39 Ĩcĩnĩt athĩn hĩ ꞌthoo cĩgannĩg. Nganĩĩt ꞌthẽk cieeni! Iita uhumtaangu nẽ ĩcĩttaangu. Aitiõõ miningit hõllõngaa aꞌnyak ẽmmẽ hĩ iding haau hĩcĩ acinnu niig haꞌnyahi naa ho.”
Nĩngĩtĩ arruuẽnĩ Yeesu moloohaa cobbi gẽrrẽẽt aĩnnĩ, “Baaba, haarihi naa lori caannĩ attiaa cunni.” Ma baa õthõõth hoti ẽlẽk, ikia ẽttẽẽd nĩngaata noho.
Nẽ ijin Yeesu ĩhõõggõ ĩĩnnĩk, “Abarrittu gẽrrẽẽt noho inni? Ĩccaadduung ngagiit nii?
Ma baa uduha thooꞌthiok iccig ẽlẽk, ikia eteretheek ĩhõõggõ athĩn hĩ ꞌthoo hĩcĩnĩt.
Ma baa uduha nẽẽ thõõth icci ẽlẽk, ikia eteretheek ĩhõõggõ ngatũbĩ athĩnĩĩ cĩgĩnnĩg hĩ habanyta. Baa accamanoothĩk nuyyiooha gẽrrẽẽt ngaatĩ acĩnĩ Makayyioohit!
Nĩngĩtĩ aduhaakĩ nuyyiooha ĩnõõnnõ annẽẽkĩ, “Iyyia hĩcĩtta naag Makayyioohit!” Ẽdẽcĩ hinnia Tomaaꞌthio aĩ, “Occa hõllõngaa helemi naa thõõth icci, hatĩ nga hĩcĩn ngatũbĩ athĩnĩĩ cĩgĩnnĩg ĩbaag õdõõddĩ ꞌgũthũmaarĩtĩ nẽ huhuma ngatubeenit cĩ habanyit cĩnnĩ nga baa acuhanni dĩlaawa.”
Ma nĩngaata, ĩĩnnĩk nẽẽ Tomaaꞌthio, “Arĩĩk aꞌthiit cunni ngaati nẽ icinu athĩn cĩgannĩg. Arĩĩk aꞌthiit cunni ngatubeettaa caannĩ. Ma nga hĩccaadi tarĩ, lẽmõ!”
Ma baa urutaa ꞌcĩ ĩppĩĩraĩ Yeesu ẽlẽk, ikia eteretheek nẽẽ eet ẽlẽ cĩnnĩ thooꞌthiohĩĩ ꞌcĩg arũgnaanĩ nẽẽ daahĩtha. Baa uppwaannak Yeesu ꞌthooyyiak tabattĩ mẽẽlĩg waathinnioohĩĩ baag ĩĩn hẽẽn ꞌwec nẽ othoothito thooꞌthiok cĩg habuccieet cĩ Nyekuci.
Aꞌnyĩĩk Nyekuc cĩ ganõõnõ ꞌcĩ aaꞌnyeet ngagĩĩt vẽlẽk haaut lõꞌngõõc, haaꞌnyuung hĩĩtõ tẽllĩg loriẽẽta cugguung hĩ eleeti cugguung thooꞌthiohĩ vẽlẽk nẽ aaꞌnyuung ngagiit vẽlẽk aaut hiꞌthihi ꞌthẽccan umwa ũdũt, ĩꞌthõng hõbõda Makayyioohiti cĩnaac Yeesu Krĩstõ.
Nẽẽthĩ, hiꞌngolli naag nyakangaaꞌnya cĩggaac hatĩ ilootteeta. Nẽẽthĩ ꞌyioko ĩcca occa aitiõõ hõllõngaa hiꞌngolli naag Baangeet ꞌcĩ loriẽẽt cĩggaac ꞌcĩ arũgĩ ooo hẽẽtahujjieen hatĩ ilootteeta?
Haduhaakuung naa ngagiit eet ꞌcĩ baa aaĩ baa ꞌthianaattaa cĩ lootu, baa hathĩkna nẽ hĩcĩtta ĩnõõnnõ hẽbẽrẽẽnnĩĩ cĩggaang nẽ huhumta athĩnĩĩ cĩggaang dẽẽdẽ. Ĩĩn nẽẽ Thõõth cĩ rũgẽt ꞌcĩ hirrioonna naag ko.