ꞌLuuka 4:35 - ꞌBuuk cĩ Thõõth cĩ Nyekuci

³⁵ Ma nĩngaata, eggerenyeek Yeesu lori nicci ĩĩnnĩk, “ꞌJaahõ kim!” Nĩngĩtĩ ĩttanyĩ lorii ꞌcĩ abathĩ ho eet nicci looc hẽbẽrẽẽnnĩĩ cĩg eet vẽlẽk noho ꞌlir, nĩngĩtĩ aꞌnginõõꞌthĩ haau ẽẽtĩ lõꞌngõõc.

ꞌLuuka 4:35 ပူးပေါင်းရင်းမြစ်များ

Maatteeo 17:18

Nĩngĩtĩ ẽggẽrꞌnyẽẽkĩ Yeesu lori ꞌcĩ abathĩ nẽ uduhuna buuletta nĩĩcĩ battaala, nĩngĩtĩ abũnnayyĩ nẽẽ ꞌthaa tĩho noho.

Maatteeo 8:26

Ẽdẽcĩ Yeesu ĩhõõggõ anneek, “Niig eeta ꞌcĩg aꞌnyaku lemiinit ꞌcĩ hidici haaga ho, itieelinnu inni?” Ma ho, ĩtĩnga Yeesu nẽ eggerenyeek ngõõt hĩ maam hĩbĩlĩt. Nĩngĩtĩ au abĩllĩ dĩdĩ hĩĩ lõõcĩ ꞌthĩĩ.

Maarko 1:26

Ma ho, ikia õtõmõõĩ lorii ꞌcĩ abathĩ ho eet nicci gẽrrẽẽt nẽ ẽggẽrẽny moloohaa cobbi, nĩngĩtĩ aduknaanĩ ẽllaa cĩ eet nicci.

Maarko 4:39

Nĩngĩtĩ ĩꞌngaannĩ Yeesu ꞌjieena nẽ eggerenyeek ngõõt nẽ ĩĩnnĩk maam, “Ĩjjaaktõ! Ĩbĩlĩt!” Nĩngĩtĩ adaaknĩ ngõõtĩ hemmeethĩk ũdũt.

Maarko 9:26

Ma ho, urruuo lorii ꞌcĩ abathĩ ho nẽ õtõmõõĩ loholeec gẽrrẽẽt, nĩngĩtĩ aduknaanĩ ũũnnĩkĩ ĩnõõnnõ. Ma nĩngaata, ikia aau loholeec hĩ daakiahiti nẽ baa ĩĩtõ eeta vẽlẽk nĩngaata, “Adaaha!”

ꞌLuuka 11:22

Nẽẽthĩ, má ikia ẽẽtĩ umwaa ꞌcĩ attiran hĩllõõan ĩnõõnnõ, õkõõĩ hatĩ hilib cĩ eet ꞌcĩ attiran ko nẽ eꞌngerit ijjio cĩg baattĩ olu hĩ ꞌgõõnõgĩ.

ꞌLuuka 4:23

Baa nẽ uduhaak Yeesu ĩhõõggõ ĩĩnnĩk, “Haga naa õthõõꞌthaangu hatĩ ainnu, ‘Akĩĩm, aꞌnyĩĩk ẽlẽ cunni hũbũna! Dĩman da thooꞌthiok baag hathĩkna aĩ adĩmani nii Kapernauma, ꞌtaaũnaa cunni ngaati buúk.’

ꞌLuuka 4:39

Ma ho, ũũk iggiingi Yeesu ngaatĩ oongiyyi morwahit nicciee ho nẽ eggerenyeek abuurꞌthet tĩho hũtũngeek ĩnõõnnõ. Nĩngĩtĩ abũnnayyĩ morwahit nĩĩcĩ noho herehoothĩk ĩhõõggõ.

ꞌLuuka 4:41

Baa mẽẽlĩg eeta ꞌcĩg aꞌnyak loriẽẽt ꞌcĩg abathĩ, nĩngĩtĩ aduhaakĩ Yeesu ĩhõõggõ huduhutta eleetinii cĩg eetuk battaala nẽ urruuyyiõthĩ ĩĩtõ, “Ĩĩnĩ nii Ngeertĩ Nyekuci!” Nẽẽthĩ, hĩnĩngĩtĩ baa aga nẽẽg ngaatĩ ĩĩnnĩ Yeesu Krĩstõ, ikia eggerenyeek nẽẽ ĩhõõggõ hiittiõõ hõllõngaa õthõõthĩ.

ꞌLuuka 8:24

Nĩngĩtĩ õõ attiranĩ nẽẽg Yeesu annẽẽkĩ, “Makayyioohit, Makayyioohit, hõbõktĩ hutududdi!” Ma ho, ĩtĩnga Yeesu nẽ eggerꞌnyeek ngõõt hĩ maam hĩbĩlĩt hĩĩ lõõcĩ ꞌthĩĩ.

ꞌLuuka 9:39

Loholeec ꞌcĩ accananeeka lorii ꞌcĩ abathĩ, ara ẽttẽẽdĩ looc hẽvẽvvẽr ĩꞌthõng huduu ũtũgĩ. Hõllõngaa alahaneek buúk nẽ iꞌnyiathanaaha loholeec gẽrrẽẽt.

ꞌLuuka 9:42

Tananga baa nga õkõ buuleniti ĩĩcĩ aayyi Yeesu, ara ẽttẽẽdĩ lorii ꞌcĩ abathĩ ho ĩnõõnnõ looc noho ꞌlir hẽvẽvvẽr. Ma ho, eggerꞌnyeek Yeesu lori ꞌcĩ abathĩ ho, hũbũna buuleniti nĩĩcĩ noho. Ma nĩngaata, õbõdẽẽhĩ Yeesu loholeec maaꞌnyĩ.

Terethiinit 12:12

Aꞌnyĩĩk hẽẽtkujjieen hatal nẽ atalit niig vẽlẽk eeta ꞌcĩg aattiyyu nĩngaata! Pĩĩrnanĩt hĩ hẽlẽggĩ ꞌcĩg aattĩg loota nĩnga hĩ bũlũccwaanĩtõõ, hĩnĩngĩtĩ udhukia habuui cĩ loriẽẽt ꞌcĩg abathĩ ikia loota nĩnga ngaꞌngaritta, hĩnĩngĩtĩ aga nẽẽ aĩ, haꞌnyaha ꞌthaa ꞌcĩ abadtẽc haaga.”