlẽ cĩnnĩ ẽmmẽn, aduhoothĩk hatĩ hĩĩ ꞌthĩĩ. Nẽ ꞌtaaũnĩ cobbi hode halang ꞌcĩ ẽꞌngẽrõõ eeta ẽmmẽn, aitiõõ hatĩ hõllõngaa abĩlĩ ũdũt.

Maatteeo 9:4

Baa aga Yeesu muhẽẽnĩt cĩnĩĩng ko, nĩngĩtĩ annẽẽkĩ, “Inni ummuhit thooꞌthiok ꞌcĩg ĩĩn ꞌriiring ꞌthinneetinii cugguung ko?

Maarko 8:17

Ma baa athĩhĩ Yeesu thõõth ꞌcĩ õthõõth nẽẽg ko, ikia ijin ĩhõõggõ ĩĩnnĩk, “Inni othoothit thõõth ꞌcĩ aitiõõnnĩ ũbũnẽẽta tõõ ho? Nga nooyyia ĩcĩnĩt hode nga agaac niig thooꞌthiok cĩgannĩg? Nga aalla adĩĩtĩ ngagiit ooti nẽ nga okommuung ꞌthinneeti noho?

ꞌLuuka 24:38

Nẽ ijin Yeesu ĩhõõggõ ĩĩnnĩk, “Abarrittu gẽrrẽẽt noho inni? Ĩccaadduung ngagiit nii?

ꞌLuuka 5:21

Ammuk hinnia Variꞌtheei hĩ ꞌlimmanniook cĩg nyattaalak ꞌthinneetinii cĩggĩĩng aĩ, “Eet ꞌcĩ nganĩ ciee õdõõm Nyekuc ko? Nganĩ umwaa ꞌcĩ occa ammaannĩk ꞌthẽccanẽẽt? Nyekuc dioo ꞌcĩ occa ammaannĩhĩ.”

ꞌLuuka 5:23

Ĩꞌnya da hijinuunga, ammũjĩ thõõth inoo, ꞌcĩ hannẽẽkĩ eet, ‘Ũtũngtoothĩk ꞌthẽccanẽẽta cugunnẽẽgĩ,’ hode ngaatĩ hannẽẽkĩ, ‘Tĩnga bĩtõ?’

Dtiicanĩ cĩg ꞌThooyyiahu 5:3

Ma ho, ĩĩ Pẽẽtũrũ, “Anania, alũllũmannii ꞌThĩttaanĩnganiit ꞌgõõl Lori ꞌcĩ Ẽllẽẽmĩth ngaatĩ itiangꞌthĩ ꞌrabbẽẽt aag aaꞌnyĩhoothikii, aa ũũtẽnĩ nii ijjio ho hutuno?

Ebereei 4:12

Hĩnĩngĩtĩ arũgĩ thõõth cĩ Nyekuci nẽ attiranĩ. ꞌLẽhẽd hĩllõõan nyetuboot ꞌcĩ ꞌlẽhẽdĩ gẽrrẽẽt, ẽttẽẽd thõõth cĩ Nyekuci loriẽẽt hõdõlan lobulẽẽt hĩ õnyõ, ĩꞌthõng hũmmũda mũyan hĩ muhẽẽnĩt cĩ ꞌthinneeti cĩggaac.

Terethiinit 2:23

Haruhi hatĩ naa nuyyiook cĩgĩnnĩg hadaahito nẽ hatĩ iita agaacõ lothippiꞌnya cĩg lemmioohu vẽlẽk, ngaatĩ ĩĩnnĩ nganĩĩt ꞌcĩ hatarraabani muhẽẽnĩt hĩ thooꞌthiok vẽlẽk ꞌcĩg aꞌnyak eeta ꞌthinneetinii cĩggĩĩng. Nẽ hatĩ hũdũmana naa eet hõdẽĩ hõdẽĩ ꞌgõõlaa ꞌcĩ adticaniini nẽẽgĩ.