ꞌLuuka 24:44 - ꞌBuuk cĩ Thõõth cĩ Nyekuci

⁴⁴ Ma nĩngaata, ĩĩnnĩk ĩhõõggõ, “Baa nga harũmĩ naag hĩ ngagiita, baa gõõng haduhaakuung naa hanneekuung, edeeꞌnyia hatĩ ꞌgii vẽlẽk ꞌcĩ eheeddi, hĩnĩngĩtĩ nganĩĩt nyattaalaa cĩ Mũũꞌtha hĩ ĩĩcĩ põrõvẽtaaꞌnyanu hĩ ꞌBuuhaa cĩ Tegellwaanu.”

ꞌLuuka 24:44 ပူးပေါင်းရင်းမြစ်များ

ꞌThianaattõ 14:18

Nẽ baa aꞌnyahaak ẽẽtĩ ꞌcĩ haĩ Melkithẽdẽk Abũraamõ ũbũnẽẽt hĩ mẽrtĩ cĩ viinoo. Baa ĩĩn Melkithẽdẽhĩ habu cĩ ꞌtaaũn ꞌcĩ haĩ Thaalem nẽ tarĩ ĩĩn paadĩr cĩ Nyekuc ꞌcĩ ĩllõõan vẽlẽk buúk.

ꞌThianaattõ 22:18

Nẽ hĩnĩngĩtĩ athĩknaa nii nganĩĩta, ammũda hatĩ eeta cĩg loonyinu vẽlẽk ꞌgattan lõhõlẽẽnĩĩ cugunnig.”

ꞌThianaattõ 3:15

Haaꞌnyuung hatĩ naa ĩĩtõ mĩrõk hĩ ngaa ĩꞌthõng ittirriaak lõhõlĩ cugguung. Õhõdaanni hatĩ ngeerĩnĩ nganiit õõ nẽ etengeduu nii ĩnõõnnõ tiitinyooc cĩnnĩ.”

ꞌThianaattõ 49:10

Aitiõõ hatĩ ẽẽtĩ ꞌcĩ occa aggama makaaꞌthĩt cĩ ꞌJuuda tõõ, hode nẽẽ hĩbahĩt cĩnnĩ cĩ makaaꞌthĩtõõ haaga, ĩꞌthõng hikia baattĩ hĩbahĩtõ, nẽ elemit loonyini vẽlẽk thõõth cĩnnĩ.

Maatteeo 1:22

Baa adĩmanni thooꞌthioha cieeg vẽlẽk hoti, hátĩ hidticattĩ thooꞌthioha cĩg Makayyiooktak baag aduha põrõvẽtaacĩ aĩ,

Maatteeo 16:21

Nganĩngĩtĩ kõr tĩho, iꞌthianaaĩ Yeesu uduhaak nuyyiook cĩgĩnnĩg thõõth ꞌcĩ hatĩ adĩmanoothĩk ĩnõõnnõ. Baa aduhaak nẽẽ ĩhõõggõ anneek, “Adiim ꞌthẽk hõkõ naa ꞌJeruꞌthalẽma ngaatĩ hatĩ hõkõ haccananiini gẽrrẽẽt, athĩnĩĩ cĩg makayyioohu, hĩ ĩĩcĩg makayyiook cĩg paadĩrꞌnyaannu, hĩ ĩĩcĩg ꞌlimmanniook cĩg nyattal cĩ Mũũꞌtha. Aaꞌnya hatĩ nẽẽg nganĩĩt haccananĩ gẽrrẽẽt ũdũt. Haruhi hatĩ naana nẽ urutaa cĩ waathinniook iyyio, harũgna hatĩ naa daahĩtha tarĩ.”

Maatteeo 26:54

Nẽ occa hatĩ adticanni thooꞌthioha cĩg ꞌBuuk cĩ Nyekuci hutuno, ꞌcĩ aĩ adiim ꞌthẽk adticanni hoti?”

Maatteeo 26:56

Nẽẽthĩ, baa adĩmanni thooꞌthioha cieeg vẽlẽk, hátĩ hikia thõõth baa ẽhẽẽd põrõvẽtaaꞌnya hĩĩ dĩdĩ.” Ma ho, iita ivvirit nuyyiooha vẽlẽk ũtũngteek Yeesu.

Maarko 9:31

hĩnĩngĩtĩ baa alliman nẽẽ nuyyiook cĩgĩnnĩg anneek, “Õhõppõõcanoothĩk hatĩ Ngeertĩ Eeto athĩnĩĩ cĩg eet ꞌcĩg hatĩ õõ aruk ĩnõõnnõ. Nẽ urutaa cĩ waathinniook iyyio, arũgna hatĩ nẽẽ daahĩtha.”

ꞌLuuka 21:22

Hĩnĩngĩtĩ ĩĩn ciee kõr ꞌcĩ ukẽẽnĩt ꞌcĩ hatĩ aku hĩ baa eheeddi ꞌBuuhaa cĩ Nyekuci baarkit.

ꞌLuuka 22:37

Ĩdĩmanit hoti, hĩnĩngĩtĩ eheeddi ꞌBuuhaa cĩ Nyekuci aĩ, ‘Arũmoothĩk nẽẽ hĩ ꞌthẽccanniook hõdẽĩ.’ Baa õthõõꞌtha thõõth ciee nganĩĩta nẽ aku ꞌthẽk hatĩ edeeꞌnyia hĩĩ dĩdĩ hĩdĩĩkoothong.”

ꞌLuuka 24:46

Baa aduhaak nẽẽ ĩhõõggõ anneek, “Thõõth ꞌcĩ baa eheeddi ho cieeni. Accananni hatĩ Krĩstõ nẽ ikia ũrũga daahĩtha kõr ꞌcĩ ĩĩn iyyio,

ꞌLuuka 9:22

Ma nĩngaata, uduhaak Yeesu nuyyiook ĩĩnnĩk, “Accananni hatĩ Ngeertĩ Eeto ĩꞌthõng nẽ ũtũbũrĩt makayyiooha cĩg eetuk hĩ makayyiook cĩg paadĩrꞌnyaannu, hĩ ꞌlimmanniook cĩg nyattaalak nẽ hatĩ uruhi. Ma urutaa cĩ waathinniook iyyio, arũgna hatĩ nẽẽ daahĩtha.”

ꞌLuuka 9:44

“Ĩthĩhĩt thõõth ꞌcĩ hẽppẽẽdahuung naa ho jurrung. Õhõppõõcanoothĩk hatĩ Ngeertĩ Eeto athĩnĩĩ cĩg eetuk.”

Yõaannẽ 3:14

Nẽ adiim odoꞌngi Ngeertĩ Eeto hẽẽtahujjieen, haau hĩ baa õdõng Mũũꞌtha hũkaat ꞌcĩ ĩĩn ꞌthiihit, horrwatõõ umwaanĩ ĩĩcĩ õdõhõhĩĩ kak.

Yõaannẽ 5:39

“Agiillu niig ꞌBuuk cĩ Nyekuci gẽrrẽẽt, hĩnĩngĩtĩ ammuku ainnu ammũdaannu hatĩ rũgẽt ꞌcĩ aalla ooo hĩ ĩnõõnnõ. Õthõõꞌtha ꞌBuuhi cĩ Nyekuci ho nganĩĩta,

Yõaannẽ 5:46

Má baa elemit Mũũꞌtha, occa ꞌyioko ẽlẽmmaangu nganĩĩt buúk, hĩnĩngĩtĩ baa ẽhẽẽd Mũũꞌtha thooꞌthiok cĩgannĩg.

Dtiicanĩ cĩg ꞌThooyyiahu 13:33

idticaneeheet Nyekuci ngagĩĩt lõhõlĩ cĩg hĩbaangĩ cĩggaac, thõõth ꞌcĩ arũgthaanĩ nẽẽ Yeesu. Hĩcĩ eheeddi ꞌBuuhaa cĩ Tegellwaanu dhoortaa ꞌcĩ ĩĩn ꞌramma aĩ, “ ‘Iini nii Loholeec caannĩ nẽ ꞌyioko kõr nicci, hanneekii hĩĩna naa Maaꞌnyu.’

Dtiicanĩ cĩg ꞌThooyyiahu 13:40

Uꞌthuutti eleeti jurrung thooꞌthiohĩĩ baag aduha põrõvẽtaaꞌnya, hiittiõõ hõllõngaa aggammuung ngagiita. Baa aĩ nẽẽg,

Dtiicanĩ cĩg ꞌThooyyiahu 2:27

hĩnĩngĩtĩ hõllõngaa hatĩ ũũnnĩkaa ꞌloohatõõ, hode uunnihi Dticciannioohit cunni ꞌcĩ Ẽllẽẽmĩth hõtõngõl.

Dtiicanĩ cĩg ꞌThooyyiahu 3:18

Nẽẽthĩ, ĩĩn ciee ꞌgõõl ꞌcĩ aku ẽdẽẽnyanĩ Nyekuci thooꞌthiok baag aduha põrõvẽtaaꞌnya ngaatĩ aĩnnĩ, appĩĩrna hatĩ Krĩstõ.

Dtiicanĩ cĩg ꞌThooyyiahu 7:37

“Mũũꞌtha ꞌcĩ aduhaak eet cĩg Ĩꞌthĩraẽlĩ anneek, ‘Ĩꞌthõõakuung hatĩ Nyekuci ngagiit põrõvẽtaac ꞌcĩ haduhoonna hĩ nganĩĩt eetinii cugguung.’

Ebereei 10:1

Aaĩ nyattalĩ cĩ Mũũꞌtha hĩ lorii cĩ hẽlẽggĩ ꞌcĩg abũnnaa ꞌcĩg hatĩ nga au horumwa. Nẽ nyattalĩ ꞌcĩ aaĩ hĩ lorii ho, hõllõngaa ĩĩn hẽlẽggĩ ꞌcĩg abũnnaa eleetinii cĩggĩĩng ẽmmẽn, hĩnĩngĩtĩ hõllõngaa ũũny eet ꞌthẽccanẽẽtĩĩ cĩggĩĩng, hĩnĩngĩtĩ ꞌgarriẽẽn ꞌcĩg ibboorri hiriiri irkiꞌnyia hĩ irkiꞌnyia.

Ebereei 3:5

Baa ẽlẽmĩ Mũũꞌtha ngaatĩ adticanõõthĩkĩ eet ꞌCieethaa cĩ Nyekuci nẽ uduha cũrũmũũm thooꞌthiok ꞌcĩg hatĩ au edeeꞌnyia horumwa.

Ebereei 7:1

Baa ĩĩn Melkithẽdẽhĩ habu cobbi cĩ ꞌtaaũn cĩ Thaalemĩ nẽ ĩĩ paadĩr cĩ Nyekuc ꞌcĩ ĩllõõan vẽlẽk. Melkithẽdẽk baa õõ õmmõtõõ hĩ Abũrahaamõ, nĩngĩtĩ aggatanĩ nẽẽ Abũrahaamõ baa õbõda joraa baa õõ aruhõõnĩ hĩ habuẽẽt ꞌcĩg mẽẽlĩg nẽ ĩllõõan ĩhõõggõ.

Ebereei 9:8

Nẽ ꞌgõõlaa cĩ, ẽtẽrꞌtha Lorii ꞌcĩ Ẽllẽẽmĩth aĩ, aitiõõ ẽẽtĩ ꞌcĩ occa aduhun Nĩngĩtĩ Aꞌngirannii ꞌcĩ Ẽllẽẽmĩth Gẽrrẽẽt ko, nga abĩlĩ ꞌCieeth cĩ Nyekuci tõõ.

1 Pẽẽtũrũ 1:11

Baa aaĩ Lorii cĩ Krĩstõ eleetinii cĩggĩĩng, ꞌcĩ baa aduhaak ĩhõõggõ ꞌgõõl ꞌcĩ hatĩ accananiini Krĩstõ nẽ aaꞌnyĩhoothĩk bulẽẽnĩtĩ cobbiẽẽnĩ. Nẽ baa adiim nẽẽg aga eet occa hatĩ iina ꞌcĩ aku ĩĩn Krĩstõ ho nẽ aku occa hatĩ nẽẽ hatĩngaan.

Terethiinit 19:10

Ma baa hakanneehi aajĩlõ huruꞌnyia nẽ halawa ĩnõõnnõ ho, anneeka hinnia, “Ma halayya nganĩĩta! Hĩĩnĩ naa eet umwa ꞌcĩ hĩĩnĩ dticciannioohit cĩ Nyekuci haaga hĩ nii buúk nẽ haduhoonna hĩ ꞌgotoonogu ꞌcĩg ẽlẽmĩ Yeesu thõng. Laa nii Nyekuc diooni! Hĩnĩngĩtĩ ẽẽtĩ ꞌcĩ allimaneek ꞌgõõnõgĩ thõõth cĩ Yeesu, allimanni ꞌtirriaanaa cĩ Lori ꞌcĩ Ẽllẽẽmĩthĩ.”