ꞌLuuka 4:32 - ꞌBuuk cĩ Thõõth cĩ Nyekuci

³² Baa abulan ꞌlimmanĩ cĩnnĩ ho eet gẽrrẽẽt, hĩnĩngĩtĩ baa aꞌnyak nyeemuut cĩnnĩ ho ꞌtirriani.

ꞌLuuka 4:32 ပူးပေါင်းရင်းမြစ်များ

Maarko 1:22

Baa ĩnaat eeta ꞌlimman cĩnnĩ ho gẽrrẽẽt, hĩnĩngĩtĩ baa alliman nẽẽ eet makaaꞌthĩtaa ꞌcĩ hõllõngaa aduhõõ hĩ ꞌlimmanniook cĩg nyattal cĩ Mũũꞌtha.

ꞌLuuka 2:47

Nẽ baa abulan ꞌgẽẽnyĩthĩ cĩnnĩ hĩ ꞌgõõl ꞌcĩ attacanĩ nẽẽ thooꞌthiok cĩg eet vẽlẽk ꞌcĩg athĩhĩ ĩnõõnnõ ho gẽrrẽẽt.

ꞌLuuka 4:33

Ammũdeek baa aaĩ ẽẽtĩ umwaa ꞌcĩ aꞌnyak lori ꞌcĩ abathĩ tõõ ꞌCieethaa cĩ Laiitto ho, nĩngĩtĩ õkõlẽẽkĩ lorii ꞌcĩ abathĩ ho luulu aĩnnĩ,

ꞌLuuka 4:36

Baa anyamũũtana thõõth ciee eet vẽlẽk, nĩngĩtĩ ajinõõnĩ nyaagwaana aĩnnĩ, “ꞌLimman occa gõõng ꞌcĩ aaĩ hutuno ciee, ꞌcĩ aduhaakĩ ẽẽtĩ ciee loriẽẽt ꞌtirriaana hĩ makaaꞌthĩta, nẽ uduhutta loriẽẽta eetini battaala ho?”

Yõaannẽ 6:63

Lori ꞌcĩ aaꞌnyĩk eet rũgẽt, ĩĩn ẽlẽ iding haaga. Nẽ thooꞌthioha ꞌcĩg haduhaakuung naa ho, ĩĩn lori nẽ ĩĩn rũgẽt.

Yõaannẽ 7:46

Baa ẽdẽcĩ athegereeꞌnya aĩ, “Aitiõõ ẽẽtĩ umwaa ꞌcĩ õthõõth hĩ Yeesu tõõ.”

2 Korinthia 4:2

Nẽẽthĩ hinnianĩ, haharreeka naag thooꞌthiok ꞌcĩg adĩman eeta burkiitina ꞌcĩg ĩĩn ngaaoni. Nẽ hõllõngaa hĩggõõlla eet umwa, hode hõllõngaa hũũhũyya thõõth cĩ Nyekuci. Ĩĩn Nyekuci hebereec cĩnaang ꞌcĩ aga ngaatĩ hõthõõꞌtha naag thõõth ꞌcĩ ĩĩn dĩdĩ. Haduhaanna naag thõõth ꞌcĩ ĩĩn dĩdĩ muumaa cĩ Nyekuci nẽ aga eeta vẽlẽk ꞌcĩg aduha thõõth ꞌcĩ ĩĩn dĩdĩ, thõõth icci.

1 Tẽꞌthaloonika 1:5

hĩnĩngĩtĩ baa hõllõngaa haꞌnyahaakuung naag ngagiit nyeemuut ꞌcĩ abũnnaa ho utugeetini haaga, baa haꞌnyahaakuung ꞌtirriaanaa ꞌcĩ aku hĩ Lori ꞌcĩ Ẽllẽẽmĩthĩ, hĩ muhẽẽnĩt ꞌcĩ õkõmĩ. Agayyu niig ꞌgõõl baa haattiyyia naag hõrggẽẽnaa cunuung, hĩnĩngĩtĩ ngagiita.

Tiito 2:15

Nẽẽthĩ, hẽlẽggĩ ꞌcĩg occa allimani nii cieegi, tilo ĩhõõggõ thooꞌthiohĩĩ ꞌcĩg abathĩ makaaꞌthĩta vẽlẽk nẽ eteretheehu ĩhõõggõ thooꞌthiok ꞌcĩg abũnnaa. Nẽẽthĩ, ma haaꞌnyihi eet umwa hatamaaciina.