ꞌLuuka 4:23 - ꞌBuuk cĩ Thõõth cĩ Nyekuci

²³ Baa nẽ uduhaak Yeesu ĩhõõggõ ĩĩnnĩk, “Haga naa õthõõꞌthaangu hatĩ ainnu, ‘Akĩĩm, aꞌnyĩĩk ẽlẽ cunni hũbũna! Dĩman da thooꞌthiok baag hathĩkna aĩ adĩmani nii Kapernauma, ꞌtaaũnaa cunni ngaati buúk.’

ꞌLuuka 4:23 ပူးပေါင်းရင်းမြစ်များ

Maatteeo 13:54

ĩĩcĩ ꞌtaaũn cĩnnĩ. Nĩngĩtĩ õkõ allimanĩ eet ꞌCieethaa cĩnĩĩng ĩcĩ Laiitto nẽ iita ubulattĩ nẽẽg gẽrrẽẽt hijitto ẽmmẽn hĩĩtõ, “Ammũda nẽẽ ꞌgẽẽnyĩth hĩ ꞌtirrian ꞌcĩ adĩmanĩ thooꞌthiok ꞌcĩg ĩnaat eeta ho ngaana?

Maatteeo 4:13

Ma baa ũtũngeek nẽẽ Naaꞌtharẽt, ũũk aau Kapernauma ngaatĩ abakꞌthõõ hĩ bũlũc looccaa cĩ ꞌThebuluni hĩ Navtali.

Maatteeo 4:23

Baa õvvõõĩ Yeesu looc cĩ ꞌGalileea vẽlẽk alliman eet ꞌCieethinii cĩg Laiittak nẽ irrioon nyeemuut ꞌcĩ abũnnaa cĩ habuccieet cĩ Nyekuci nẽ tarĩ aaꞌnyĩk eet ꞌcĩg õmmõõrĩ mooriꞌthiook cũũmõ cũũmõ hũbũttaathõ.

Maarko 6:1

Ma baa ũtũngteek Yeesu hĩ nuyyiook cĩgĩnnĩg nĩngĩtĩ niccia, iita oboddiõõthĩ nẽẽg ꞌtaaũnaa cĩ õlõ cĩnĩĩng Naaꞌtharẽta.

ꞌLuuka 2:39

Ma baa edecciaak Yothebo hĩ Maria authet ꞌcĩ adiim nyattalĩ cĩ Makayyiookto hĩdĩmanĩ ho, iita oboddioothĩ ꞌtaaũnaa cĩnĩĩng Naaꞌtharẽta looccaa cĩ ꞌGalileea.

ꞌLuuka 2:51

Nĩngĩtĩ õbõdõõꞌthĩ nẽẽ hĩ ĩhõõggõ Naaꞌtharẽta nẽ ũũk aala ĩthĩk thõõth cĩnĩĩng. Baa aꞌthũũnnĩ ngaannia thooꞌthiok ꞌcĩg aduha nẽẽ ho vẽlẽk ꞌthĩnĩtaa cĩnnĩ nẽ hõllõngaa ataarrothi ũdũt.

ꞌLuuka 4:16

Ma baa õdõlan Yeesu Naaꞌtharẽt ꞌtaaũnaa ĩbaa alĩꞌthaanĩ nẽẽ ho, ũũk illiman eet ꞌCieethaa cĩ Laiitto hĩgõõng hõdõõkõthĩ Kõrraa cĩ ꞌYiommaanõ. Ma ho, ikia ĩtĩnga nẽẽ ũũk itigiil ꞌBuuk cĩ Nyekuci.

ꞌLuuka 4:31

Nĩngĩtĩ allũũcẽnĩ Yeesu õkõõĩ Kapernauma, ꞌtaaũn ꞌcĩ aaĩ looccaa cĩ ꞌGalileea, nẽ ũũk illiman eet Kõrraa cĩ ꞌYiommaanõ.

ꞌLuuka 4:35

Ma nĩngaata, eggerenyeek Yeesu lori nicci ĩĩnnĩk, “ꞌJaahõ kim!” Nĩngĩtĩ ĩttanyĩ lorii ꞌcĩ abathĩ ho eet nicci looc hẽbẽrẽẽnnĩĩ cĩg eet vẽlẽk noho ꞌlir, nĩngĩtĩ aꞌnginõõꞌthĩ haau ẽẽtĩ lõꞌngõõc.

ꞌLuuka 6:42

Occa gõõng anneehi nii ꞌgotonu, ‘ꞌGõtõna, ĩꞌnya hittihaii tahahaac hebereecaa cunni,’ nẽ nẽẽ aitiõõ hõllõngaa acini iggooli hebereeca cunni ẽmmẽn? Nii oloꞌngiaahiti, ꞌtiha nõõ iggooli hebereecaa cunni nẽ thĩ hatĩ icinu ꞌgõõl ꞌcĩ attihaanĩ tahahaac hebereecaa cĩ ꞌgotonoonu.

Yõaannẽ 4:28

Ma tarĩ ho, ĩtĩnga ngaa nicciee, ũtũngeek deeri cĩ maamu wĩĩtaneeca nĩĩcĩ nẽ õbõdõõthĩ ĩĩcĩ olu, ũũk uduhaak eet vẽlẽk ĩĩnnĩk,

2 Korinthia 5:16

Nẽẽthĩ, iꞌthianaanĩ kõr nicci, hadiim naag hiittiõõ hõllõngaa hetteedĩk eet thooꞌthiok hĩ eeta cĩg looc nicci. Tananga baa hetteeddik naag Krĩstõ thõõth ꞌgõõlaa cĩ, iittiõõ hõllõngaa occa hadĩman noho tarĩ.