ꞌLuuka 4:7 - ꞌBuuk cĩ Thõõth cĩ Nyekuci

⁷ Haaꞌnyii hatĩ ĩhõõggõ vẽlẽk nganiita, hatĩ ĩdĩhĩthaa nganĩĩta.”

ꞌLuuka 4:7 ပူးပေါင်းရင်းမြစ်များ

Maatteeo 2:11

Ma baa õdõlanit nẽẽg ꞌcieeth tĩho, iita ummuddiaak nẽẽg ĩdõlĩ tĩho hĩ aattĩnnĩ Maria nĩngaata, nĩngĩtĩ akannẽẽkĩ huruꞌnyia nẽ alaacõ ĩnõõnnõ. Ma ho, itikta ꞌbaaninit ꞌcĩ ĩĩn ꞌdaab hĩ mõhõõkac hĩ ngõrrõ umwa ꞌcĩ õꞌngõlĩ ẽmmẽdĩ ꞌcĩ haĩ ꞌmiira.

ꞌLuuka 17:16

Nĩngĩtĩ aku ẽttẽẽdĩ looc ꞌthõõnĩĩ cĩg Yeesu nẽ atal ĩnõõnnõ gẽrrẽẽt. Nẽ baa ĩĩn ẽẽtĩ tĩho eet cĩ looc cĩ Thamaria.

ꞌLuuka 4:6

Nĩngĩtĩ annẽẽkĩ habuui cĩ loriẽẽt ꞌcĩg abathĩ ho ĩnõõnnõ, “Haaꞌnyii hatĩ naa nganiit bulẽẽnĩt cĩ loonyin iccig hĩ makaaꞌthĩt cĩnĩĩng vẽlẽk, hĩnĩngĩtĩ baa aanytĩhoothĩhaa nganĩĩta, nẽ occa haaꞌnyihi eet ꞌcĩ haccamanaa naana.

ꞌLuuka 4:8

Ẽdẽcĩ hinnia Yeesu anneek, “Eheeddi ꞌBuuhaa cĩ Nyekuci aĩ, ‘Dĩhĩth Nyekuc Makayyioohit cunni nẽ idticanoothihuu ĩnõõnnõ diooni.’ ”

ꞌLuuka 8:28

Ma baa adtuuha nẽẽ Yeesu ho, awacak gẽrrẽẽt hẽttẽẽd looc ꞌthõõnĩĩ cĩg Yeesu nẽ ẽggẽrẽny ĩĩ, “Ne ꞌcĩ adiimi nii hĩ nganĩĩt ko Yeesu, Ngeertĩ Nyekuc ꞌcĩ ĩllõõan vẽlẽk? Halayyi baaĩ nuun thõng, ma hadĩmannaa ꞌbuth!”

Terethiinit 22:8

Baa nganĩĩt Yõaannẽ ꞌcĩ hathihi nẽ hĩcĩna thooꞌthiok iccig. Ma baa hĩthĩha nẽ hĩcĩna thooꞌthiok iccig, hakata huruꞌnyia nẽ halaõ muumaa cĩ aajĩlõ ꞌcĩ aku eterꞌtheeka thooꞌthiok iccig ko.

Terethiinit 4:10

Ma ho, akatit makayyiooha ꞌcĩg ĩĩn hẽẽn ꞌramma hĩ ꞌwec ko huruꞌnyia nẽ alaacõ Nyekuc ꞌcĩ aaĩ dtaabawa nẽ ĩĩn nẽẽ Nyekuc ꞌcĩ aalla ooo. Nẽ itikta tẽmẽdẽhĩt cĩggĩĩng aarrik loota muumaa ꞌcĩ dtaaba nicci nẽ ĩĩtõ,

Terethiinit 5:8

Ma baa aggama nẽẽ ꞌbuuk nicci ho, uruhit hẽlẽggĩ ꞌcĩg arũgĩ ĩĩn ꞌwec hĩ makayyiook ꞌcĩg ĩĩn hẽẽn ꞌramma hĩ ꞌwec ko, looc nẽ akattieek Mĩꞌnyõõn huruꞌnyia. Baa aꞌnyak nẽẽg vẽlẽk addungẽẽt hĩ lohilihilit ꞌcĩg ĩĩn ꞌdaab, ꞌcĩg abbĩꞌthĩĩ mõhõõkacĩ ꞌcĩ ĩĩn laiinit cĩ eet cĩg Nyekuci.