ꞌLuuka 23:9 - ꞌBuuk cĩ Thõõth cĩ Nyekuci

⁹ Ma nĩngaata, ijin Ẽrõõdẽ ĩnõõnnõ thooꞌthiok ꞌcĩg mẽẽlĩg gẽrrẽẽt, ijjaak hinnia Yeesu ĩnõõnnõ kim.

ꞌLuuka 23:9 ပူးပေါင်းရင်းမြစ်များ

Maatteeo 27:12

Ma baa õhõppõõcan makayyiooha cĩg paadĩrꞌnyaannu hĩ makayyiook cĩg eetuk ĩnõõnnõ ho, baa hõllõngaa ẽdẽcĩ nẽẽ ĩhõõggõ ũdũt.

Maatteeo 27:14

Baa ĩjjaaki Yeesu hõllõngaa ẽdẽcĩ thõõth umwa buúk, nĩngĩtĩ abulanĩ thõõth ciee ꞌgaalac cobbi.

Maatteeo 7:6

“Ma haaꞌnyiku ũthũrẽẽt ꞌgii ꞌcĩ aꞌngirannii cĩ Nyekuci. Nẽ ma hadhuheeku ꞌngõõhĩꞌnya pẽalꞌnya. Ma adĩmannu noho, aathĩ hinnia hatĩ ꞌthõõnĩĩ cĩggĩĩng nẽ ĩꞌngoꞌthia hiita hadaktuung ĩĩtõ ꞌthĩĩ.

Maarko 15:5

Baa abũrĩ Yeesu ngaatĩ ẽdẽcĩ thõõth hõdẽẽthõng, nĩngĩtĩ abulanĩ Pĩlaatõ thõõth ꞌcĩ ĩjjaahĩ Yeesu ĩnõõnnõ ho gẽrrẽẽt.

ꞌLuuka 13:32

Ẽdẽcĩ hinnia Yeesu ĩhõõggõ anneek, “Õõt uduktaak irrieer iccia ĩĩttĩk, ‘Nga nõõ hiiggia naa loriẽẽt ꞌcĩg abathĩ nẽ hẽẽla eet ꞌcĩg õmmõõrĩ, kõr nicci hĩ lohotha nẽ hatĩ hẽdẽcaaha dtiic caannĩ luhutheet.’

ꞌLuuka 23:10

Baa abĩlĩ makayyiooha cĩg paadĩrꞌnyaannu hĩ ꞌlimmanniook cĩg nyattaalak nĩngaata, ara õhõppõõcan ĩnõõnnõ thooꞌthiohĩĩ ꞌcĩg mẽẽlĩg ꞌrĩng.

Yõaannẽ 19:9

Nĩngĩtĩ õbõdõõꞌthĩ halangatõõ nẽ ũũk ijin Yeesu ĩĩnnĩk, “Akuu nii ngaana?” Baa hõllõngaa ẽdẽcĩ Yeesu ĩnõõnnõ buúk.

Dtiicanĩ cĩg ꞌThooyyiahu 8:32

Baa agiil ꞌgaalacĩ ciee nĩngĩtĩ eheeddi ꞌBuuhaa cĩ Nyekuci aĩ, “Baa anũĩ nẽẽ hĩ aꞌthẽẽtĩ ꞌcĩ õkõ etteeddi thõng. Baa emmeethĩk nẽẽ hĩ mĩꞌnyõõn cĩ aꞌtheeto ꞌcĩ aꞌthudan tũhayyioohiti ĩma.

1 Pẽẽtũrũ 2:23

Tananga baa õdõõm eeta ĩnõõnnõ, baa hõllõngaa aruha nẽẽ oolo. Ma baa accananni nẽẽnĩ, baa hõllõngaa eggerꞌnyeek nẽẽ eet umwa. Nẽẽthĩ hinnianĩ, baa aalla aꞌnyak nẽẽ lemiinit hĩ Nyekuc ꞌcĩ ẽttẽẽd thooꞌthiok cĩg eetuk jurrung.