ꞌLuuka 24:27 - ꞌBuuk cĩ Thõõth cĩ Nyekuci

²⁷ Nẽ ꞌthianaatta hĩ Mũũꞌtha hĩ põrõvẽtaaꞌnya vẽlẽk, uduhaak Yeesu ĩhõõggõ thõõth baa adukiaa ꞌBuuhẽtĩĩ cĩg Nyekuci, hĩnĩngĩtĩ ĩnõõnnõ.

ꞌLuuka 24:27 ပူးပေါင်းရင်းမြစ်များ

ꞌThianaattõ 12:3

Haggatani hatĩ naa eet ꞌcĩg aggatannii nganiita, nẽ hĩccĩĩna eet ꞌcĩg acciinni nganiita. Haggatani hatĩ naa eet loonyini vẽlẽk, hĩnĩngĩtĩ nganiita.”

ꞌThianaattõ 22:18

Nẽ hĩnĩngĩtĩ athĩknaa nii nganĩĩta, ammũda hatĩ eeta cĩg loonyinu vẽlẽk ꞌgattan lõhõlẽẽnĩĩ cugunnig.”

ꞌThianaattõ 26:4

Haaꞌnyihi hatĩ naa lõhõlĩ cugunnig hiita hĩĩtõ mẽẽlĩg gẽrrẽẽt, haauto hĩ mũnyũnya nẽ haaꞌnyĩha ĩhõõggõ looc icci vẽlẽk. Haari hatĩ naa lõhõlĩ cugunnig hĩĩ ꞌcĩg haggatanĩĩ loonyin vẽlẽk loota nĩnga.

ꞌThianaattõ 3:15

Haaꞌnyuung hatĩ naa ĩĩtõ mĩrõk hĩ ngaa ĩꞌthõng ittirriaak lõhõlĩ cugguung. Õhõdaanni hatĩ ngeerĩnĩ nganiit õõ nẽ etengeduu nii ĩnõõnnõ tiitinyooc cĩnnĩ.”

ꞌThianaattõ 49:10

Aitiõõ hatĩ ẽẽtĩ ꞌcĩ occa aggama makaaꞌthĩt cĩ ꞌJuuda tõõ, hode nẽẽ hĩbahĩt cĩnnĩ cĩ makaaꞌthĩtõõ haaga, ĩꞌthõng hikia baattĩ hĩbahĩtõ, nẽ elemit loonyini vẽlẽk thõõth cĩnnĩ.

Maarko 4:34

Aitiõõ nẽẽ hõllõngaa aduhaak eet thõõth haaga, aduhaak thooꞌthiohĩĩ ꞌcĩg ammiꞌthi nẽ ma aau ẽmmẽn hĩ nuyyiook cĩgĩnnĩg, ẽddẽẽbak ĩhõõggõ thõõth vẽlẽk cũrũmũũm.

ꞌLuuka 24:25

Ma ho, ijin Yeesu ĩhõõggõ ĩĩnnĩk, “Aggiithennu niig hutuno hõlõ! Inni ꞌthinneeti cugguung hĩĩtõ gigigigi ngaatĩ ẽlẽmmĩ thooꞌthiok vẽlẽk baag aduha põrõvẽtaaꞌnya ho?

ꞌLuuka 24:44

Ma nĩngaata, ĩĩnnĩk ĩhõõggõ, “Baa nga harũmĩ naag hĩ ngagiita, baa gõõng haduhaakuung naa hanneekuung, edeeꞌnyia hatĩ ꞌgii vẽlẽk ꞌcĩ eheeddi, hĩnĩngĩtĩ nganĩĩt nyattaalaa cĩ Mũũꞌtha hĩ ĩĩcĩ põrõvẽtaaꞌnyanu hĩ ꞌBuuhaa cĩ Tegellwaanu.”

Yõaannẽ 1:45

Nĩngĩtĩ ammũdaanĩ Pilippo Nathaniele nẽ uduhaak ĩĩnnĩk, “Hummuddiaawa eet baa ẽhẽẽd Mũũꞌtha nyattaala nẽ eteheedito põrõvẽtaaꞌnya buúk ĩĩtõ, Yeesu cĩ Naaꞌtharẽtĩ ngeertĩ Yothebo.”

Yõaannẽ 12:41

Baa aduha põrõvẽtaacĩ Iꞌthaia thõõth icci, hĩnĩngĩtĩ baa ĩcĩn nẽẽ thõõth cĩ bulẽẽnĩt cĩ Yeesu horumwa nẽ õthõõth bulẽẽnĩt cĩ Elliookto.

Yõaannẽ 5:37

“Nẽ Baaba baa ĩꞌthõõannaa nganĩĩt ko, õthõõth nẽẽ buúk, hĩnĩngĩtĩ nganĩĩta. Nga ĩthĩhĩt niig molook cĩnnĩ hode nga ĩcĩnĩt ẽlẽ cĩnnĩ,

Yõaannẽ 5:39

“Agiillu niig ꞌBuuk cĩ Nyekuci gẽrrẽẽt, hĩnĩngĩtĩ ammuku ainnu ammũdaannu hatĩ rũgẽt ꞌcĩ aalla ooo hĩ ĩnõõnnõ. Õthõõꞌtha ꞌBuuhi cĩ Nyekuci ho nganĩĩta,

Dtiicanĩ cĩg ꞌThooyyiahu 10:43

Baa õthõõth põrõvẽtaaꞌnya vẽlẽk aĩ eeta ꞌcĩg ẽlẽmĩ Yeesu, ũũnnothoothĩk hatĩ ꞌthẽccanẽẽta cĩggĩĩng ꞌthaarĩĩ cĩgĩnnĩg.”

Dtiicanĩ cĩg ꞌThooyyiahu 3:18

Nẽẽthĩ, ĩĩn ciee ꞌgõõl ꞌcĩ aku ẽdẽẽnyanĩ Nyekuci thooꞌthiok baag aduha põrõvẽtaaꞌnya ngaatĩ aĩnnĩ, appĩĩrna hatĩ Krĩstõ.

Dtiicanĩ cĩg ꞌThooyyiahu 3:22

Hĩnĩngĩtĩ baa aĩ Mũũꞌtha, ‘Ĩꞌthõõakuung hatĩ Makayyioohiti Nyekuci cunuung ngagiit põrõvẽtaac ꞌcĩ haduhoonna hĩ nganĩĩt eetinii cugguung. Ĩthĩhĩt thõõth vẽlẽk ꞌcĩ aduhaakuung nẽẽ ngagiita.

Dtiicanĩ cĩg ꞌThooyyiahu 3:24

“Baa udukta Thamueele hĩ põrõvẽtaaꞌnya baag au uruta buúk, thõõth ꞌcĩ ꞌyioko acinnu niig ko.

Dtiicanĩ cĩg ꞌThooyyiahu 7:37

“Mũũꞌtha ꞌcĩ aduhaak eet cĩg Ĩꞌthĩraẽlĩ anneek, ‘Ĩꞌthõõakuung hatĩ Nyekuci ngagiit põrõvẽtaac ꞌcĩ haduhoonna hĩ nganĩĩt eetinii cugguung.’

Dtiicanĩ cĩg ꞌThooyyiahu 8:35

Nĩngĩtĩ iꞌthianaanĩ Pilippo aduhaakĩ ĩnõõnnõ thõõth cĩ ꞌbuuk cĩ Nyekuci nẽ ĩhĩkĩĩmanaak ĩnõõnnõ nyeemuut ꞌcĩ abũnnaa cĩ Yeesu.

Terethiinit 19:10

Ma baa hakanneehi aajĩlõ huruꞌnyia nẽ halawa ĩnõõnnõ ho, anneeka hinnia, “Ma halayya nganĩĩta! Hĩĩnĩ naa eet umwa ꞌcĩ hĩĩnĩ dticciannioohit cĩ Nyekuci haaga hĩ nii buúk nẽ haduhoonna hĩ ꞌgotoonogu ꞌcĩg ẽlẽmĩ Yeesu thõng. Laa nii Nyekuc diooni! Hĩnĩngĩtĩ ẽẽtĩ ꞌcĩ allimaneek ꞌgõõnõgĩ thõõth cĩ Yeesu, allimanni ꞌtirriaanaa cĩ Lori ꞌcĩ Ẽllẽẽmĩthĩ.”