ꞌLuuka 4:6 - ꞌBuuk cĩ Thõõth cĩ Nyekuci

⁶ Nĩngĩtĩ annẽẽkĩ habuui cĩ loriẽẽt ꞌcĩg abathĩ ho ĩnõõnnõ, “Haaꞌnyii hatĩ naa nganiit bulẽẽnĩt cĩ loonyin iccig hĩ makaaꞌthĩt cĩnĩĩng vẽlẽk, hĩnĩngĩtĩ baa aanytĩhoothĩhaa nganĩĩta, nẽ occa haaꞌnyihi eet ꞌcĩ haccamanaa naana.

ꞌLuuka 4:6 ပူးပေါင်းရင်းမြစ်များ

ꞌLuuka 4:7

Haaꞌnyii hatĩ ĩhõõggõ vẽlẽk nganiita, hatĩ ĩdĩhĩthaa nganĩĩta.”

Yõaannẽ 12:31

Õdõlan kõrra ꞌcĩ etteedini thooꞌthioha cĩg eet cĩg looc nicci nẽ itiggiaoothĩk habuui cĩ looc nicci tuu!

Yõaannẽ 14:30

Iittiõõ hatĩ ꞌyioko hõllõngaa hõthõõthõõ naag hĩ ngagiit ĩꞌthõng, hĩnĩngĩtĩ ikia habuui cĩ looc nicci. Nẽẽthĩ, hõllõngaa aꞌnyak nẽẽ ꞌtirrian ꞌcĩ ĩllõõanna nganĩĩta.

Yõaannẽ 8:44

Ĩĩgĩnnu niig lõhõlĩ ꞌcĩg habu cĩ loriẽẽt ꞌcĩg abathĩ nẽ adĩmannu thooꞌthiok ꞌcĩg adiim lorii ꞌcĩ abathĩ ho. Baa ĩĩn nẽẽ eet ꞌcĩ aruk eet baarkit nẽ hõllõngaa aduha thõõth ꞌcĩ ĩĩn dĩdĩ, hĩnĩngĩtĩ nga huduha nẽẽ thõõth ꞌcĩ ĩĩn dĩdĩ. Ma õõlõng lorii ꞌcĩ abathĩ, gõõng nyattal cĩnnĩ niccia, hĩnĩngĩtĩ ĩĩn nẽẽ oloꞌngiaahit ꞌcĩ ĩĩn baattĩ olongo.

2 Korinthia 11:14

Aitiõõ hõllõngaa occa hakuleek naag ꞌjieen, hĩnĩngĩtĩ ꞌThĩttaan dẽẽdẽ ꞌcĩ õõlõng aĩ, hĩĩnĩ aajĩlõ ꞌcĩ hakuu hĩ Nyekuc.

Eevvetho 2:2

ꞌgõõlaa baa gõõng aattiyyu nẽ unuyyu thooꞌthiok cĩg looc nicci nẽ ĩthĩktu ꞌThĩttaan makayyioohit cĩ makaaꞌthĩt cĩ looc ꞌcĩ hõllõngaa edeeꞌnyia. Ĩĩn ꞌThĩttaanĩ lori ꞌcĩ adticani ꞌthinneetinii cĩg eet ꞌcĩg hõllõngaa athĩhĩ Nyekuc.

1 Pẽẽtũrũ 1:24

Hĩcĩ õthõõth ꞌBuuhi cĩ Nyekuci aĩ, “Aattĩg eeta vẽlẽk hĩ arteeniti, nẽ aaĩ bulẽẽnĩtĩ cĩnĩĩng hĩ nyetturi cĩ manu. Aattĩg nẽẽg hĩ arteeniti ꞌcĩ ammuduuhith nẽ bulẽẽnĩtĩ cĩnĩĩng, arurri hĩ nyetturi.

1 Yõaannẽ 5:19

Haga naag jurrung haĩ, hau naag hĩ Nyekuc nẽ aggam ꞌThĩttaanĩ eet vẽlẽk ꞌcĩg abathĩ ꞌcĩg looc nicci.

Terethiinit 12:9

Nẽ ꞌbuuhi ciee obbi aꞌthĩlan gẽrrẽẽt ko, ĩĩn hũkaat baa ꞌrẽẽnĩ baa haĩ habu cĩ loriẽẽt ꞌcĩg abathĩ, hode ꞌThĩttaan, gõõng ĩggõõl looc hũtũrũũr, itiggiayyiaak looc aajĩlẽẽtĩĩ cĩgĩnnĩg vẽlẽk.

Terethiinit 13:2

Nẽ nyaharahaahĩ ꞌcĩ hacini naa ho, aꞌnyak ẽlẽ hĩ hẽẽlangĩ nẽ aattĩg ꞌthoona hĩcĩg nyemumuuak nẽ aꞌnyak ũtũg hĩ ꞌmaa. Ma ho, aaꞌnyĩk ꞌbuuhi dtaaba hĩ ꞌtirrian hĩ makaaꞌthĩt cĩnnĩ vẽlẽk, nyaharahaak nicci.

Terethiinit 13:7

Ma ho, ikia ẽlẽmaahĩ Nyekuci nyaharahaak nicci hurukto hĩ eet cĩgĩnnĩg, hátĩ hĩllõõan nẽẽ ĩhõõggõ. Nẽ baa aaꞌnyĩk Nyekuci nyaharahaak nicci buúk, makaaꞌthĩt ꞌcĩ aggamĩ looc eetini noho hĩ habuccieeꞌnya hĩ hattũũgẽt vẽlẽk.