ꞌLuuka 24:6 - ꞌBuuk cĩ Thõõth cĩ Nyekuci

⁶ Iittiõõ nẽẽ hõllõngaa aaĩ ngaati. Iyyia ũrũga nẽẽnĩ. Ummuhuttooth thõõth baa aduhaakuung nẽẽ ngagiit baa nga arũmeennu ꞌGalileea aĩ,

ꞌLuuka 24:6 ပူးပေါင်းရင်းမြစ်များ

Maatteeo 12:40

Hĩnĩngĩtĩ baa aaĩ Yõõna hẽẽngatõõ cĩ ulugooc cobbi waathinniook iyyio hĩ baalinniook iyyio, hĩcĩ hatĩ aaĩ Ngeertĩ Eeto ꞌloohatõõ, waathinniook iyyio hĩ baalinniook iyyio buúk.

Maatteeo 16:21

Nganĩngĩtĩ kõr tĩho, iꞌthianaaĩ Yeesu uduhaak nuyyiook cĩgĩnnĩg thõõth ꞌcĩ hatĩ adĩmanoothĩk ĩnõõnnõ. Baa aduhaak nẽẽ ĩhõõggõ anneek, “Adiim ꞌthẽk hõkõ naa ꞌJeruꞌthalẽma ngaatĩ hatĩ hõkõ haccananiini gẽrrẽẽt, athĩnĩĩ cĩg makayyioohu, hĩ ĩĩcĩg makayyiook cĩg paadĩrꞌnyaannu, hĩ ĩĩcĩg ꞌlimmanniook cĩg nyattal cĩ Mũũꞌtha. Aaꞌnya hatĩ nẽẽg nganĩĩt haccananĩ gẽrrẽẽt ũdũt. Haruhi hatĩ naana nẽ urutaa cĩ waathinniook iyyio, harũgna hatĩ naa daahĩtha tarĩ.”

Maatteeo 27:63

nẽ ĩĩttĩk, “Makayyioohit, hammuhooꞌtha naag thõõth baa aduha oloꞌngiaahiti nicciaa, baa nga arũgĩ aĩ, ‘Urutaa cĩ waathinniook iyyio, arũgna hatĩ nẽẽ daahĩtha tarĩ.’

Maatteeo 28:6

Aitiõõ nẽẽ ngaati tõõ! Ũrũga nẽẽ daahĩtha hĩ baa aduha nẽẽnĩ. Iita da ĩcĩnĩt nĩngĩ baa aarĩhõõthĩkĩ ẽlẽ cĩnnẽẽnĩ.

Maarko 16:6

Ma nĩngaata ikia uduhaak nyahaappanĩ tĩhõ ĩhõõggõ ĩĩnnĩk, “Ma hiꞌngolinnu. Haga naa adiimmu niig Yeesu cĩ Naaꞌtharẽtĩ baa odooddothoothĩk hurucceea, iittiõõ nẽẽ ngaati tõõ, baa ũrũga nẽẽnĩ. Ĩcĩnĩt da nĩngĩ baa ammũtĩ eeta ẽlẽ cĩ Yeesu.

Maarko 8:31

Ma nĩngaata, iꞌthianaaĩ Yeesu illiman nuyyiook ĩĩnnĩk, “Ammũda hatĩ Ngeertĩ Eeto ꞌcannan cobbi gẽrrẽẽt nẽ abũrĩ hatĩ makayyiooha cĩg eetuk hĩ makayyiook cĩg paadĩrꞌnyaannu hĩ ꞌlimmanniook cĩg nyattal cĩ Mũũꞌtha ĩnõõnnõ. Aruhi hatĩ nẽẽ hadaak nẽ ũrũga tarĩ, urutaa cĩ waathinniook iyyio.”

ꞌLuuka 24:34

nẽ ĩĩttĩk ĩhõõggõ, “Ũrũga Makayyioohiti dĩdĩ, iyyia ommottio hĩ ꞌThimõõnẽ.”

ꞌLuuka 24:5

Tẽẽlꞌthĩtaa cĩnĩĩng, akatti ngaaĩ hẽbẽrĩ looc nĩngaata, nĩngĩtĩ õthõõthĩkĩ eeta niccieeg ĩhõõggõ annẽẽkĩ, “Inni idiimit eet ꞌcĩ arũgĩ daakiahĩtõõ ho?

ꞌLuuka 9:22

Ma nĩngaata, uduhaak Yeesu nuyyiook ĩĩnnĩk, “Accananni hatĩ Ngeertĩ Eeto ĩꞌthõng nẽ ũtũbũrĩt makayyiooha cĩg eetuk hĩ makayyiook cĩg paadĩrꞌnyaannu, hĩ ꞌlimmanniook cĩg nyattaalak nẽ hatĩ uruhi. Ma urutaa cĩ waathinniook iyyio, arũgna hatĩ nẽẽ daahĩtha.”

ꞌLuuka 9:44

“Ĩthĩhĩt thõõth ꞌcĩ hẽppẽẽdahuung naa ho jurrung. Õhõppõõcanoothĩk hatĩ Ngeertĩ Eeto athĩnĩĩ cĩg eetuk.”

Dtiicanĩ cĩg ꞌThooyyiahu 2:24

Nẽ baa ũrũgũtha Nyekuci ĩnõõnnõ ꞌloohatõõ, ikia iittiõõ daahĩthĩ ꞌcĩ aggam ĩnõõnnõ tarĩ tõõ.

2 Tẽꞌthaloonika 2:5

Hõllõngaa ammuhooꞌthu niig thõõth baa haduhaakuung naa baa nga harũmĩ hõdẽĩ ho?