ꞌLuuka 5:10 - ꞌBuuk cĩ Thõõth cĩ Nyekuci

¹⁰ Nẽ ubulan ꞌgõõnõgĩ ꞌcĩg haĩ ꞌJeemith hĩ Yõaannẽ buúk gẽrrẽẽt. Baa ĩĩn cieeg lõhõlĩ cĩg eet ꞌcĩ haĩ ꞌThebedeeo. Ma nĩngaata, uduhaak Yeesu ꞌThimõõnẽ ĩĩnnĩk, “Ma hiꞌngolli ꞌgii umwa, iꞌthianaanĩ kõr nicci, ulutu hatĩ gõõng nii eet hiita hĩthĩhĩt thõõth cĩ Nyekuci hĩgõõng aggami ulugo.”

ꞌLuuka 5:10 ပူးပေါင်းရင်းမြစ်များ

Maatteeo 13:47

Ma baa kõr umwa tarĩ, õthõõth Yeesu ĩĩ, “Aaĩ habuccieet cĩ hẽẽtkujjieen hĩ nyelelewwa ꞌcĩ haggamĩ ulugo, ꞌcĩ adhuheek ẽẽtĩ bũlũcatõõ nẽ aggam ulugo ꞌgoolliok mẽẽlĩg ꞌrĩng.

Maatteeo 14:27

Ma hĩdĩĩkoothong, ikia othoothĩk Yeesu ĩhõõggõ ĩĩnnĩk, “Aanytĩk ꞌthinneeti hokomit! Nganĩĩt Yeesu. Ma hiteelinnu.”

Maatteeo 20:20

Ma nĩngaata, ikia ũmmũdaak aattĩ lõhõlẽẽtĩg ꞌThebedeeo Yeesu nẽ akateek ĩnõõnnõ huruꞌnyia nẽ ala ĩnõõnnõ ꞌgii ꞌcĩ adiim nẽẽnĩ.

Maatteeo 4:19

Nĩngĩtĩ annẽẽkĩ Yeesu ĩhõõggõ, “Unuyyiaangu nganĩĩta nẽ hatĩ haaꞌnyuung ĩĩtõ eet ꞌcĩg alũtaannu eeta.”

Maatteeo 4:21

Ma baa nga õvvõ Yeesu nĩngaata, ikia ĩcĩn ꞌgõtõn ꞌramma tarĩ, ꞌJeemith hĩ Yõaannẽ ꞌcĩg baag akũmaneek nyelelewwaꞌnya cĩggĩĩng haahũlatõõ, hĩ maaꞌnyĩ cĩnĩĩng ꞌThebedeeo. Nĩngĩtĩ avvaanĩ Yeesu ĩhõõggõ buúk.

Maarko 1:17

Ma ho, ũtũvvũ Yeesu ĩhõõggõ ĩĩnnĩk, “Iita unuyyiaangu nganĩĩta nẽ hatĩ heteretheehuung naa ngagiit ꞌgõõl ꞌcĩ avvaannu eet hiita hĩ nganĩĩta.”

ꞌLuuka 5:7

Nĩngĩtĩ avvaanĩ ꞌgõõnõgĩ ꞌcĩg baag aattĩg haahũlĩtĩ ũgẽẽgĩ, hiita heelito ĩhõõggõ. Ma nĩngaata, iita aarrik nẽẽg ulugo haahũlĩtĩ vẽlẽk, hĩbbĩt hĩcĩ aĩ hakuuyyia maama.

ꞌLuuka 5:9

Baa abulan ĩnõõnnõ hĩ ꞌgõõnõgĩ thõõth ꞌcĩ aggamĩ ulugo ꞌcĩg mẽẽlĩg ko gẽrrẽẽt.

ꞌLuuka 6:14

Baa ẽbẽra nẽẽ ꞌThimõõnẽ (nẽ akateek ꞌthaar ꞌcĩg haĩ Pẽẽtũrũ) nẽ tarĩ ẽbẽra ꞌgõtõnĩ Pẽẽtũrũ ꞌcĩ haĩ Andrea hĩ ꞌJeemith hĩ Yõaannẽ, hĩ Pilippo hĩ Bartolomeeo,

Yõaannẽ 21:2

Baa arũmĩ ꞌThimõõnẽ Pẽẽtũrũ hĩ Tomaaꞌthio ꞌcĩ haĩ ꞌthaar ũgĩ Diidimo hĩ Nathaniele ꞌcĩ aku ꞌtaaũnaa cĩ Kana looccaa cĩ ꞌGalileea, hĩ ꞌJeemith hĩ Yõaannẽ lõhõlĩ cĩg ꞌThebedeeo, hĩ nuyyiook ũgĩ ꞌramma nĩngaata.

Dtiicanĩ cĩg ꞌThooyyiahu 2:4

Ma nĩngaata, ikia Lorii ꞌcĩ Ẽllẽẽmĩth hĩ ĩhõõggõ vẽlẽk, nĩngĩtĩ õthõõthĩ nẽẽg thooꞌthiohĩ cũũmõ cũũmõ, hĩcĩ aaꞌnyĩk Lorii ꞌcĩ Ẽllẽmĩth ĩhõõggõ.

2 Korinthia 8:23

Nẽẽthĩ, Tiito, ĩĩn nẽẽ eet ꞌcĩ hadticaniinna hõdẽĩ hĩ ngagĩĩta, hĩnĩngĩtĩ ngagiita nẽ ꞌgotoonoga ꞌcĩg ĩĩn ꞌramma hataa, ĩĩn nẽẽg ꞌthooyyiak ꞌcĩg ĩꞌthõõa lothippiꞌnya cĩg lemmiook cĩggĩĩng cũũmõ cũũmõ looccaa cĩ Maccedoonia. Aꞌnyahaak Krĩstõ bulẽẽnĩt thooꞌthiohĩĩ cĩg adtican nẽẽgĩ.

2 Timotteeo 2:26

nẽ hatĩ iita ummuddia nẽẽg thõõth dĩdĩ ꞌcĩ alĩĩtanĩ detiinit cĩ habu cĩ loriẽẽt ꞌcĩg abathĩ, ꞌcĩg baa aaꞌnyĩk ĩhõõggõ hĩĩtõ appahacaaꞌnya ꞌcĩg adticanoothĩk ĩnõõnnõ.