ꞌLuuka 3:11 - ꞌBuuk cĩ Thõõth cĩ Nyekuci

¹¹ Ẽdẽcĩ Yõaannẽ ĩhõõggõ anneek, “Ẽẽtĩ ꞌcĩ aꞌnyak ceremwa ꞌramma, aꞌnyĩĩk hẽꞌngẽraak ꞌgõõnĩ ꞌcĩ hiꞌthihi cẽrẽm nẽ ẽẽtĩ ꞌcĩ aꞌnyak ꞌgẽẽn, aꞌnyĩĩk hotholit hĩ ꞌgõõnĩ ꞌcĩ adak magĩthĩ.”

ꞌLuuka 3:11 ပူးပေါင်းရင်းမြစ်များ

Maatteeo 25:40

“Ẽdẽcĩ hatĩ habuui aĩ, ‘Haduhaakuung dĩdĩ, ꞌgii ꞌcĩ baa adticaneeku niig ꞌgotoonoga hĩ ngoonoga iccig hõllõngaa aallak eeta ho, adticaneekaangu nganĩĩta.’

ꞌLuuka 11:41

Nẽẽthĩ, aanytĩk eet ꞌcĩg appĩĩrna ꞌgii ꞌcĩ aaĩ hẽddẽẽmatõõ, hátĩ ĩĩtõ tẽllĩg.

ꞌLuuka 18:22

Ma baa athĩhĩ Yeesu thõõth icci ho, ikia uduhaak ĩnõõnnõ ĩĩnnĩk, “Nga thĩ aitioonni nganiit ꞌgii hõdẽẽthõng tõõ, bĩĩt tũũõĩ ꞌgii vẽlẽk ꞌcĩ aꞌnyahi nẽ eꞌngereehu hullaha ꞌrabbẽẽta, nẽẽthĩ, ikia ũnũaa nganĩĩta nẽ hatĩ aꞌnyahu baliinit hẽẽtahujjieen.”

ꞌLuuka 19:8

Ma urutaa cĩnnĩ, ĩtĩnga ꞌThakeeo ĩĩnnĩk Yeesu, “Makayyioohit, kõr nicci, hẽꞌngẽraahi hatĩ naa hullaha ijjio cĩgannĩg hõrggẽẽna nẽ má baa hõmmõdanaa eet umwa ꞌrabbẽẽta, hadũmani hatĩ ĩnõõnnõ tabattĩ ꞌwec.”

Yõaannẽ 13:29

Hĩcĩ baa ĩĩn ꞌJuuda bekioohit cĩ ꞌrabbeetu, ammuk hinnia ũgẽẽgĩ aĩ, aduhaak oho Yeesu ꞌJuuda, hũũk hũtũũwa ꞌgẽẽn cĩ Karramaaõ, hode haaꞌnyĩk pĩĩrnattiaak ꞌrabbẽẽt ũgĩ.

Dtiicanĩ cĩg ꞌThooyyiahu 10:2

Baa ĩĩn nẽẽ hĩ halang cĩnnĩ vẽlẽk, eet ꞌcĩg iꞌngolli Nyekuc gẽrrẽẽt. Baa ẽẽl Korneellio hullaha nẽ ala Nyekuc hõdõõkõthĩ.

Dtiicanĩ cĩg ꞌThooyyiahu 10:31

nẽ ĩĩ, ‘Korneellio, ĩthĩk Nyekuci laiinit cunni nẽ ummuhõõthĩ ꞌbaaninit gõõng aaꞌnyihi nii hullaha.

Dtiicanĩ cĩg ꞌThooyyiahu 10:4

Baa acĩn Korneellio ĩnõõnnõ tẽẽlꞌthĩta nẽ ĩĩnnĩk, “Aĩ ne Makayyioohit?” Ẽdẽcĩ aajĩlõ anneek, “Ẽlẽmĩ Nyekuci laiinit cunni hĩ ꞌbaaninit ꞌcĩ aaꞌnyihi nii hullaha ho.

Eevvetho 4:28

Ẽẽtĩ ꞌcĩ baa gõõng ĩgõrꞌthĩ, aꞌnyĩĩk hũtũngeek ĩgõr, adiim ꞌthẽk adtican ẽẽtĩ dtiic ꞌcĩ occa ẽẽl ĩnõõnnõ athĩnĩĩ cĩgĩnnĩg ẽmmẽn, hátĩ hũmmũda ꞌgii ꞌcĩ occa õthõl hĩ pĩĩrnatttiaak.

1 Timotteeo 6:17

Duhaak balliook cĩg looc nicci thõõthaa ꞌcĩ õkõmĩ anneek, ma hathĩngõõnyannu eleeti baliitta ꞌcĩ hatĩ aꞌnginoothi hĩdĩĩkoothong. Aꞌnyĩĩk haarrik muhẽẽnĩt cĩnĩĩng hĩ Nyekuc, ꞌcĩ aaꞌnyeet ngagĩĩt hẽlẽggĩ vẽlẽk ꞌcĩg haccamanõõthĩkĩ.

1 Timotteeo 6:18

Duhaak ĩhõõggõ hĩdĩmanit thooꞌthiok ꞌcĩg abũnnaa ꞌcĩg mẽẽlĩg, hĩĩtõ tõrõmĩ, hotholit baliinit cĩnĩĩng hĩ eet ꞌcĩg appĩĩrna.

Ebereei 6:10

Aitiõõ Nyekuci hõllõngaa ahaleek eet umwa tuu, ĩnõõ ꞌcĩ hõllõngaa ataarrõꞌthĩ nẽẽ dtiicanĩ cugguung hĩ mĩnnan ꞌcĩ ẽtẽrꞌthaannu niig ngaatĩ eellu eet cĩgĩnnĩg, hĩcĩ nga aalla eellu noho ho.

ꞌJeemith 1:27

Thõõth cĩ Nyekuci ꞌcĩ tẽllĩ ꞌcĩ ẽlẽmĩ Nyekuci Baangẽẽtĩ cieeni, ꞌcĩ haꞌthũũnnĩ booyyiok hĩ ngaatĩbõyyĩꞌnya pĩĩrnattaa cĩnĩĩng nẽ huꞌthuutti eleeti ngaatĩ ẽꞌthẽcanneet lõõcĩ niccieeni.

ꞌJeemith 2:14

ꞌGotoonoga hĩ ngoonoga, ne ꞌcĩ occa abũnnaa, hatĩ aĩ ẽẽtĩ haꞌnyahi lemiinit nẽ hiꞌthihi dtiicanĩ ꞌcĩg abũnnaa ꞌcĩg adtican nẽẽnĩ? Occa ꞌyioko ꞌthẽk ẽẽla ĩnõõnnõ lemiiniti cĩnnĩ ho?

1 Yõaannẽ 3:17

Má haꞌnyak naag hẽlẽggĩ vẽlẽk ꞌcĩg hadiim naaga nẽ hĩcĩnĩt eet cĩggaac ꞌcĩg appĩĩrna, adiim occa hammaannĩk naag eet tĩko, má aitiõõ, occa hõllõngaa haĩ naag aaĩ mĩnnanĩ cĩ Nyekuci hĩ ngagĩĩta.

1 Yõaannẽ 4:20

Má aĩ eet umwaa hammĩnani Nyekuc nẽ hõllõngaa ammĩnan ꞌgõtõnĩ hode ngõõnĩ, ĩĩn ẽẽtĩ tĩho oloꞌngiaahit. Hĩnĩngĩtĩ ẽẽtĩ ꞌcĩ hõllõngaa ammĩnan ꞌgõtõnĩ hode ngõõnĩ ꞌcĩ acĩn nẽẽnĩ, hõllõngaa occa ammĩnan nẽẽ Nyekuc ꞌcĩ nga hĩcĩn nẽẽnĩ.