ꞌLuuka 24:19 - ꞌBuuk cĩ Thõõth cĩ Nyekuci

¹⁹ Ẽdẽcĩ Yeesu anneek, “Neegi baallĩ?” Ẽdẽcĩ nẽẽg aĩ, “Thõõth cĩ Yeesu cĩ Naaꞌtharẽtĩ, baa ĩĩn põrõvẽtaac ꞌcĩ attiran gẽrrẽẽt thooꞌthiohĩĩ ꞌcĩg õthõõthĩ nẽ idtican hẽbẽrẽẽnnĩĩ cĩg Nyekuci hĩ ĩcĩg eet vẽlẽk.

ꞌLuuka 24:19 ပူးပေါင်းရင်းမြစ်များ

Maatteeo 21:11

Ẽdẽcĩ lothippiti aĩ, “Yeesu põrõvẽtaac ꞌcĩ aku Naaꞌtharẽta looccaa cĩ ꞌGalileea.”

Maarko 1:24

“Adiimi nii hĩ ngagĩĩt neegi Yeesu cĩ Naaꞌtharẽtĩ? Akuu nii, hátĩ ijjia ꞌruheet ngagĩĩta? Hagayyi naag nganiit ĩĩnĩ Eet ꞌcĩ Ẽllẽẽmĩth cĩ Nyekuci!”

ꞌLuuka 24:18

Ma nĩngaata, edecoothĩk umwaa ꞌcĩ haĩ Kileopath ĩnõõnnõ ĩĩnnĩk, “Ẽlẽ, nganiit dioo ꞌcĩ ĩĩnĩ heerinnioohit ꞌJeruꞌthalẽma ꞌcĩ hõllõngaa aga thõõth baa adhukiaakeet waathinnioohĩĩ baag ibiaali ngaati?”

ꞌLuuka 7:16

Ma nĩngaata, ubulan thõõth ciee eet vẽlẽk ꞌcĩg aattĩg nĩngaata, nĩngĩtĩ au adĩkꞌthĩ Nyekuc gẽrrẽẽt aĩnnĩ, “Uppwaannaheet aattĩ põrõvẽtaacĩ cobbi gẽrrẽẽt. Ikia ẽla Nyekuci eet cĩgĩnnĩg.”

Yõaannẽ 3:2

Ma kõr umwa baal, ũũk ũmmũdoothĩk nẽẽ Yeesu nẽ ĩĩnnĩk, “ꞌLimmannioohit, hagayya naag ĩĩnĩ nii ꞌlimmannioohit ꞌcĩ ĩꞌthõõannii Nyekuci, aĩ ijjia ꞌlimmaneet ngagĩĩta. Aitiõõ ẽẽtĩ ꞌcĩ occa adĩman thooꞌthiok ꞌcĩg ĩnaat eeta ho, hatĩ aitiõõ Nyekuci hĩ ĩnõõnnõ tõõ.”

Yõaannẽ 4:19

Ẽdẽcĩ ngaa nicciee aĩ, “Ẽẽtĩ cieeni, ĩko iini nii põrõvẽtaac.

Yõaannẽ 6:14

Ma baa ĩcĩnĩt eeta Yeesu ngaatĩ adĩmanĩ thõõth icci ĩnaat eeta ho, iita othoothito nẽẽg ĩĩtõ, “Dĩdĩ ĩko ĩĩn ẽẽtĩ ciee põrõvẽtaac ꞌcĩ hatĩ aku loota nĩnga!”

Yõaannẽ 7:52

Ẽdẽcĩ nẽẽg Nikodemo anneek, “Akuu nii buúk ꞌGalileea? Tarraaban da ꞌyioko ꞌBuuk cĩ Nyekuci, occa ammũda hiꞌthihi põrõvẽtaac hõdẽẽthõng ꞌcĩ aku ꞌGalileea.”

Dtiicanĩ cĩg ꞌThooyyiahu 10:38

ꞌgõõl ꞌcĩ aaꞌnyĩkĩ Nyekuci Yeesu cĩ Naaꞌtharẽtĩ Lori ꞌcĩ Ẽllẽẽmĩth hĩ ꞌtirrian hĩ ꞌgõõl ꞌcĩ õvvõõĩ looc vẽlẽk, adticanĩ thooꞌthiok ꞌcĩg abũnnaa, hĩ ngaatĩ ẽẽlanĩ eet ꞌcĩg aggam habuui cĩ loriẽẽt ꞌcĩg abathĩ, hĩnĩngĩtĩ baa aaĩ Nyekuci hĩ ĩnõõnnõ.

Dtiicanĩ cĩg ꞌThooyyiahu 2:22

“Ĩthĩhĩt thooꞌthiok iccig, niig eeta cĩg Ĩꞌthĩraẽlĩ. Baa ĩĩn Yeesu cĩ Naaꞌtharẽtĩ eet ꞌcĩ aku makaaꞌthĩtaa cĩ Nyekuci nẽ aaꞌnyĩk Nyekuci ĩnõõnnõ hidtican thooꞌthiok ꞌcĩg ĩnaat eeta. Nẽ agayyu ꞌthẽk niig vẽlẽk thõõth icci, hĩnĩngĩtĩ baa adtican Yeesu thooꞌthiok iccig hõrggẽẽnaa cunuung.

Dtiicanĩ cĩg ꞌThooyyiahu 7:22

Baa aaꞌnyĩhoothĩk Mũũꞌtha ꞌlimmanĩ ꞌcĩ abũnnaa gẽrrẽẽt Ijjiba. Baa ĩĩn nẽẽ eet ꞌcĩ attiran dtiica hĩ thõõtha.