ꞌLuuka 5:1 - ꞌBuuk cĩ Thõõth cĩ Nyekuci

¹ Baa kõr umwa abĩlĩ Yeesu dẽmẽtaa cĩ bũlũc ꞌcĩ haĩ ꞌJẽnẽꞌtharẽt, alliman lothippiꞌnya ꞌcĩg õꞌngõnyõõnĩ ꞌgõõl ꞌcĩ auuni hĩ ĩnõõnnõ, hiita hĩthĩhĩt thõõth cĩ Nyekuci.

ꞌLuuka 5:1 ပူးပေါင်းရင်းမြစ်များ

Maatteeo 11:12

Nganĩngĩtĩ waathinniook baag Yõaannẽ Batitta ĩꞌthõng hĩĩ noho, ĩtĩlĩth habuccieet cĩ hẽẽtkujjieen ꞌtirriaanaa ꞌcĩ maka gẽrrẽẽt nẽ aattĩg eeta ꞌcĩg adiim õõĩ habuccieet nicci ꞌtirriaana.

Maatteeo 14:34

Iita abaaktĩ Yeesu hĩ nuyyiook cĩgĩnnĩg bũlũc cĩ ꞌGalileea nẽ õdõlanit dẽmẽt cĩ nĩngĩtĩ haĩ ꞌJẽnẽꞌtharẽt.

Maarko 3:9

Baa maka lothippiti cĩ eetu ho gẽrrẽẽt, nĩngĩtĩ aduhaakĩ Yeesu nuyyiook cĩgĩnnĩg haꞌnyakta haahũl haavvi nẽẽnĩ, hátĩ hiittiõõ hõllõngaa ẽẽhõnĩ eeta ĩnõõnnõ.

Maarko 4:1

Ikia iꞌthianaaĩ Yeesu ngaatĩ allimanĩ eet dẽmẽtaa cĩ Bũlũc cĩ ꞌGalileea tarĩ. Baa maka lothippiti ꞌcĩ baa aluttiaak ĩnõõnnõ gẽrrẽẽt, nĩngĩtĩ adukni nẽẽ haahũlatõõ nẽ aau lothippiti cĩ eetu dẽmẽta.

Maarko 5:24

Nĩngĩtĩ õõkõrĩ Yeesu hĩ ĩnõõnnõ. Ma nĩngaata, ũnũõõthĩ lothippiti cobbi gẽrrẽẽt Yeesu nẽ õõt õꞌngõnytõõĩ eeta ĩnõõnnõ.

Maarko 6:53

Ma baa abaaktĩ Yeesu hĩ nuyyiook bũlũc, õõt õdõlanit nĩngĩtĩ haĩ ꞌJẽnẽꞌtharẽt, ngaatĩ baa õõ ẽcẽbĩ nẽẽg haahũl.

ꞌLuuka 12:1

Baa aluttiaak eeta ꞌcĩg ĩĩn aalibꞌnya ꞌcĩg mẽẽlĩg ngaatĩ aayyi Yeesu ĩꞌthõng haathito ũgẽẽgĩ ꞌgõõnõgĩ. Nĩngĩtĩ iꞌthianaanĩ nõõ Yeesu irrioonĩkĩ nuyyiook cĩgĩnnĩg annẽẽkĩ, “Ma haaꞌnyiku ꞌlimman cĩ Variꞌtheei hidiahanuunga. Ĩĩn ꞌlimmanĩ cĩnĩĩng ko õlõng.

ꞌLuuka 5:2

Nĩngĩtĩ acĩnõõꞌthĩ nẽẽ haahũlĩt ꞌramma dẽmẽtaa cĩ bũlũcõ, ꞌcĩg baag ũũnnĩk ꞌgammiooha cĩg ulugoonnu ꞌcĩg baag nga ũũny nyelelewwaꞌnya cĩggĩĩng.

ꞌLuuka 8:22

Ma kõr umwa, ĩĩnnĩk Yeesu nuyyiook cĩgĩnnĩg, “Habaaktĩ da bũlũc hõõt dhoortaa cĩ baakitu.” Nĩngĩtĩ õtõdĩ haahũl õõyyĩ.

ꞌLuuka 8:23

Ma baa nga õvvõ nẽẽg haahũla bũlũcatõõ, ikia ũdũng Yeesu, nĩngĩtĩ oongiyyi. Ma hĩdĩĩkoothong, uuhan ngõõtĩ umwaa ꞌcĩ attiran gẽrrẽẽt, hõtõmõõĩ haahũl hiꞌthianaaĩ hiitho maamĩtõõ. Baa abathõthĩ authetĩ hĩ ĩhõõggõ gẽrrẽẽt.

ꞌLuuka 8:33

Ma baa adukna loriẽẽta ꞌcĩg abathĩ ẽllaa cĩ eeto ho, õõt edeccieek ꞌngõõhĩꞌnyannĩtõõ. Nĩngĩtĩ uumurriaanĩ ꞌngõõhĩꞌnya tiggooma, nẽ uummurrioothĩk bũlũc noho wuum hutududdi hĩĩ lõõcĩ ꞌthĩĩ.

ꞌLuuka 8:45

Ma ho, ijino Yeesu ĩĩ, “Nganĩ ꞌcĩ ahumma nganĩĩt ko?” Ma baa ẽppẽhan eeta vẽlẽk ko, ẽdẽc Pẽẽtũrũ ĩĩnnĩk, “Makayyioohit, ꞌmaa tarĩ atullungoonni lothippiti nganiit gẽrrẽẽt nẽ ĩrrĩdattii thõng buúk.”

Yõaannẽ 1:40

Eetinii ꞌcĩg baag ĩĩn ꞌramma ĩcĩg athĩhĩ thõõth cĩ Yõaannẽ nẽ ookorit hĩ Yeesu ho, ĩnõõnnõ Andrea, ꞌgõtõnĩ ꞌThimõõnẽ Pẽẽtũrũ.

Yõaannẽ 6:1

Ma baa urutaa cĩ thooꞌthiok iccig, ikia abaahĩ Yeesu bũlũc ꞌcĩ haĩ ꞌGalileea, ꞌcĩ haĩ ꞌthaar ũgĩ Tiberia.

Ebereei 13:7

Ummuhuttooth makayyiook cugguung baag allimaneekuung ngagiit thõõth cĩ Nyekuci. Ummuhuttooth thooꞌthiok ꞌcĩg abũnnaa baag adĩman nẽẽg rũgẽtaa cĩnĩĩng nẽ unuyyu terethiinit cĩ lemiinit cĩnĩĩng.