ꞌLuuka 5:21 - ꞌBuuk cĩ Thõõth cĩ Nyekuci

²¹ Ammuk hinnia Variꞌtheei hĩ ꞌlimmanniook cĩg nyattaalak ꞌthinneetinii cĩggĩĩng aĩ, “Eet ꞌcĩ nganĩ ciee õdõõm Nyekuc ko? Nganĩ umwaa ꞌcĩ occa ammaannĩk ꞌthẽccanẽẽt? Nyekuc dioo ꞌcĩ occa ammaannĩhĩ.”

ꞌLuuka 5:21 ပူးပေါင်းရင်းမြစ်များ

Maatteeo 26:65

Nĩngĩtĩ ẽrrẽẽcĩ paadĩrĩ cobbi ceremwa cĩgĩnnĩg nẽ ĩĩ, “Õdõõm ẽẽtĩ ciee Nyekuc! Iittiõõ hõllõngaa occa hadiim eet umwa tarĩ! Ithiktu ꞌyioko niig buúk ngaatĩ õdõõmĩ nẽẽ Nyekuc.

Maatteeo 9:3

Ma nĩngaata, othoothito ꞌlimmanniooha ũgẽẽgĩ cĩg nyattal cĩ Mũũꞌtha nyaagwaana ĩĩtõ, “Aĩ ẽẽtĩ ciee hĩĩnĩ Nyekuc!”

ꞌLuuka 3:8

Ĩdĩmanit thooꞌthiok ꞌcĩg occa ẽtẽrꞌtha aĩ, ũtũngteehu niig ꞌthẽccanẽẽt cugguung dĩdĩ. Nẽẽthĩ, ma nga hammuku hainnu, ‘Haꞌnyaka baaĩ nẽẽ naag baangeet cĩnaang Abũrahaamõ.’ Nẽ haduhaakuung naa hanneekuung, ũũlũ Nyekuci ngaatĩ occa ũũkcĩ biyyiẽẽn iccig hĩĩtõ lõhõlĩ cĩg Abũrahamĩ.

ꞌLuuka 5:17

Kõr umwa, baa nga alliman Yeesu eeta, iita Variꞌtheei hĩ ꞌlimmanniook cĩg nyattaalak ꞌcĩg baag au olooyyiohĩĩ cĩg ꞌGalileea hĩ ꞌJudeea hĩ ꞌJeruꞌthalẽma nẽ iita aauto loota nĩngaata. Nẽ baa ammũdeek aaĩ ꞌtirriani cĩ Makayyiookto hĩ Yeesu ꞌcĩ aaꞌnyĩkĩ nẽẽ eet ꞌcĩg õmmõõrĩ hũbũttaathõ.

ꞌLuuka 5:22

Baa aga Yeesu muhẽẽnĩt cĩnĩĩng ko, nĩngĩtĩ ẽdẽcõõthĩkĩ ĩhõõggõ annẽẽkĩ, “Inni aꞌnyahit niig muhẽẽnĩt ꞌcĩ abathĩ ꞌthinneetinitõõ cugguung ko?

ꞌLuuka 7:49

Ma athĩhĩ heerinniooha ũgẽẽgĩ ꞌcĩg baag arũmĩ hĩ ĩnõõnnõ nĩngaata thõõth icci ho, iita othoothito nyaagwaana ĩĩtõ, “Eet occa aattĩ gõõng iina ciee ammaannĩk eet ꞌthẽccanẽẽt ko?”

Yõaannẽ 10:33

Ẽdẽcĩ eeta cĩg ꞌJudeei Yeesu anneek, “Hõllõngaa hadiimma naag hõhõdaanni nganiit, hĩnĩngĩtĩ thooꞌthiok iccig. Hadiimma hõhõdaanni, hĩnĩngĩtĩ odoomi nii Nyekuc, ẽẽtĩ ꞌcĩ holli õõ haaga nẽ idiim aarihuu ẽlẽ cunni hĩĩ Nyekuc.”

ꞌRooma 8:33

Nganĩ hatĩ ꞌcĩ etteedĩk eet baag ẽbẽra Nyekuci ẽlẽk thõõth? Aitiõõ ũdũt, hĩnĩngĩtĩ ẽlẽm Nyekuci ĩhõõggõ.