ꞌLuuka 3:14 - ꞌBuuk cĩ Thõõth cĩ Nyekuci

¹⁴ Nĩngĩtĩ au ajini athegereeꞌnya ũgẽẽgĩ buúk ĩnõõnnõ annẽẽkĩ, “Ma naag hĩdĩmatta hutuno?” Ẽdẽcĩ nẽẽ ĩhõõggõ anneek, “Ma harratanaannu eet ꞌrabbẽẽta, hode ma haꞌngaaꞌnyu eet umwa haaga. Aꞌnyĩĩk hũũppattuung ꞌrabbẽẽta ꞌcĩg adaku nyĩlõhẽẽnnĩ ho dioo.”

ꞌLuuka 3:14 ပူးပေါင်းရင်းမြစ်များ

Luugithõõ 20:16

Ma haddangaahi eet ꞌcĩ aaronnu.

Luugithõõ 23:1

“Ma haduhaahi eet nyeemuꞌnya ꞌcĩg ĩĩn õlõng. Ma heeli eet ꞌcĩ abathĩ ngaatĩ ĩĩnnĩ hebereec cĩ thõõth ꞌcĩ hõllõngaa ĩĩn dĩdĩ.

Maatteeo 8:5

Ma baa õdõlan Yeesu Kapernaum, ũꞌthũkũcoothĩk ꞌgaalacĩ cĩ ũũrũta ĩnõõnnõ adiim eliinit.

ꞌLuuka 19:8

Ma urutaa cĩnnĩ, ĩtĩnga ꞌThakeeo ĩĩnnĩk Yeesu, “Makayyioohit, kõr nicci, hẽꞌngẽraahi hatĩ naa hullaha ijjio cĩgannĩg hõrggẽẽna nẽ má baa hõmmõdanaa eet umwa ꞌrabbẽẽta, hadũmani hatĩ ĩnõõnnõ tabattĩ ꞌwec.”

ꞌLuuka 3:10

Nĩngĩtĩ ajini eeta ĩnõõnnõ annẽẽkĩ, “Hĩdĩmatta ꞌyioko hutuno?”

ꞌLuuka 3:13

Ẽdẽcĩ nẽẽ ĩhõõggõ anneek, “Ma hadaku eet hatĩ aluttu occoro.”

Dtiicanĩ cĩg ꞌThooyyiahu 10:7

Ma baa õbõdõõthĩ aajĩlõ ꞌcĩ õthõõthõõ hĩ Korneellio ho, ikia ũtũvvũ nẽẽ dticcianniook cĩgĩnnĩg ꞌramma hĩ athegereec cĩnnĩ ꞌcĩ gõõng alayyi gẽrrẽẽt.

Pilippi 2:15

hátĩ ĩmmĩrĩt nẽ iittu lõhõlĩ cĩg Nyekuci ꞌcĩg tẽllĩg ꞌcĩg aitiõõ ꞌthẽccanĩ tõõ. Aattiyyu niig looccaa cĩ eet ꞌcĩg ĩĩn ꞌloorriak ꞌcĩg abathĩ, nẽẽthĩ, aanytĩk thooꞌthiok ꞌcĩg abũnnaa ꞌcĩg adĩmannu niig ko, hatalanyit haauto hĩ mũnyũnya.

Pilippi 4:11

Hõllõngaa hothoothi naa thõõth icci hĩcĩ hadiimi ꞌgiimwa, hĩnĩngĩtĩ hillimmana naa ngaatĩ haaꞌnyĩkĩĩ ꞌgii ꞌcĩ haꞌnyahi hũũppanaanĩ.

Tiito 2:3

Nẽ ꞌgõõlaa nĩĩcĩ dioo, ꞌlimman morwak buúk, haauto ꞌgõõlaa ꞌcĩ accamana Nyekuci. Aꞌnyĩĩk hiittiõõ hõllõngaa addangaak eet umwa haaga nẽ ma hahuddu mẽrtĩ gẽrrẽẽt. Aꞌnyĩĩk hillimanit thõõth ꞌcĩ abũnnaa cĩ Nyekuci.

Terethiinit 12:10

Ma nĩngaata, hĩthĩha molook umwa ꞌcĩ aku hẽẽtahujjieen ꞌcĩ õthõõth aĩ, “Ikia kõr icci eliiniti hĩ makaaꞌthĩt hĩ habuccieet cĩ Nyekuc cĩnaac, hĩ makaaꞌthĩt cĩ Krĩstõ cĩnnĩ, hĩnĩngĩtĩ hoppocciaahit cĩ ꞌgotoonogeet cĩggaac, ꞌcĩ õhõppõõcan ĩhõõggõ muumaa cĩ Nyekuc cĩnaac baalin hĩ waathĩn, nĩngĩtĩ adhukiaakĩ looc noho hararac.