ꞌLuuka 3:8 - ꞌBuuk cĩ Thõõth cĩ Nyekuci

⁸ Ĩdĩmanit thooꞌthiok ꞌcĩg occa ẽtẽrꞌtha aĩ, ũtũngteehu niig ꞌthẽccanẽẽt cugguung dĩdĩ. Nẽẽthĩ, ma nga hammuku hainnu, ‘Haꞌnyaka baaĩ nẽẽ naag baangeet cĩnaang Abũrahaamõ.’ Nẽ haduhaakuung naa hanneekuung, ũũlũ Nyekuci ngaatĩ occa ũũkcĩ biyyiẽẽn iccig hĩĩtõ lõhõlĩ cĩg Abũrahamĩ.

ꞌLuuka 3:8 ပူးပေါင်းရင်းမြစ်များ

Maatteeo 21:43

“Nẽẽthĩ hoti ho, haduhaakuung naa ngagiit hanneekuung, aggammiaa hatĩ habuccieet cĩ Nyekuci hĩ ngagiit nẽ aaꞌnyĩhoothĩk eet ꞌcĩg hatĩ adtican thooꞌthiok ꞌcĩg accamana Nyekuci.

Maatteeo 3:8

Idticanit thooꞌthiok ꞌcĩg ẽtẽrꞌtha aĩ, ũtũngteehu niig ꞌthẽccanẽẽt cugguung dĩdĩ.

Maatteeo 3:9

Ma hammuku hainnu, ‘Haꞌnyaka nẽẽ naag baangeet cĩnaang Abũrahaamõ.’ Haduhaakuunga! Aga Nyekuci ngaatĩ ũũkcĩ biyyiẽẽn iccig hĩĩtõ lõhõlĩ cĩg Abũrahamĩ.

ꞌLuuka 13:25

Ma ꞌthẽk ĩtĩnga baattĩ ꞌcieethu nẽ ũꞌnyũũg hattũũg, abillu hatĩ ꞌrõta battaala, ara aruku hattũũg nẽ ĩĩlallu iittu, ‘Makayyioohit, ꞌbuuhiheet baaĩ nuun hattũũg.’ “Ẽdẽcĩ hatĩ Makayyioohiti aĩ, ‘Aitiõõ naa hõllõngaa hagayyuunga.’

ꞌLuuka 13:26

“Edeccu hatĩ anneeku, ‘Ma tarĩ ngagĩĩt baag gõõng haduhi hõdẽĩ, hĩ nganiit nẽ illimaneet ꞌgoolliohĩĩ cĩg ꞌtaaũnniook cĩggaang ko?’

ꞌLuuka 14:9

Má ikia ẽẽtĩ tĩho, aku hatĩ baattĩ olu nẽ iinnihii, ‘Ẽlẽ, aꞌnyĩĩka dako nõõ dtaaba cunni hataa eet icci.’ Ma nĩngaata, aggammi hatĩ ngaaoni ngaatĩ õkõ aayyi dtaabawaa ꞌcĩ hidici.

ꞌLuuka 19:40

Ẽdẽcĩ Yeesu anneek, “Haduhaakuunga, má ĩjjaaktõ nẽẽgĩ, occa hinnia hatĩ ebenni biyyiẽẽna.”

ꞌLuuka 19:9

Nĩngĩtĩ õthõõthĩ Yeesu aĩnnĩ, “Ikia elliaanĩtĩ kõr icci ꞌcieethaa cĩ, hĩnĩngĩtĩ ĩĩn ẽẽtĩ ciee buúk ngeertĩ Abũrahamĩ.

ꞌLuuka 5:21

Ammuk hinnia Variꞌtheei hĩ ꞌlimmanniook cĩg nyattaalak ꞌthinneetinii cĩggĩĩng aĩ, “Eet ꞌcĩ nganĩ ciee õdõõm Nyekuc ko? Nganĩ umwaa ꞌcĩ occa ammaannĩk ꞌthẽccanẽẽt? Nyekuc dioo ꞌcĩ occa ammaannĩhĩ.”

Yõaannẽ 8:33

Ẽdẽcĩ eeta Yeesu anneek, “Hĩĩgĩnna naag lõhõlĩ cĩg Abũrahamĩ nẽ nga hĩĩtta appahacaaꞌnya cĩg eet umwa ũdũt. Inni ĩĩnnĩheet hooggianna hatĩ haautta lõꞌngõõc ko?”

Yõaannẽ 8:39

Ẽdẽcĩ eeta cĩg ꞌJudeei Yeesu anneek, “Ĩĩn Abũrahamĩ nyakangaan cĩnaang!” Ẽdẽcĩ Yeesu ĩhõõggõ anneek, “Má ĩĩtõ lõhõlĩ cĩg Abũrahamĩ, occa ꞌyioko adĩmannu thooꞌthiok baag adĩman Abũrahamĩ.

Dtiicanĩ cĩg ꞌThooyyiahu 26:20

Baa nõõ hirrioonihi eet cĩg Damaathĩko nẽ baa hũũha ꞌJeruꞌthalẽma hĩ looccaa cĩ ꞌJudeea vẽlẽk. Nẽ dtuurnatta, hũũha thĩ hĩ eet ꞌcĩg hõllõngaa ĩĩn ꞌJudeei nẽ huduhaaha hũtũngteek ꞌthẽccan helemit Nyekuc nẽ etereꞌthia lemiinit hẽlẽggẽẽnnĩĩ ꞌcĩg adĩman nẽẽgĩ.

ꞌRooma 4:16

Nẽẽthĩ hoti ho, aku thõõth ꞌcĩ aduha Nyekuci, hĩnĩngĩtĩ lemiinit nẽ thõõth ꞌcĩ aduha nẽẽ ho, agayyi, hĩnĩngĩtĩ tarbalꞌthẽẽt cĩnnĩ cobbi. Hõllõngaa ĩĩn thõõth ꞌcĩ aduha Nyekuci ho, cĩ lõhõlĩ cĩg Abũrahamĩ dioo ꞌcĩg aꞌnyak nyattal. Ĩĩn cĩ lõhõlĩ cĩg lõhõlĩ cĩg Abũrahamĩ vẽlẽk, hĩnĩngĩtĩ aꞌnyak nẽẽg lemiinit hĩ baa nẽẽnĩ. Ĩĩn Abũrahamĩ baangeet cĩnaac vẽlẽk.

ꞌRooma 9:7

Tananga ĩĩn eeta lõhõlĩ cĩg Abũrahamĩ, hõllõngaa aaꞌnyĩk thõõth ciee ĩhõõggõ vẽlẽk hĩĩtõ lõhõlĩ cĩg Abũrahamĩ dĩdĩ. Hĩnĩngĩtĩ eheeddi ꞌBuuhaa cĩ Nyekuci aĩ, “Iꞌthaako hatĩ ꞌcĩ aku ĩĩn maaꞌnyĩ lõhõlĩ baag aduha Nyekuci.”

Pilippi 1:11

Aaꞌnyuung hatĩ Yeesu Krĩstõ aallattia idticanit dtiicanĩ ꞌcĩg abũnnaa, ꞌcĩg aꞌnyahaak Nyekuc bulẽẽnĩt hĩ dĩhĩthẽẽnĩt.