ꞌLuuka 3:7 - ꞌBuuk cĩ Thõõth cĩ Nyekuci

⁷ Baa mẽẽlĩg eeta ꞌcĩg adiim au aggam baattithimo hĩ Yõaannẽ. Nĩngĩtĩ annẽẽkĩ nẽẽ ĩhõõggõ, “Niig lohollia cieeg hũkaaꞌnyanu ho, nganĩ ꞌcĩ aduhaakuung aĩ, iita baattithimooa, hátĩ iliittia ukẽẽnĩt ꞌcĩ hatĩ nga aku ho?

ꞌLuuka 3:7 ပူးပေါင်းရင်းမြစ်များ

ꞌThianaattõ 3:15

Haaꞌnyuung hatĩ naa ĩĩtõ mĩrõk hĩ ngaa ĩꞌthõng ittirriaak lõhõlĩ cugguung. Õhõdaanni hatĩ ngeerĩnĩ nganiit õõ nẽ etengeduu nii ĩnõõnnõ tiitinyooc cĩnnĩ.”

Maatteeo 12:34

Niig cĩg abaꞌthu dtẽc aaut hĩ hũkaaꞌnya ho, occa gõõng aduhaannu niig thõõth ꞌcĩ abũnnaa hutuno? Hĩnĩngĩtĩ ꞌgii ꞌcĩ aduhaannu niiga, ẽtẽrꞌtha ꞌgii ꞌcĩ aaĩ ꞌthinneetinii cugguung.

Maatteeo 23:33

“Niig lohollia cĩg hũkaaꞌnyanu ho! Alĩĩtannu hatĩ niig ukẽẽnĩt cĩ ꞌgwoo ꞌcĩ aalla ũdũt hutuno?

Maatteeo 3:6

nẽ uduktaak ĩnõõnnõ ꞌthẽccanẽẽt cĩggĩĩng, nĩngĩtĩ aggamẽẽkĩ nẽẽ ĩhõõggõ baattithimo hidiowwaa cĩ ꞌJõrdanĩ.

Yõaannẽ 8:44

Ĩĩgĩnnu niig lõhõlĩ ꞌcĩg habu cĩ loriẽẽt ꞌcĩg abathĩ nẽ adĩmannu thooꞌthiok ꞌcĩg adiim lorii ꞌcĩ abathĩ ho. Baa ĩĩn nẽẽ eet ꞌcĩ aruk eet baarkit nẽ hõllõngaa aduha thõõth ꞌcĩ ĩĩn dĩdĩ, hĩnĩngĩtĩ nga huduha nẽẽ thõõth ꞌcĩ ĩĩn dĩdĩ. Ma õõlõng lorii ꞌcĩ abathĩ, gõõng nyattal cĩnnĩ niccia, hĩnĩngĩtĩ ĩĩn nẽẽ oloꞌngiaahit ꞌcĩ ĩĩn baattĩ olongo.

Dtiicanĩ cĩg ꞌThooyyiahu 13:10

“Ĩĩnĩ nii ngeertĩ habu cĩ loriẽẽt ꞌcĩg abathĩ nẽ iinu mirohit cĩ thõõth vẽlẽk ꞌcĩ aũlanĩ! Nẽ maka nganiit ꞌgooliniti ꞌcĩ õgõllẽẽkĩ eeta. Hõllõngaa ꞌthẽk occa abili ngaatĩ alaamĩ thooꞌthiok ꞌcĩg aũlan dĩdĩ cĩg Makayyiooktak?

1 Tẽꞌthaloonika 1:10

Nẽ athithan tarĩ eeta ꞌgõõl ꞌcĩ ereeyyu niig Ngeertĩ Nyekuci, ꞌcĩ hatĩ aku hẽẽtahujjieen, baa arũgtha Nyekuci daahĩtha, ĩnõõnnõ Yeesu ꞌcĩ hatĩ aku ẽẽlanneet ngagĩĩt lĩĩlĩẽẽttaa cĩ Nyekuci, kõr ꞌcĩ hatĩ aku ẽttẽẽdĩ nẽẽ thooꞌthiok cĩg eetuk, hatĩ kõr ꞌcĩ decciaanĩt cĩ lootu.

Ebereei 6:18

Nẽẽthĩ, aaꞌnyeet Nyekuci thõõth ꞌcĩ aduha nẽẽ hĩ lõbũtĩ cĩnnĩ. Aalla thooꞌthioha ꞌcĩg ĩĩn ꞌramma ho ꞌgõõla hõdẽẽthõng hĩnĩngĩtĩ hõllõngaa occa ĩĩn thõõth ꞌcĩ aduha Nyekuci õlõng. Nẽẽthĩ, naag baag hõõ hũũk hutugunyeet Nyekuci ho, õkõmĩ ꞌthinneeti hĩnĩngĩtĩ hẽrẽ muhẽẽnĩt ꞌcĩ abũnnaa ꞌcĩ nga aayyiaa ĩĩcĩ oou.

1 Yõaannẽ 3:8

Ẽẽtĩ ꞌcĩ aalla adĩman ꞌthẽccan, ĩĩn eet cĩ habu cĩ loriẽẽt ꞌcĩg abathĩ. Baa ẽꞌthẽcanõõ ꞌThĩttaanĩ baa ꞌthianaatta, nẽẽthĩ, baa aku Ngeertĩ Nyekuci hikia hõõga eet dtiicanẽẽnnĩ vẽlẽk ĩcĩg abathĩ ĩcĩg ꞌThĩttaanak.