ꞌLuuka 3:3 - ꞌBuuk cĩ Thõõth cĩ Nyekuci

³ Nĩngĩtĩ õvvõõĩ Yõaannẽ looc cĩ ꞌJõrdanĩ hũtũrũũr, irrioonĩkĩ eet hoboddia hĩ Nyekuc nẽ aggamit baattithimo, hátĩ hũtũngtoothĩk ꞌthẽccanẽẽta cĩggĩĩng.

ꞌLuuka 3:3 ပူးပေါင်းရင်းမြစ်များ

Maatteeo 3:11

“Haggameekuung naa baattithimo cĩ tũngẽẽnĩt cĩ ꞌthẽccaneetu maamĩ haaga, nẽẽthĩ, aku hatĩ eet umwaa ꞌcĩ ĩllõõannaa nganĩĩta, eet ꞌcĩ aitiõõ naa hõllõngaa hũũppani ngaatĩ hĩĩnnĩ appahaca cĩnnĩ nẽ hitilola caawa cĩgĩnnĩg. Aggameekuung hatĩ nẽẽ ngagiit baattithimo Loriiaa ꞌcĩ Ẽllẽẽmĩthĩ hĩ ꞌgwoyyia.

ꞌLuuka 1:16

Irrioonĩk hatĩ nẽẽ eet ꞌcĩg mẽẽlĩg looccaa cĩ Ĩꞌthĩraẽlĩ hoboddia hĩ Makayyioohit Nyekuc cĩnĩĩng.

ꞌLuuka 1:77

Nganiit hatĩ ꞌcĩ allimaneehi eet ꞌgõõl ꞌcĩ hatĩ aku ẽẽlanĩ Makayyioohiti ĩhõõggõ ꞌthẽccanẽẽtĩĩ cĩggĩĩng,

ꞌLuuka 4:1

Ma baa õbõda Yeesu ĩĩcĩ hidioo cĩ ꞌJõrdanĩ, baa aaĩ Lorii ꞌcĩ Ẽllẽẽmĩth hĩ ĩnõõnnõ, nĩngĩtĩ õkõõĩ Lorii ꞌcĩ Ẽllẽẽmĩth ko ĩnõõnnõ ĩĩcĩ horu ꞌcĩ õdõhõhĩĩ kak.

Yõaannẽ 1:28

Baa aduha Yõaannẽ thõõth icci, baa aggameek nẽẽ eet baattithimo ĩĩcĩ uruto cĩ hidioo cĩ ꞌJõrdanĩ, looccaa cĩ Bẽthani.

Yõaannẽ 3:26

Ma ho, iita õõt nuyyiooha niccieeg hĩ Yõaannẽ nẽ ijinit ĩnõõnnõ ĩĩttĩk, “ꞌLimmannioohit, aggameek ẽẽtĩ baa arũmeennu hĩ nganiit ĩĩcĩ baakĩt cĩ hidioo cĩ ꞌJõrdanĩ buúk eet baattithimo nẽ õõt eeta vẽlẽk hĩ ĩnõõnnõ.”

Dtiicanĩ cĩg ꞌThooyyiahu 13:24

Baa nga hikia Yeesu, baa irrioonĩk Yõaannẽ eet cĩg Ĩꞌthĩraẽlĩ hũtũngteek ꞌthẽccan, helemit Nyekuc nẽ aggamit baattithimo.

Dtiicanĩ cĩg ꞌThooyyiahu 19:4

Nĩngĩtĩ annẽẽkĩ Paaulo nuyyiook tĩko, “Baa ĩĩn baattithimo cĩ Yõaannẽ, baattithimo ꞌcĩ ũũnnõthõõthĩkĩ ꞌthẽccanẽẽta. Baa aduhaak Yõaannẽ eet helemit eet ꞌcĩ nga aku urutaa cĩnnĩ. Nẽ baa õthõõth nẽẽ thõõth cĩ Yeesu.”

Dtiicanĩ cĩg ꞌThooyyiahu 22:16

Nẽẽthĩ, ne ꞌyioko ꞌcĩ nga ẽrẽ nii ho? Tĩnga ꞌgaam baattithimo nẽ utuunyu ꞌthẽccanẽẽt cugunnig nẽ alau Makayyioohit.’