ꞌLuuka 3:9 - ꞌBuuk cĩ Thõõth cĩ Nyekuci

⁹ Nẽẽthĩ ꞌyioko, ũkũmanoothĩk mẽlẽẽhĩ cĩ ukẽẽnĩt cĩ Nyekuci, hẽtẽngẽd cõrrẽẽn cĩg heenu ẽlẽk. Hẽẽt ꞌcĩ hatĩ hõllõngaa õddõngta ꞌgẽẽn ꞌcĩ abũnnaa, eꞌngeddoothĩk hatĩ looc nẽ udhuhoothĩk ꞌgwoyyiatõõ.”

ꞌLuuka 3:9 ပူးပေါင်းရင်းမြစ်များ

Maatteeo 3:10

Nẽẽthĩ ꞌyioko, ataadoothĩk mẽlẽẽhĩ correettaa cĩ heenu ẽlẽk. Eꞌngeddoothĩk hatĩ hẽẽt ꞌcĩ hõllõngaa õddõngta ꞌgẽẽn ꞌcĩ abũnnaa tuu nẽ udhuhoothĩk ꞌgwoyyiatõõ.

Maatteeo 7:19

Hẽẽt ꞌcĩ hõllõngaa õddõngta hẽẽn ꞌcĩg abbiiri ꞌcĩg abũnnaa, eꞌngeddoothĩk hatĩ looc nẽ udhuhoothĩk ꞌgwoyyiatõõ.

ꞌLuuka 13:6

Ma ho, uduhaak Yeesu ĩhõõggõ ĩĩnnĩk, “Baa aaĩ ẽẽtĩ umwaa ꞌcĩ aꞌnyak ꞌmũũnĩc manatõõ cĩnnĩ ĩcĩ viinoo. Ma kõr umwa, ũũk ĩcĩn aĩ horoong oho ibbiira. Ammũdoothĩk hinnia nga hõddõngõt buúk.

ꞌLuuka 13:7

Nĩngĩtĩ aduhaakĩ bekioohit cĩ manu annẽẽkĩ, ‘Ẽlẽ, tengedeek ꞌmũũnĩc icci tuu. Ĩĩtõ irkiꞌnyia iyyio ꞌcĩg hara hakuuni naa ngaati, haĩ hikia hĩcĩn ꞌmũũnĩc icci hatĩ õddõngõta, hara hinnia hammũdeehi hiꞌthihi ꞌmũũnĩ. Inni ꞌyioko ꞌthẽk hũtũngteek huranganĩ ꞌthẽẽm haaga ho?’

ꞌLuuka 13:9

Má õddõngõt irkit cĩ ꞌgõõla, abũnnaa thĩ hatĩnĩ. Má aitiõõ tõõ nẽ thĩ hatĩ etengedeehu tuu.’ ”

Yõaannẽ 15:6

Má hõllõngaa aaĩ ẽẽtĩ umwaa hĩ nganĩĩta, aaĩ nẽẽ hĩ tabaac ꞌcĩ adhuhoothĩk tuu nẽ õdõhõha. Aluttiaa tabana ꞌcĩg aattĩg noho nẽ udhuktoothĩk ꞌgwoyyiatõõ hutuuꞌthi.

Ebereei 10:28

Nẽ ẽẽtĩ ꞌcĩ baa abũrĩ nyattal baa Mũũꞌtha, aruhi hiꞌthihi tamaati hẽbẽrẽẽnnĩĩ cĩg eet ꞌcĩg ĩĩn ꞌramma hode iyyio.

Ebereei 12:29

Hĩnĩngĩtĩ, “Ĩĩn Nyekuci ꞌgwoo ꞌcĩ adũhan looc hĩĩ ꞌthĩĩ.”